|
||> إنسايكلوبيديا سوفت هارت PG) - Limited Edition) <||
هذا الموضوع لأصحاب القلوب القوية ، لمن فيهم بارض كبير ، لمن هم فوق الـ 12 سنة ، لمن هم تحت الـ 12 سنة ولكن أبوه وأمه جالسين يقريوا معه !! هذا الموضوع ليس بـ دلو سح عشان يكنز فيه ، هذا الموضوع شعاره: So You Think You Can Read عناوين المواضيع في هذه الأنسايكلوبيديا 1 - عمان تسجل رقم جديد في موسوعة جينس ! 2 - بين العبقريـــة والكبوشيــــة 3 - رســــالة شـــكـــر 4 - كيف تقــوس الكــورة ؟ 5 - أقوال مشهـــورة ، وتعليقــــات أشهر ! 6 - من أقوال سوفت هارت TGR vs TGW 8 - تكنولوجيا الـ ATM الجديدة ! |
السلطنة تسجل رقم جديد في موسوعة جينس ! الحمدلله رب العالمين أنه ما وقفنا عند تسجيلنا لأكبر حادثة تجميع قواطي بالعالم ، الحمدلله ما قلنا نكتفي برقم واحد في موسوعة جينس ، بعد مسيرة بحث في كل العالم ، تأكدنا أنه ورقة الـ 50 ريال هي أكبر ورقة نقدية موجودة بالعالم ، وسجلنا ولله الحمد رقمنا الثاني في الموسوعة ( أكبر عملة نقدية ) !! مع أنه ما اعرف ايش الهدف انه كلما كبرت العملة ، كلما زاد حجمها !! مع انها بالأول والأخير ورقة بقيمة نقدية !! أوكي ما مشكلة ، خلوها تكبر اذا ما منه بد ، لكن حشااا ما كذاك عاد !! :مفتر: هذي ما ورقة بو معنا نوبا !! دنيا ، لا بووك يشلها ولا محفظة !! كل محفظات العالم ما مصممات حالها !! حط ورقة الـ 50 بالمحفظة ولازم تلقاها تنتاوص من فوق ! عاد جلست افكر بنظرة بو صممها هالورقة ، وقلت ايش يا ترى أهدافه ، وهذي النتيجة : 1 – تسجيل رقم في جينس ! 2 – ممكن اذا جلست عليها تصير بساط سحري وتفربك 3 – تقدر تستخدمها كسجادة ، تفرشها وتصلي ! 4 – ممكن تتلحفبها (مع انه مالك بن فهم خلانا ببقعة ما يفترض نحتاج لحاف ابدا :متفكر:) بين العبقريـــة والكبوشيــــة أقول عيسان اليوم فاضي ؟ خير موه عندك حمودو ؟ حمودو : باغنك تعلمني كيف أستعمل مايكروسوفت أكسيس عيسان: أكسيس !!! ياللله كيه هذا سهههههل ، تعال وبشرحلك. ويبدأ عيسان بالشرح وبعد ساعة من الشرح وحمودو ما فاهم ، ايش ياترى يقول حمودو بداخله: تو أنا كبش لهالدرجة !! عيسان يقول سهل وأشوفني ما راقط شي ! ايش المورال من هالسالفة سوفت هارت: ما أبغى حد يشرحلي حاجة ويبدأ يقول سههههل ، لأنه اذا توهقت شويه وما فهمت عطول أتضايق وأقول هذا بكون ماحالي ، عن تقولوا سهل ، عن تقولوا شي خير شر ، وخليوني أفهم وأحس أني عبقري ولو لمرة وحده ::مستحي:: . يعني هالسالفة تذكرني بأيام الجامعة ، كل ما جانا شي جديد ، قالولنا إيزي (piece of cake ) ، وأخر شي بنهاية السمستر يوم أجي أذاكر أخطف على النوتات أقول : أصلا هذا ما مقرر علينا ، أكيد حال الأدبي بس !! :كاشخ: رســــالة شـــكـــر كل الشكر الى شركة جونسون ن جونسون عشان أنها وفرتلنا كللل ما يحتاج له الأطفال من حاجيات ، و خلتنا نجيب الأطفال بنفسنا بدال ما توفرهم لنا بعد ، ريللي ثانكس فور ذات. :) كيف تقــوس الكــورة ؟ تقويس الكورة فن ، لليوم نحاول نتقنه و لليوم ما طلع لعيبه تبدع بالتقويس أكثر من أولاد ساوث أميركا ، بس قبل كم يوم شفت مشهد ، خلاني أقول: ( وابوي عليكم بو نتوه بعدكم جالسين تتعلموا كيف تقوسوا كورة ، الناس عادوا يقوسوا رصاصة المسدس !!) روحوا شوفوا فلم Wanted وبتفهموا السالفة (أحصل فلوس من هالدعاية : هذا الموضوع برعاية سنما الشاطي ، اتصل على بدالتنا و نعدك بـأكسنت هندي يرد عليك حتى اذا شغلت السبيكر عشان تسمعه موه يقول ما بترقط شي ، الأكسنت الهندي هو أفضل أكسنت لجذب الزباين ، رضاؤكم هو هدفنا ، اتصل الأن). أقوال مشهـــورة ، وتعليقــــات أشهر ! 1 - يقول ويليام جيمس ، أحد المشهورين بالكتابة عن صفات القادة الناجحين ، يقول: The deepest human need is the need to be appreciated مممممممم ايش اقولك ويليموه ، أنا اتفق معك في الشق (تذكرني بالشق الأيوني) deep ، لكن اختلف معك بالشق est ، بالله عليك خليييت كل حاجة وأخر شي على أبريشييشن جيت ! نسيت النييد حال الأكل ! نسيت النييد حال لعب الكورة ، نسيت النييد حال الحب ، نسيت النييد حال الـ طووووط (بعد الساعة 9 بالليل بتطلع الكلمة مكان الطوط) أقول ويليموه ، روح شوف كلام الناس الفاهمه بو مسوين هذاك الهرم عن الهيومن نييدز ، شوف قاعدة الهرم ايش فيها ، فيها 3 أشياء (و بو تقريوا ما بخبركم ايش هن ، رمضان قريب وهذي من الفوازير :مستحي:). أقولك ويليموه ، اسمع ايش يقولك سوفت هارت : The deepest human need is the need to be satisfied 2 – مارك سانبرن ، صاحب كتاب The Fred Factor ، يقول : There are no unimportant jobs, just people who feel unimportant in their jobs ايش يريد يقول مارك ، يريد يقول شي ناس وظيفتها تكتب مواضيع ، وشي ناس وظيفتها تقرأ ، وشي ناس تخمس ، وشي ناس وظيفتها تشرف على هذيك الناس. ومارك يقول : لا تفكروا انه وظيفة المشرف هي بو مهمة وفوق كل الوظايف !! وظيفة المخمس بعد مهمة ، المشكلة تبدأ لما المخمس ما يحس بقيمة وظيفته ! Well done Mark ، بس قاصر تكتب : ديزايند سبشلي لسبلة الترويح !:كاشخ: 3 – One size fits all مخترع هذي المقولة كبش :كاشخ: ، لكن أول شي نبدأ وين نحصلها هالعبارة ، هالعبارة غالبا نحصلها بمحلات بيع الملابس ، أوين هذا النوع من اللبسة يصلح حال أي واحد وكلهن مقاس واحد !! يعني لو ما عايش المأساة بنفسي أيام الغربة كنت أقول جايز ممكن يصير مقبول ، بس تعال يوم جربت هذا بو فيتس أوول ، طلع كأنه كوت باتمان :معصب:. بيني وبينكم ما شفت شي يستاهل من أنه يكتب عليه هالمقولة أكثر من ( الوزار ) هذا بجد فيتس أوول !! (ملاحظة: بو يشابق وزارين هو استثناء هذي القاعدة!) من أقوال سوفت هارت The Problem is rarely the problem. The RESPONSE to the problem ends up being the real problem. TGR vs TGW هذيلا بو فوق طال عمركم يعني: TGR = Things Going Right TGW = Things Going Wrong يقولك عند كل تفكير بتطوير حاجة ، دايما نشوف عالجانب السلبي لهالحاجة (TGW )، و نحاول نعدله و نقلل من هالأشياء بو معرقلة التطوير ، لكن المصيبة أنه ننسى اللي يكون ماشي أموره صح (TGR ) ، والنتيجة ايييش ، نلايمها من هالصوب ، وتدعثر من الصوب الثاني ، على قولة الحكمة: نعدل مشاكلنا بتقويم الـ TGW ، و ندعثر الـ TGR الذي نملك فلا نحن فزنا بما كنا نلايم ، ولا ما تدعثر صار ينفع !! يعني لو جينا نشوف اللي صار بتاريخ الترويح ، كانت أيام ابداع ، كل يوم ينزلك مواضيع مبتكرة وابداعية ، يعني عالأقل كل يوم موضوعين يعطنك شي ، وكانت هالمواضيع المتميزة والتخميس كما بينكي وبراين كما الخبزة والجبنة كما ميسي والكورة لازقين ببعض وما بنفصلن أبدا ، أكبر مسافة بينهن هي مثل بعد الكورة عن رجل ميسي يوم يركضبها . لما جينا نفكر بالتطوير ، قلنا بنتخلص من التخميس ، على أساس أنه TGW ، لكن اللي صار يوم بعد يوم صارت تقل المواضيع الأبداعية !! ليييش ، لأننا فكرنا كيف نقوم الـ TGW ونسينا كييف نحافظ على الـ TGR اللي عندنا !! :متفكر: تكنولوجيا الـ ATM الجديدة ! دايما بعد ما أخلص متغدي ، ارجع واتسندح على وراء ، واسأل هالسؤال: ما ممكن تجي المغسلة هنا ؟ :مستحي: سؤال اعتقد كثيرين يجي ببالهم ، لأنه غالبا تتصفد النومه بهذاك الوقت ، أخخخ بس لو يصير وتجي ! :كاشخ: ايش جاب هذا على بالي ؟! يقولك في أمريكا ، اعتمد أحد البنوك ميزة جديدة ، وهي: اذا تريد تسحب فلوس ، ما يحتاج تروح تدور ماكينة سحب ، اتصل على رقم و خبرهم موقعك ، انتظر هناك ، وبتجيك سيارة من البنك فيها ATM واسحب !! :منتزق: تتخيلوا معي !! مكينة السحب هي بو تجيك !! بصراحة أحسهم طوروا الفكرة مالي بيني وبينكم ، فكرة أنه المغسلة تجيني بعد الغداء !! :غاضب: وعندي عتب على الأمريكان ، اخترعتوا مكينة سحب متنقلة ، وما رمتوا تخترعولي مغسلة متنقلة ، طحتوا من عيني ! :معصب: |
هذا الموضوع إهداء للي يقريوه كامل !!
|
واااااااا الفضييييييييييحة
20 دقيقة من نزل الموضوع وماحد رد بعده :مستحي: |
تسجيل رد لإنقاذ سمعة الكاتب وموضوعه ولا يكذب عينه بو قاري :o
|
اقتباس:
|
هلللللللللللللللللللللللل للللللللللللللللللللللللل للللللللللللللللللللللو
|
ماشاء الله عليك موضوع متميز
|
اقتباس:
|
اقتباس:
|
اقتباس:
|
اقتباس:
قريت توقيعك على الشباب في المجلس و البر ما حد تسقع البر :كاشخ::كاشخ: |
اقتباس:
|
اقتباس:
خلص تطورنا تو ، توقيعي عالـ HD :كاشخ::ضحك: |
اقتباس:
تسلمــ سوفت هارت .. جميل الموضوع .. مع ان بعض النقاط ما مسكت منهن شي .. |
اقتباس:
|
اقتباس:
|
اقتباس:
|
اقتباس:
|
اقتباس:
من اول ما نزل الموضوع بديت اقراه .. لكن بعد تكرار المحاولات فهمت نصف الكلامــ :مستحي: |
اقتباس:
عاد كل شي يابس ما يخوز حتى :كاشخ::ضحك: الله يسلمك ، أهم شي طمني ، قدرت تقراه التوقيع ؟ :كاشخ: |
طويل الموضوع :مستحي:
|
واخيـراً جـانـا المطـر !! :كاشخ: |
اقتباس:
عن موه تتكلمو تو كاني اطرش ف الزفه خبروني لاه:كاشخ: |
اقتباس:
|
والله لو ما شيفـا كان ما دخـلت ذا الموضـوع , وأعـرف أعيـش انـا :كاشخ:
|
اقتباس:
|
اقتباس:
والله فوادنا ف كمين قطرة ف مسقط :حزين: |
اقتباس:
|
TGR هذي مقتبسه من GTR :عيار: |
| جميع الأوقات بتوقيت مسقط. الساعة الآن 11:25 PM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها