|
بعض الناس ما تقيم الصلاه بسبب انها تنتضر فلان الفلانى
السلام عليكم ورحمه الله وبركاته ادش بالموضوع على طول بدون مقبلات بعض الناس تأخر قيام الصلاه بسبب انها تنتضر فلان الفلانى ليش كذا ليش.?? هل هم يصلون لفلان الفلانى او لله رب العالمين هذه الضاهره منتشره فى كثير من المساجد وما اعتقد انه غريبه عليكم او ما سمعتو عنها.. على كلن .. اعطيكم مثال بس يعنى فى حارتنا وبالقرب من بيتنا 3مساجد.. الاذان يبداء بنفس الوقت..يعنى كل الاذن يصيح مره وحده..ولكن الصلاه بوقت مختلف وهذا يدل على الاختلاف وليس الوحده..اول ما يخلص امام المسجد الا انا اصلى فيه اسمع المسجد الثانى يقيم الصلاه..ومعظم الناس الا تصلى معنا هيه من الحاره الثانيه..يوم من الايام سئلت عده اشخاص عن سبب الصلاه بالمسجد الا قدام بيتنا وتركهم المسجد الا بحارتهم.. الاجابه جت على هذا النحو الاول يقول : ان ذاك المسجد الا بحارتنا محد ينتظم بالصلاه يعنى اليوم نصلى بدرى وبكره نصلى متاخرين.. الثانى يقول : ان المسجد الا يصلى فيه الا قدام بيتنا وبحارتنا ما فيه حساسيه وقلوب الناس واسعه..يعنى اليوم صلى فينا امام سنى وبالباكر صلى فينا امام اباضى والناس الا تصلى ما تعارض ولا تناقش عكس المسجد الثانى الا بحارتنا.. الثالث قال : انا ارتاح نفسيا اصلى فى هذا المسجد عكس المسجد الا بحارتنا وهكذا.. وبسبب هذه التصرفات الا تصدر من بعش الناس عند اقامه الصلاه يسبب تنافر بين الناس وهجر للمساجد حتى اهل الحاره ما يعجبهم.. ولما يسئلو امام المسجد ليش ما تقيم الصلاه لان الحين وقت اقامه الصلاه قال : ننتضر فلان الفلانى الله يهديكم يا ائمه المساجد..ما اعمم بل اقول يهدى كل من يصدر منه مثل هذا التصرف.. |
المشكله
لما يخضع الدين لرغبات الناس ولا تخضع رغبات الناس للدين ... شكرا |
نفس المشكله عندنا والمشكله أنهم شيوبه يعني إذا تكلمت وااحوفك
|
فعلا لاحظت مثل هذه الأمور نسأل الله الهداية لنا ولهم .. توجد أخطاء مطبعية اخوي في بعض الكلمات .. مثل (تنتضر = تنتظر) (الضاهرة = الظاهرة).. |
الحمد لله أصلي في البيت
خليت المسجد حالهم كل يوم يتضاربوا و كل يوم مشاكل و كل يوم |
حتى في الصلاة واسطة
|
عندنا بعد هالظاهره....ابوي كل يوم يشتكي لحد ما هجر مسجد الحاره وصار يصلي في مسجد ثاني...
يقول كل ما طلبنا من الامام يقيم الصلاه يقولهم انتظر فلان....ينتظروا كبار الحاره ومشايخها وبقية لناس ما ماليه عينهم:معصب: الله يعين صار وقت الصلاه مرن وتحدده اهواء الناس ومصالحها:مستغرب: |
اقتباس:
والله ما توقعت الكل كذا يقول انه معهم يصير سبحان الله والله حاله ما تستحمل |
اقتباس:
ومن غير هاذولا الشيوبه مخربين المساجد الله يهديهم بس |
اقتباس:
شكرا على التنويه كنت اكتب بسرعه واحيانا وتبى الصدج انى يدور راسى بهذه الحروف الظ و الض شكرا على المرور |
الشيوبة السبب يخافوه يزعل فلان
|
اقتباس:
السبب الاكثر اشوفه المصالح يعنى فى يوم طفت اصلى الحاره الثانيه وانا بالمسجد وقت الصلاه وصل بغى امام المسجد يصلى شخصين من الحاره ونقدر نقول كبار سن قالو لحضه ننتضر فلان الفلانى وذاك فلان يشتغل مقاول وشكله بانى لهم بيوتهم يعنى ما ينتضرو اى شى الا المهمين بالحاره اصحاب الماديات يا سبحان الله |
الله يعينا ويرحمنا |
اقتباس:
موضوع الانتظار فيه شوية حساسيه بس خلي في بالك انك يادوب بتنتظر بالكثير 5 دقائق ما فكرت ب 50000 سنه (انتظار يوم القيامه) (وجهة نظر) هداني الله واياكم |
اقتباس:
امين يارب نعم الله يعينا بس سوال للكل كيف تتصرف مه هذه الفئه |
والمصيبة انه اللى ينتظروه جاهل ما متعلم ومخوفنهم بسبب فلوسه
او انه شيخ يوقع على المعاملات واذا حد تكلم يزعل عليه ما يوقع له والبعض منهم يفكر انه الستره واللى جنبه يمين ويسار يوقف اصحاب المناصب والاموال |
اقتباس:
انا لو شفت مثل هذه الحركات اشكره بتكلم بقول ان وقت الصلاه بدى ولازم نصلى واذا تنتضرو فلان انتضروه بس تاكدو انى بتصل بوزراه الاوقاف والشون الدينيه |
الشياب هم العصبية و عدم تقبل الرأي مهما كان راي الطرف الاخر
الله يهديهم |
اقتباس:
ما مشكله حصل خير :مرتاح: |
قبل فترة كنا في زيارة لأحد المناطق القروية في ولايتنا ... وكان يوم الجمعة لما ذهبنا لصلاة الجمعة في الجامع ذهبت انا للوضوء ودخل أصحابي قبل وعندما دخلت لم اجد مكان إلا في الأمام وكان متروك وتوجهت إليه وكل الناس تشاهدني وأكنها تقول ماذا يفعل ... وجلست هناك وصاحبي إلا هو من أصحاب المنطقة كان يشير لي أنه تعال ولكني لم اتحرك وبعد فترة جاء رجل (لن أصفه) وجلس بقربي وهو ينظر لي بنظرات غريبة عجيبة المهم خلصنا مصلين ولما خرجنا إلا الصاحب جاين ويقولي:- أنت مو سويت..... قلت:- ما سويت شي ... قال :- بعد ما سويت شي انت جلست فمكان الشيخ هذا بوسويته ... رديت عليه ما خبرتي من أول عشان أطلب من العفو السماحة (أستغفر الله)....
وتحياتي |
انا بصراحة اشوف الموضوع عادي و ما فيه شي
وتحصل في كل مكان في العالم ما بس في السويق :متفكر: |
اقتباس:
والله كلامك صحيح كأنه ماتقبل الصلاه اللى بحضور فلان انا لاحظت كثير ولا بعد يروحو يشوفوه من برا اذا وصل او لا :كاشخ: كانه هو اللى يقبل الصلاة :معصب: |
عندنا على حسب الوقت الى محدد من قبل المؤقته
|
اقتباس:
ما عندى خلفيه اذا موجود بكل مكان بالعالم بس هذا الشئ ما احسه عادى وهو عدم التقيد بالصلاه في وقتها مما يسبب تناقض وعدم احترام وقت الصلاه خبصه مثل ما يقوقو تستوى شكرا على المرور |
مرحبا معاااذ ... موضوع حلو .. :) الإلتزام بإقامة الصلاة في الوقت المحدد أمر مهم للغاية .. لأن الناس عندهم ارتباطات و ظروف و برمجو يومهم لأداء الصلاة حسب الوقت المحدد .. يعني حاسبين حسابهم يدخلو المسجد و يصلو.. فإذا كان هناك انتظار لفلان و علان دون رضى الجميع فهذا قد يسبب نفور الناس من حضور الجماعة و يسبب تفكك للعلاقات .. لأنه يربك الناس و يلخبط مخططاتهم .. و المفروض الشيخ أو الزعيم يكون اول الحاضرين حتى يكون قدوة حسنة .. و يكون متواضع و يحثهم على الصلاة في وقتها دون ما ينتظروه . و عموووووووما .. الأمور تمشي بالحوار و المصارحة و التفاهم بين الأب و الإبن و الأخ و أخيه و المجتمع كله تحصل فيه أخطاء و الحوار و المصارحة هو بداية الحل . |
اقتباس:
مرحبيتن وادى النور زين ما وادى بنى خالد.خخخخ شكرا على المرور وعلى الكلام النير النصيح ومثل ما قلت ان الصلاه لها وقتها والناس ملتزمه يعنى اليوم الصلاه قامت بتوقيت مختلف باكر بتوقيت نختلف وهكذا اما ان الامور تمشى على الحوار والمصارحه فهذا هو الحل الوحيد ولكن اعتقد شخصيا ان الامور صعبه لان المصالح الشخصيه تعمى الناس وما تعرف المراعاه والتقيد ما امر الله اتمنى هذه الظاهره تنتهى اتمنى كل من قراء موضوعى يكون شخص فعال اذا صار موقف مثل كذا مغزاى ومرادى من تنزيل الموضوع هو انهاء مثل هذه التصرفات من راء منكم منكر فليغيره والقلب اضعف الايمان والله من وراء القصد |
لا اله الا الله
|
اقتباس:
وان محمد رسول الله صلى الله عليه وسلم |
يأخي كثرة المصلين في صلاة الجماعة افضل ،، ويمكن الناس اللي ينتظرون شخص ما يمكن لكونهم تعودا على التزامة بالصلاة مع الجماعة.
|
اقتباس:
ما اعتقد انهم تعودو على التزامه بالصلاه بل بالتاخر على الصلاه ليش كل الناس موجوده فى المسجد تنتضر الجماعه وفلان الفلانى برع او بعد ما جاى |
| جميع الأوقات بتوقيت مسقط. الساعة الآن 07:51 AM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها