هي هذي الزمالة في المكاتب
 

مساء الخير

زرت عدة دوائر حكومية كمراجع وفي كل مرة أصادف هالمواقف ضحك بنات وميوعة شباب
يقول الزميل لزميلته هين غيبتي الورقة هين ؟
تجيبه : شايفتنها فوق طاولتك أمس ؟
الزميل : ما فعقلش انتي ما فعقلش اللي شاغل بالش يتهنابه ؟
الزميلة بعد الضحك : عينك انته اللي ما فعقلك باه

ومكان آخر
الأخ جالس يروي قصة حياته لزميلاته ومن ظرفه يقول : ثلاث مرات أسافر بس ولا مرة فكرت اني أغازل
تطش وحدة من زميلاته : باين عندك موبايلين بدل واحد وما تغازل - وعاد الكل يضحك

ما أعمم بس هذا الحاصل
هل يرضيكم هذا يا جماعة ؟

صح والله....وما بس فالدوائر الحكومية..
والزوجه المسكينه...فالبيت تربي الصغيرين...وهو جالس يدق السوالف مع علانه وفلانه...
عاد الغم والقهر...لما تواجهم يقولوا عادي زماله فالعمل...

وما خفي أعظم
..
مو الكل طبعا..
تحياتي لك أخي

الاختلاط خطأ و الي يقبل به....مبروك عليه..ها ها ها ها ها ها ها

خليهم ينفسوا عن كروبهم

نسألك اللهم الهدايه

لا وازيدك من الشعر بيت يتكلموا بعد الداوام عن طريق التليفون اواين عادي ما فيها شي زمالة عمل
:كاشخ::كاشخ::كاشخ::ضحك:

ما أعمم

من كذا المراجع ستين مرة يرجعوا الجماعة ما متفيقيين هبابهم .............

وليش ما يكون العكس ؟

الله يستر بس ويعين

الزمالة في العمل لها حدود وكل واحد يتعامل بالاسلوب اللي تربى عليه

يعني ما اعتقد ان وحدة تهتم بشغلها ومواظبة على دوامها ويهمها ان المدير والموظفين يكونوا راضيين على اداءها في العمل وتحاول بكل جهد تقوم به على اكمل وجه ...................... بتكون مثل المثل اللي ذكرته

اما اذا وحدة بس يهمها كمية البودرة بو في وجهها وماركة اي نوع من المكياج فبيكون عادي عندها تسولف


طبعا هذا بشكل مختصر على فئات معينة وليست عامة

وجهة نظر لا اكثر

وبعدين اساس التعامل في العمل يعتمد على الحلقات التي تكون متواصلة مع بعضها لاداء عمل متكامل متكافئ وناجح واذا فقدت حلقة تسرب العمل وفشل

وجهة نظر بعد

انا نفسي بس اشوف الوضع كيف بيصير بعد عشرين سنه
انام الليله واحلم بعمان والتقدم والانفتاح فذاك الزمان
(اخاف انه زميلة العمل تجي البيت التكمل الشغل)

كله صااااار عادي حتي يتكلموا بالتلفون ويتراااسلوا بالمسجااات في اوقااات غير الدوااام وفي انصاص الليالي ...
طبعا مو الكل بس في فئه..الله يهديهم..ولما ننصحهم عااادي هذي زميله :معصب:

أخي اتفق معك
كل اناء بما فيه ينضحوا
رجل او امراءة
الانسان المحترم ببقى محترم في بيته ومع اولاده ومع الناس وفي المجالس وفي العمل وفي كل مكان
بس الفئه الي ذكرتها للاسف ........................................
(قصة بسيطة)
رحت مرة احد المراكز الصحية مع اختي وبالتحديد عيادة الاسنان سلمنا الكرت وجلسنا ننتظر الدور الطبيب عماني والممرضه عمانية جالسين يسولفوا وينكتوا والناس (المرضى) تنتظر شفت على الممرضة بعين الغضب توقعوا اش صار صكت الباب
لاحول ولا قوة الا بالله
الله يستر
من وجهة نظري ( اعتقد ان الشاب لازم يسال ع البت كثير وخصوصا اذا كانت تعمل في مكان مختلط )
عشان مايتفاجئا في يوم (انها..........او عندهازميل او صديق )
احترامي

؟؟؟؟؟

ما انتن بو تطالبن بالمساواة شبروها الحين

ليش ما يكون الزوج مسكين واثق فزوجته وهي طايحة تكركيرة مع زملائه في العمل :متفكر:

ولك أخي

مشكوور :)

يحللوا الراتب صح :متفكر:

يا عيني :كاشخ:

الانبطاح وانت الصادق :متفكر:

ومتذكر تاريخ ميلادي :متفكر:

ينفسوا ياخي بس بدون ريحة :متفكر:

يا رجال يخلصوا بعض المعاملات آخر ليل ايش فيها :متفكر:

وغفلة خطيرة