|
بنت النور راح تكشف لكم اسرار جمال الظفاريات
السلام عليكم اليوم حابة اكتب هالموضوع بناء على طلب كثير من الاخوات اللي يسألوني عن سر صفاء ونقاء بشرة بنات صلالة وايضا عن جمالهم وتناسق اجسامهم وعن تألقهم انا اليوم حابة اعطيكم بعض الاسرار هاااا مو الكل :ضحك: بس البعض ترا تظل الحقوق محفوظة لدى الظفاريات لا امزح معاكم بعد عمري حبايب قلبي بنات عمان الحبيبة كلها من قلبي راح اخبركم بكل اللي عندي واللي اعرفة بس بنات في بعض الوصفات عندنا حريم يترزقون منها ومايصير اعطيكم اياها لاني بجذي اخرب عليهم بس ممكن اعطيكم نصائح جمالية اساسية تتبعها اغلب ماراح اقول الكل بس اغلب البنات عندنا بصلالة لان بكل امانه اقولها مو الكل يتبع نفس الطرق وكلن لها اسرارها الخاصة التي لا تبيحها الا لمن حولها ولمن يهمها امرها بس نقدر نقول انه هناك في اساسيات تتبعها الاغلبية وفي اسرار خاصة لكل وحدة وراح اعطيكم طرق العرائس المتبعة في صلالة كل ماعليكم هو تسألوني وعلى الموضوع هنا مو ع الخاص علشان الكل يستفيد بإنتظار اسألتكم |
مشكورة عزيزتي ...
|
ممكن تخبرينا إحدى هذه النصائح .... وراح أكون لك شاكره
|
حبيبتي انتي حددي اش تبغين بالضبط وصفة للبياض والا للمتن والا لصقل الجسم والا مقشرات للجسم والا لايش بالضبط وانا اجاوبك عموما بعطيك وصفة ع السريع لازاله البقع الداكنة من الجسم اخلطي صبر ونيل وكركم وليمون ومر واستخدميها ع البقع الداكنة |
مشكووووووورة ايييييييش كثيييييييييييير
انا سابدا س1 : ما سر صفاء البشرة عندكن من الرؤوس السوداء ؟ |
اقتباس:
ولكن ماهو المر ؟ وهل النيل هو نفسه نيل ازرق الملابس ؟ وبالنسبة للصبار طازج ام بني مكيس ؟ بانتظار الرد اختنا |
شلون صقل الجسم والرشاقة؟
تسلمين حبوبه :) |
مشكوره إختي على هالموضوع
بس لو سمحتي أبي أعرف سر بياض والمتن؟؟!! وأي وصفه تقوليها ياليت تقوليلنا من وين نقدر نلقاهم |
موضوع هادف ومفيد
اذا ممكن أريد وصفة صفاء البشرة وبياضها وتناسق لونها؟.؟؟؟ |
واااااااااااااااو ..ما شاء الله عليج .
عسى ربي يجعل تعبج في ميزان حسناتك انا اريد مال المتن :) لو تكرمتي |
احييك على مجهودك في الرد على الاستفسارات :) اسالك كيف اخلي جسمي مشدود ومصقول؟ http://www.redcodevb.com/smiles/smil...orums-0785.gif |
اقتباس:
|
بصرااااح بنات صلاله يهتموووون كثير بأناقتهم و جمالهم و مكياجاتهم فشوي شوي علينا خطوة خطوة و بالتفصيل:) ....و خبرينا اللي عندك ... كل شي نبا نعرفه:كاشخ: بس تناسق الاجسام:منتزق: ... أعرف بنات صلاله ما شاء الله تبارك الرحمن |
هلا اخواتي وأشكرك لكم تفاعلكم مع الموضوع والله يقدرني وارد على جميع تساؤلاتكم بس احب انوة انه ماراح ارد على اي استفسارات على الخاص اللي عندها اي تساؤل تطرحة هنا بالموضوع علشان الكل يستفيد نرد الحين للرد اسئلتكم أخت جهانه بالنسبة للرؤس السوداء اهي عبارة عن دهون واتربة متراكمة وطبعا تتجمع اكثر شي في المناطق اللي تكون المسامات فيها مفتوحة كقبة الانف وعلى الوجنتين واول علاج لها هو انه نضيق المسامات حتى لا تتراكم الاتربة فيها وانصحك بالاتي بشكل يومي قومي بقطع نصف حبة طماط ومسحي فيها وجهك فهو قابض ممتاز للمسام الشي الثاني وهي مقشر اسبوعي قومي بتجميع قشر البيض واغسليها جيدا وبعدين حطيها في علبة زجاجية فاضية وصبي علية لتر ماء واضيفي للماء ملعقتين ملح وخزنيها عندك في مكان مظلم لمدة 10 -15 يوم ثم قومي بعدين صفي القشر من الماء وجففيها بمكان عادي لمدة اسبوع وبعد كذا اطحني بطحانه القهوة قشر البيض بتكون مثل البودر هالبودر خذي منه ملعقة وضيفي له مقدار 3 ملاعق حليب طازح وادهني به وجهك بحركات دائرية وركزي على المسامات المفتوحة وبعدين خلية حتى يجف ببشرتك واغسلي بماء وانصحك اذا اوريدي عنك رؤس سودا تقومين بتعريض وجهك للبخار لمدة 5 دقائق وبعدين جيبي الاداة اللي تزيل الرؤس السودا وحاولي تطلعين الرؤس السودا بالضعط عليها برفق حتى تزيلها نهائيا وبعد هالعملية ضروري جدا تسكري المسام بتمرير مكعب ثلج من ماء الورد وبعد التنظيف قومي بالخوات التي ذكرتها سابقا كي تغلقي المسام عندك |
اقتباس:
المر هو بالخليج يسمونه المرة وهي مادة لزجة لو نقعت بالماء واذا جفت تكون مثل الحجر وتباع عند العطارين والنيل هو فعلا نيل الملابس بس طبعا يبعونه عند العطار اما الصبر : فالصبر يختلف عن الصبار وهذا متوفر اكثر شي بصلالة وماعرف اذا متواجد بمسقط |
اقتباس:
بنات صلالة مو كلهم رشيقات لان المتن بس بشكل متناسق يعتبر من الجمال عندنا وطبعا اهم شي انه يكون جسمك متناسق يعني مافية مطبات وخذي هالخلطة لحرق الدهون بمناطق معينة وتخلي جسمك متناسق جيبي من السوق زبدرة الكاكو واخلطيها مع ملعقة زنجبيل بودر جاف واضيفي له ملعقة زيت الزيتون وملعقة زيت الكريفون وملعقة خل التفاح وامزجيهم جيدا وخليهم لمدة 3 ايام في مكان بارد وبعدين استخدميها في المناطق الغير متناسقة |
عندك لتقشير الوجه ؟؟؟؟ |
ايش زيت الكريفون :متفكر:
|
أنزين ويش سر بياضهن وريحتهن الحلوة ؟
|
اقتباس:
|
هلا اخوات نرجع لنكمل الردود على تساؤلاتكم بالنسبة للبياض ماراح اقول انه الكل مجتمع على وصفة معينة او خلطة معينة سبق وقلت كلن ولها سرها الخاص للي ممكن تبيح لمن يهمها امرة واحب اقول قاعدة ذهبية لو اعتمدتي عليها بتوصلي الى البياض الحقيقي والابدي امي دائما تقولي ( يابنتي البياض يجي من الداخل مو من الخارج ) يعني البياض يجي من الاكل مو من الخلطات وهذا هو البياض الابدي لان الاعتماد الكلي على الخلطات هي نتيجة مؤقتة فقط واكيد بيمر عليك فترات تملي وتيأسي من كثر الخبط واللزق بهالكريمات ولو توقفتي بينقلب لونك الى الاسوء لان مثل ماتعرفون اغلب الخلطات تعتمدت على الكرتزون علشان كذا اللي حابة تجابة السواد وتخلي بشرتها بيضة طول عمرها عليها اولا باتباع الاتي وهذي اسرار ذهبية ومن زمان امهاتنا يسونها السر الاول : احنا عندنا العروس تشرب سمن غنم مقدار غطائين من غرشة الفيمتو مع حليب ساخن وتشربة وعلى طول تتلحف بغطى حتى يسخن جسمها ويدخل السمن بعروقها ادري بتقولون دهون وكرسترول وماعرف ايش ,, هذا امهاتنا قدامكم مافيهم الا العافية وبياضهم بياض قرطاس واحب اقول معلومة انه سمن الغنم ابدا مايمتن لان دهنه اخف انواع الدهون ومايضر ابد وعن تجربة شخصية السر الثاني : العصائر لازم تشربي عصائر طازجة كثير تفتح البشرة وتعطي اشراق السر الثالث شرب الماء مضاف الية ماء الورد بكثرة يعني لا يقل عن 8 اكواب حتى ينظف الجسم من السموم وماء الورد معروف انه يفيد الجسم ويوردها الحين نجي الى البياض من الخارج راح اعطيكم اولا وصفات طبيعية وبعدين وصفات الكريمات الوصفة الطبيعية : نخلط مع بعض النيل ,الورس , دم الأخوين , كركم , صبر , محلب , زيت اللوز الحلو , مر , الصبر في علبة وندهن فيها الجسم بشكل يومي هالخلطة بتشيل الشوائب والجلد الميت ويفضل اسبوعيا عمل حمامات مغربية وراح اكتب لكم بعدين بعض الحمامات المغربية الللي استخدمها خلطة الكريمات : نخلط عشرة من كريم شيرلي الاخضر مع نص غرشه السمن الغنم ونخلط معها اي كريم مفتح مثل فيد اوت البني او الازرق |
تسلمين اختي بنت النوور ما عليج زود يالطيبة ,,
انا ربيعاتي ثلاثة ارباعهن من ظفاار ,, ودومهن يتخالفن عالخلطات شي منهن بالصابونة السودا والكركم وشي منهن بالكريمات وشي منهن بالنيل والورس بس متفقات عشي واحد الي هو سمن الغنم ,, انه من احسن الاشياء للتفتيح بس يباله استمرار لمدة شهرين واكثر عشان النتيجة بس ما شا لله سمن الغنم مع الاستمرار يعطي الجسم وزن ,, واسمحيلي عالمداخلة حبيبتي |
اشكرك على سعة البال والرغبة في الإفااااااااااااده
جزاك الله كل خير انا ضعيفه جدا جدا وفوقها جدا:ضحك: ......وين القاه هذا سمن الغنم..ابا خدوووود مثل الناس:ضحك: ؟؟ |
مشكورة ع الموضوع الجميل
وان شاء الله الجميع بيستفيد منه |
واني اقول هين مروحه فلوس الظفاريين ..
أهـآييه من هالخلطات كيه كثرهن .. :مفتر: مشكووره ع الخلطات .. وبجربهن إذا قدرت .. :مستحي: :مفتر: |
جزاج الله خير اختي .........واخيرا حد بغى يبوح لنا عن الاسرار
تسلمين الغاليه عالمجهود وفي ميزان حسناتج |
يا ربي يحتاج وقت
انا احس اروح السبا واسوي مساج وادلع نفسي لان ما اعرف اخلط واسوي احس صعب ! بس ما شاء الله عليك خبرة . الله يوفقك ولو عنك كنت اسوي تجارة في هذا المجال كان أبيع لمن يريد |
تسلمين حبيبتي
سؤالي اريد اعرف شو اللي يخلي لو البشره موحده يعني كلها لون واحد |
الي تبغي بشرتها تكون بيضه ومنوره على طول
عليها بسمن الغنم ملعقتين مع حليب ساخن باليوم لمدة شهرين وراح تحسي بالفرق بتكوني بتلجي بياض مو بس وجهش الا كل شي فيش راح يتفتح وينور وراح تصير بشرتش مره ناعمه وصافيه وبالنسبه للي تبغي وزنها يزيد عليها تخلط هالاشياء مع بعض وتشربه كعصير غرشه عصير مانجو مع كوب حليب مع ملعقتين سمن بقر مرتين باليوم بثلاث اسابيع تكون النتيجه واضحه زياده بالوزن مع بياض واشراقه بالوجه |
من تعرف حد يبيع سمن غنم امانه ما مغشوش
يا بنت النور هل موجود في صلاله بكثره سمن غنم ووين القاه علشان اذا احد راح بطرشه يجيبلي |
| جميع الأوقات بتوقيت مسقط. الساعة الآن 02:09 AM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها