منتجع السلاحف براس الجنز بولاية صور
 

اعرف انه ما راح يصير شي بس الواحد يفضفض

(عندما كان هذا المنتجع بيد وزارة البلديات )
1) الدخول مع المبيت بريال واحد في الايام العادية والمناسبات .
2) الدخول من الصباح الى اخر الليل ( المبيت )
3) يمكنك مشاهدة السلاحف
4)المبيت صندقه داخل المنتجع
ـــــ
والان تبنت احدى الشركات هذا المنتجع
1) الدخول للشخص الواحد خمسة ريالات والمبيت 80 ريال في الايام العادية وفي المناسبات 150 ريال واكثر .
2)الدخول من الساعة العاشرة صباحا وحتى الرابعة عصرا فقط
3) لا يمكنك مشاهدة السلاحف لانها في اغلب الاحيان لا تخرج بالنهار .
4) المبيت خارج المنتجع ( فندق)

الامور كلها عكسيه


لا حياة لمن تناااادي

كلام مؤلم صراحة

انزين ما عندك فكرة متى تمسك الشركة زمام الامور بمعنى اصح متى يبدأو نظام ال 5 ريالات ؟؟

لا حول ولا قوة الا بالله
طمع بني ادم

خلاص الشركة ماسكه زمام الامور من فتره

لا حول ولا قوة الا بالله

بس هذي محمية طبيعية من سمح لهم انهم يتحكموا باسعار مشاهدة السلاحف ؟؟؟؟؟ :مستغرب:

اذا كان هناك شاليهات واماكن محترمة و5 نجوم بعده هه يمكن ادفع 80 ريال بس كذاك سلف :مستغرب:

اعتقد هذي اسعار سياحية يعني خاصة حق السياحب مب السكان المحلين (العمانين)

لان نفس الحركة صارت في كهف الهوتة الاجانب يدفعوهم 5 ريال والعماني 500 بيسة

والله اعلم

معقولة هذي الاسعار :مستغرب:

يعطوا استثمار المشاريع السياحية حال الشركات وتفرض اسعارها بدون متابعة:متفكر::غاضب:

اللي يريد يشوف السلاحف يروح رأس الحد عند المطار القديم احسن بكثير عن المحمية

لا اخوي للعمانيين والاجانب . انا كتبت هذا الموضوع ومتاكد من كل كبيره وصغيره . الله يعين

ايوا في راس الحد مفتووح تشووف السلاحف بس في الاونه الاخيرة مسكتها البلديه تجلس من الصباح الى الساعه السادسه وبعدين ترووح ببلاش

السياح يغيبوا عادي بس العمانيين !!! :مستغرب::مستغرب:

معقولة .. أول مرة أسمع عن هالاسعار..

يمكن ما رحتي راس الجنز من زماان اذا صارت لك فرصه روحي وسئلي وراح تتاكدي من كلامي

انا دخلت من كم يوم عشان اشوف السلاحف وبصراحه واجد واجد استمتعت
الدخول ب3 ريال والعوائل اقل
وما يحتاج تبات هناك
روح صور ب18 ريال وفوق
ودخول المحميه من بعد المغرب
لغايه الساعه 9 بالليل
والفتره الثانيه الساعه 4 الفجر لغايه الساعه 6 الصبح

وكل الشباب اللي في المحميه عمانيين وطيبين

وكل الكلام اللي قاله الاخ غلط في غلط واسئل مجرب

الحكومة الشركة والشركة الحكومة

فيه عدة اماكن في رأس الحد ممكن تشوف السلاحف بكثرة احسن من المحمية وعلى راحتك بدون ما

تدفع اي فلوس انا رحت اكثر من مرة وصراحة الجو جميل خاصة بالصيف

اهم شي انك استمتعت:)

الله يكون بالعون أخي

مالنا غير الصبر

مشكوور وهذا رايك بس انت تتكلم باشيا غير موجوده يمكن انت رحت بهلاء ما رحت ولاية صور

امورك صعبه ياديوان صور العفيه شكلك مضايق كثير من السالفه
طــــول بالـــك !