بخصوص شركة الشحن UPS ! عاجل !
 

السلام عليكم ورحمة الله وبركاته
بدايةً أهنيكم بعيد الفطر المبارك وعساكم من عواده إن شاء الله
ممممم . . عندي إستفسار عن شركة الشحن UPS ( لأني افكر أستخدمها في التسوق الإلكتروني وشحن الأغراض عن طريق هالشركة ) وهذي هي تجربتي الأولى في هذا المجال . . فحبيت أسأل عن الأمور التالية :

كيف ممكن أفتح account أو عنوان معهم ؟
حقيقةً . . سمعت أنه ما يحتاج أروحلهم أصلاً ولا أفتح حساب عندهم ابداً . .
كل اللي عليك إنك تخبر البائع إنه يشحن الغرض عن طريق هالشركة وتعطيه العنوان . .
طيب . . السؤال ألحين ، أي عنوان المقصود به هنا ؟ تراني ما رحت لل ups ولا فتحت حساب ولا عنوان عندهم . . فاي عنوان أعطيه البائع ألحين ؟

يعني معقولة أعطيه هالعنوان مثلاً . .
إسمي
سلطنة عمان - مسقط
رقم هاتفي

فما أعتقد إنها مقبولة . . شكلها غلط :كاشخ:

عموماً أرجو التوضيح أخواني ومشكورين مقدماً . .
وياليت لو تعطوني مثال واضح لشكل العنوان اللي المفروض أحطه للبائع .

وأنا بعد أريد معلومات مثلك
وهل استطيع أشحن عن طريق هذه الشركة من أمزون

والله الشركة ممتازة


اعتقد انه شركة فالكون وكيلهم فعمان
على ما اعتقد

اممم
رقمهم فالسيارة

متعايزه اروح اييبلكم العنوان ورقم التلفون من السيارة عشان تستفسرو

مره شحنت عن طريقهم وبصراحه كانو متعاونين

امممم عندي رقم واحد معهم بس معرف اذا يصير احط رقمه فالعام :متفكر:

هو قالي انه رقم الدوام اعتقد عادي احطه صح؟

اخاف يشتكو علي

PM you already . . check it out
:)
تابعي الخاص . .

المعلومات عالعام افضل اخواني ..لتعم الفائده

كل الود

انا استخدم ARAMX

تم الرد على الخاص :كاشخ:

حياك الله اخوي
لقد شرحت لك سابقا اخي كل ما يتعلق بشركة UPS للشحن ولكن شكلك لم تقتنع :كاشخ:

في كل موقع تشتري منه من الانترنت يطلب منك وضع الجهة اللتي ستشحن لها اغراضك هنا في عمان سواء UPS ارامكس او DHL او فيدكس.
انت عليك انك تختار UPS من الخيارات فقط ,,, الموضوع شديد البساطة

وطبعا الموقع يطلب منك انك تحط بياناتك عند التسجيل و لمرة واحده فقط
انت تحط اسمك وعنوانك في عمان ورقم هاتفك وكل المعلومات المطلوبة من قبل الموقع.

عند اختيارك لشركة UPS يقوموا بإرسال الطرد لك الى عمان فرع UPS في مدينة السلطان قابوس بعد شركة هوليبورتن على اليمين قبل التقاطع الجديد والجسر.
يوصل الطرد الى شركة UPS ويحصوا فيه اسمك ورقمك ويتصلوا فيك وتروح معاهم تشيل الطرد الخاص بك.
انا اتعامل معاهم من فترات طويلة جدا بنفس الطريقة وتصلني اغراض من جميع دول العالم تقريبا بنفس الطريقة.

هل هناك صعوبة في العملية اخي ؟؟
ام ان هناك شي غير مفهوم ؟؟

بالنسبة لامازون فهو لا يقوم بأرسال الالكترونيات والاشياء القابلة للكسر الى دول الشرق الاوسط مباشرة انما يجب ان تفتح حساب لدى ارامكس في الخوير ويستثنى من ذلك الكتب والاشياء الاخرى القابلة للإرسال.

بالتوفيق اخي واذا فيه شي مو مفهوم رقمي عندك اعتقد :)

نريد الرقم لااااااه,, شو هالحسد عاد :(

طيب كيف يكون الدفع للغرض اللي أشتريته?

الارقام ممنوعة على العام اخي :):)
انت تدفع للغرض بالكريدت كارد لصالح الموقع اللي تشتري منه
بالنسبة للشركة انت تدفع لهم 5 ريال قيمة ثابتة لهم عن اي غرض تستلمه
تدفع قيمة 5% من قيمة الغرض الاصلي لصالح الجمارك - على حسب كلامهم -

يعني لو مشتري حاجة ب 1000 ريال تدفع 55 ريال
5 ريال للشركة بالنفس
50 ريال للجمارك ولكن تدفعها للشركة ايضا يعني في نفس المكان

ارجوا ان تكون الطريقة واضحة ومفهومة

ارامكس ماينفعو... توصيلهم زين بس غالين

خرفوني زين مازين

المشكلة ان هم الحل الوحيد لامازون حاليا
بس لو تجي تحسبها بتلاحظ الاتي
مثلا اشتريت جهاز HTC HD
قيمته في عمان 360 ريال
انا اشتريته من الانترنت ب 250 كامل مع قيمة التوصيل

شفت الفرق...!

الفرق كبير وحلو..

بس المشكلة اذا كان فرق صغير والغرض الي تبغاه ماموجود في عمان
ويجو مال ارامكس ويزيدو الشحن.

ومرات شرطة الجمارك مايقصرو ياخذو علي جمرك...

بس الشراء من النت متعة :كاشخ:

وانا واجد اشياء اشتريتها من النت...

مشرف مناوب ما محصل عرسيه :ضحك::ضحك:

مشرفنا الغالي . .
كل الكلام اللي قلته عارفنه وانت ما قصرت ، شرحتلي كل شي من قبل . . وطريقة الشراء كلها عارفنها من قبل أيظاً ، ولكن الإشكالية الوحيدة هي " العنوان" . .

يعني معقولة أحطلهم العنوان كالتالي :
إسمي
سلطنة عمان - مسقط
رقم هاتفي

معقولة ؟؟

ياخي البائع بيقوللي إنت صاقعتنك الشمس واموه . . تفاصيلك ناقصه . . يالله.. يالله . . كمل بياناتك وعنوانك .. ياااااااالله . :ضحك:
شفت كيف . . فانته مثل ما تعرف موقع الشراء فيه مليون حقل لازم تعبيهن بخصوص العنوان ، يقولك مثلاً street number
Zip code
P.O Box
state
وغيره وغيره :عيار: <<<<<< عاش بو فيصل

وهالأمور كلها ما عندي ، اللي عندي فقط : الإسم + سلطنة عمان + مسقط + رقم الهاتف .

وهكذا . . فكيف يعني أجيب غرض بدون ما يكون عندي عنوان واضح وكامل خاص بحساب ال UPS .
فهذي الجزئية فقط اللي أريد توضيح فيها . .

عموماً يا ليت لو ترسللي عالخاص نموذج للعنوان اللي تستخدمه عادةً في جلب الأغراض عن طريق ال UPS كمثال فقط ولتكن تفاصيل غير حقيقية حفاظاً على سرية شخصكم الكريم ;)

thx in advance
هئ . . ما شاء الله عليك ما نسيتني :عيار:

الكثر من شركات إاستضافة المواقع وتسوق الالكتروني يستخدمون هذه الشركة .
هذه معاومات مهم يجب على البايع معرفتها حتى يتم تمرير هذه المعلومات لشركة النقل ولا كيف ريح يعرفوا وين مكانك ويعرفوا كم التكلفة والاتصال مع لاشعار عن وصول الشخنة والتنسيق عن مكان الاستلام ذا لم يكن واضح.

وشكرا

بالضبط . . ترا علشان كذيه أسأل عن العنوان .
أريد أحط عنوان واضح . .
يعني غريبة إنك ما تروح لل UPS بالأول وتشترك معهم علشان يعطوك address واضح حالها من حال بقية شركات الشحن !

عموماً . . أرجو التأكيد على هذي النقطة والتوضيح بنموذج عن شكل العنوان اللي تستخدموه عادةً للشحن عن طريق ال UPS ، ودامت دياركم عامرة بالمسرات :كاشخ:

أوووووويه :عيار:
أشوفه الموضوع شوي وبيوصل للصفحة الثانية . .
أحسن نلحق نرفعه قبل لا يغيب علينا . .
ما شاء الله . . السبلة العامة صايره festival هالأيام من كثر مشاركاتكم .
:كاشخ::كاشخ:

خلاص يعني

روح للUPS وسجل معهم ..

:مفتر::مفتر:
شو اقول أنا من هذيك الساعة . .
ترا يقولك طريقتهم هذولا إنك ما تروح وتسجل معهم . .

طيب شو أكتب فالعنوان يا ناس . .
حد يعطينا نموذج للي يتعامل معهم !

ياليت من الأخوة الي يعرفوا كيف يتعاملوا مع هذة الشركة يخبرونا!!
وانا سؤالي نفس تساؤلات الأخ "شاطئ القرم"

لأني استعمل ارامكس و DHL وبصراحة خراااف من خاطر أحيانا 2لاب توب ياخذوا علي فوق100ريال.
بالإضافة إلى هذة التساؤلات :-
وهل شركة UPS لاتحتسب الشحن بالوزن والأبعاد ؟
وماهي المدة التي تصلني فيها الشحنة من أمريكا إلى سلطنة عمان؟

تحياني...

اكتب اسمك والبلد والمنطقة والرقم بس

وبيوصلك الطرد لفرعنا في مسقط

وهم بيتصلون فيك وبتشرحلهم مكانك


العملية جداا سهلة

لا . . لا تحسب الشحن بالوزن والأبعاد . وهذا الحلو اللي فيها خصوصاً إذا تريد شراء اشياء ثقيلة .
إنما تاخذ فوائد 5 % من قيمة الغرض اللي تشتريه . زائد مبلغ 5 ريالات .

بمعنى لو قيمة الشيء 1000 ريال . . بياخذوا عليك ( 1000 × 5%) = ( 50 ريال) بالإضافة إلى مبلغ 5 ريالات . المجموع ( 55 ريال) وهو مبلغ زهيد مقابل الغرض اللي تشتريه بغض النظر عن حجمه .
وطبعاً يمكن تتسائل كيف بيعرفوا قيمة الغرض أصلاً ؟
الجواب . . الشركة هناك فالخارج ما تستلم اي غرض إلا وعليه فاتوره مرفقة وهكذا UPS بتعرف قيمة الغرض وبتاخذ عليك ال 5 % من قيمة الغرض .

بس يا ناس يا عالم . . حد يجاوبنا . . العنوان . . العنوان . . العنوان .
شو العنوان اللي نكتبه ؟ الإسم + سلطنة عمان - مسقط + رقم الهاتف . هذا فقط ؟!! هالثلاث أشياء فقط ؟!

أهاااا . . يعني كذيه صح :

إسمي
سلطنة عمان - مسقط
رقم الهاتف .

كذيه فقط ؟
يكفي ؟ بدون Zip code بدون P.O box . . بدون بدون بدون ؟

اخوي جرب شوف فرع الشركة وأرجوا أنك تفيدني..
والله DHL ياخذ علي 1كجم تقريبا 15ريال

ok . . do one thing
could u plz go there n forward all my enquiries and give me a feedback
could u plz . . .
i'll appreciate it
:ضحك::ضحك:

اخي تواصل معي على الخاص فانا لدي حساب ولدي خبرة لا بأس بها فيه هذا الجانب ، تواصل معي على الخاص سأعطيك رقم هاتفي لاشرح لك بالتفصيل .

جيت والله جابك :كاشخ:
تابع الخاص عزيزي . .