|
من ذكريات المدرسة ... لا يفوتك
السلام عليكم ورحمة الله وبركاتة شخباركم اليوم جايبلكم موضوع خطر على بالي وجلت يمكن بتشاركوني فيه وخلونا نتسلا ونتقشمر الكل راح المدارس ودرس من الصف الاول لحد الصف الثاني عشر يعني الكل صار معاه مواقف في المدرسة منها مضحكة ومنها محرجة كيف أولآ : ببداء أنا الموقف الاول / أنا في الصف الثاني كنت نسيان الواجب والله وما قصر الاستاذ جلدني 5 جلدات على رجلي ومن كثر قوة الضرب والله ما قدرت ألبس نعالي حصتين كاملات الموقف الثاني / لما كنت في الصف العاشر كان أستاذ مال كيمياء أول الحصة يسألنا عن الرموز الكيميائية .. وكل طالب ما يجاوب يضربة 6 ضربات وكنت أنا ما فيي بارض إني أحفض كل يوم المهم كنت أتشرد عن الحصة المهم فيوم من اليام الاستاذ غير حصتة وجانى فحصة ثانية لما شافني عطاني أنذا وستدعأ ولي الامري وبعده سألني وما جاوبت وضربني ورتاح الموقف الثالث/ في الصف الحادي عشر كان فحصة حاسوب وكنت فرحااان كوول المهم دخلت الحصة أول ما أشغل الحاسوب طلع رايحه كريه ما تنطاق وبعدها بند الحاسوب خبرت الاستاذ اول ما شافه قالي من أوله حرق حاسوب وأنته تتحمل المسولية خبرته بلموضوع بالكامل وخبر المدير وبعدها فصلوني يوم كامل في السبوع الثاني لما دخلت حصة حاسوب قالي المعلم أنتة معذور لا تروح صوب الكمبيوترات أنتضر مداخلاتكم و مشاركاتكم |
الموقف الثالث/ في الصف الحادي عشر كان فحصة حاسوب وكنت فرحااان كوول المهم دخلت الحصة أول ما أشغل الحاسوب طلع رايحه كريه ما تنطاق وبعدها بند الحاسوب خبرت الاستاذ اول ما شافه قالي من أوله حرق حاسوب وأنته تتحمل المسولية خبرته بلموضوع بالكامل وخبر المدير وبعدها فصلوني يوم كامل
في السبوع الثاني لما دخلت حصة حاسوب قالي المعلم أنتة معذور لا تروح صوب الكمبيوترات بصراحه عجبتني هذي عجب كيف امتحنت في الحاسوب يوم ما يخلوك تلمسه |
ههههههههههه
كلش ضرب |
اذكر كانت في الصف الرابع الابتدائي وكان امتحان في مادة الدين فيه سؤال عن الثلاثة المتخلفين عن رسول الله (ص) في احد المعارك ، وما كنت اعرف الإجابة ومابغيت تروح الورقة فاضيه كتبت أسماء 3 شياب من الحارة وغششتت 3 من زملائي في الصف ، بعد يوم طلبونا مع المدير وصاح الضرب فينا .
|
انا صارلي موقف في الصف الاول ثنوي وماراح انساه بعمري ابدأ ضربني المعلم ضربة غظب بسبب اني خارج من الصف والمعلم الحصه ماكان موجود بظبط هذا المعلم العنه واصرفه وماشي سبه ماجاته مني لو في هذا الوقت مشتكي عليه في الادعاء وماراح اسامحه الين يوم القيامه |
وناسة ....قصة قبل النوم...:كاشخ: أنا صارت معاي قصص الدنيا ..... وأول وحدة لما كنت صف الاول ما أحب اروح المدرسة و كل يوم هواشة والدتي عندها دوام وأنا جاعدة ف البيت ما اتحرك.....في مرة قالت لي تعالي نركب أنا وانتي نفس الباص وانزلي معاي المدرسة -مع العلم الوالدة معلمة في مدرسة حكومية وأنا كنت ادرس في مدرسة السلام الخاصة-المهم ركبت معاها....ولما وقف الباص عند مدرستي نزلتني بالغصب و أشوف أستاذ خ***-مدرس الرياضة- واقف عند الباب وماسك خيزرانة هالكبر علشا يدخل الطلبة وأنا قلبي طاح.....ما نطقة ولا كلمة مشى معاي ومع امي أخذوني للصف وامي قعدت عند الباب وانا مكاني طلبت المدرسة"الشريرة" مني اوزع الدفاتر على الطلبة و انا جالسة اوزع ما اشوف الا وامي اختفت....واستاذ خ*** واقف عند الباب .....مع اني كنت صغيرة بس والله كرهت الدنيا واللي فيها *,,,كأني مدخليني قفص حيوانات مفترسة اي حركة و اروح فيها...!.... _____________ حصل موقف مرة في الابتدائية ....كان معانا ولد اسم سعيد ....يحب يلفت نظر البنات ....مرة نزل تحت الطاولة في الصف وقص رموش و حواجبة ...ولم رجع اليوم الثاني كانوا أهله معاقبينه قصوا شعره "زيرو"....مسكين من الفشيلة قبل لا نكتشفه بروحنا ....جا يركض عندنا علشان يراوينا شكله و هو يضحك فرحان .....لكن كأنه مخلوق فضائي...:ضحك:...! ---------------------- في الثانوية العامة أخر يوم امتحان في نهاية السنة......كان امتحان فيزيا ,نفس الليلة أغمى علي وأخذت لي سقايا طول الليل ....واليوم الثاني الصبح وأنا نازلة م السيارة وأبوي يدعيلي ...أغلق باب السيارة على إصبع يدي اليمين "السبابة" والوالد يبي يمشي ...وأنا اضرب الباب عليه....ولما شافني فتح الباب بسرعه وجمع الكلينكس فوق يدي ...والدم يقطر من اصبعي....وهو خايف علي وعلى الامتحان.....دخلت بسرعة القاعة بس الدم انسكب من الكلينكس...والمدرسة شافته ...,قالت لي ايش هذا ....المهم أخذتني لجنة خاصة ....وطلع الجماعة ما عندهم أدوات تضميد .....زين والدي جاب لهم....مع كل هذا حاولت امسك اعصابي اخر يوم ...وكل مصايب الدنيا فوقي..أنا أحل باليسار و اليمين جالسين يربطوها .....بصراحة مأساة مستحيل أنساها طول عمري....وكيف الله صبرني وما انهرت عليهم قبل الامتحان و جبت في الامتحان امتياز والحمدلله.....! |
في الصف الأول كانت زميلتي اللي جنبي تصيييييح من الخاطر
لما سألتها المعلمة ....بتعيطي ليه؟؟ قالت لها : حبذتي و جبنتي كلهم العراب ... يعني خبزتها مسويه فيها جبن و شلهم الغراب في ذاك الزمان الغربان تارسه المكااان.....شكلها و هي تصيح ما يروح عن باااااالي .........أيام حلوووه |
متابعين...
|
اوكيه جا دوري تو
خوزو عني:نطوط: ف الصف الاول واعتقد كان في اول اسبوع من الدوام دق الجرس مال الطلقة:كاشخ: ولا تراني اتفلت ركض اسابق عشان احجز مقعد ف الباص ولا صديقي بو صفنا وبكل براءة يسألني : "وين شنطتك ؟" اوهوووه نسيتها الشنطة ف الكرسي ف الصف وادور ابنغر ف الباص اخرها المدير وحدة جابها ..:كاشخ: |
متابعه بصمت
|
الوقف الاول : صف الاول الابتدائي كان وقت فسحه وانا تتونه كنت ف الاسبوع الأول :حزين:
خرجت خارج المدرسه وشاله شنطي أفكر رفعه وجالسه اريض السياره .. شافتني الاستاذه ودخلتني قالت ما اتذكر ماما روحي شتري من المقصف ما من خاارج :ضحك: الموقف الثاني : السنه ذي صف11 أول اسبوع ف المدرسه كانت الحصه ما اعرف كم :ضحك: بس ربيعتي جديده على المدرسه وانا رايحه امشيهااا لانها ما تحيد الاماكن :مستحي: ورحناا برع بعيد عن الفصول جنب ملعب الكوره .. عجب شافتنا الاستاااذه ... :كاشخ: ورحناا نركض من جاانب ثاااني نهرب ولما وصلنا لقيناها هناااك :ضحك: جالسه تريضناا وقالت بسرعه خطفن قداامي ما عندكن حصه عاد أنا جلست أتملق قتلهاا استااذه ماا حايدين هين الصف حنوا جديدين ف المدرسه .. والمدرسه كبيره نفكر هناااك شي فصول ... وقالت يالله روحن صفكن الموقف الثالث : السنه المااضيه كنت 10 وكاان اخر اسبوع قبل الامتحاانات :بلابلا: :بلابلا: الاخصااائيه قايله مااحد يسوي حفله ... وحنا كنا مخططين نسوي حفله وكيك وباارد ... :كاشخ: ما سمعنا الكلام وكل بنت جاابت شي ودسته مع تجلس . :كاشخ: :مرتاح: بس الكيكه كانت مااواصله لان أهل البنت قايلين أيجيبوهاا ف الفسحه .. :مرتاح: لما وصلت الكيكه والبنت تريد تشلهااا مسكتهااا الاخصااائيه وشلتهاااا :معصب: :معصب: وعدنااا نحن معصبين نريد الكيكه .. رحنا خبرنا مربية فصلنااا :معصب: :معصب: ورااحت مربية فصلنااا مع كل معلمااات العربي ( لانهااا معلمة عربي) :معصب: :معصب: وراحن حال الاخصاائيه وطلعن الكيكه منهااا ... :ضحك: :ضحك: وعااادت اكتملت الحفله . بس الاخصااائيه معصبه فووول :معصب: :معصب: لكن ماا حد عاااد نازعنااا :نطوط: :نطوط: الموقف الرابع : السنه المااضيه كنت 10 واخر يووم ف الامتحااانات النهااائية :ضحك: :ضحك: كنت مخلصه حاله وخاارجه من الصف بس بنات 11 كانن امتحاانين اعتقد معندهم :معصب: ولازم نجلس ننتظرهم الين يخلصوااا ... :مستحي: وأنا ما في باارض اريض بااايه اروح البيت ... :معصب: :غاضب: رحت انا وربيعتي نريد نطلع من الباب مسكتنا الاستاذه قالت ما حد يطلع ... الين كل البنات يخلصن ... :كاشخ: ورحنااا من البااب الثاااني لقيناه مقفول ورحناا للحارس عشاان يفتحه :معصب: ما رضى يفتحه .. :معصب: :معصب: شوو سوينا رحنااا من وراء المدرسه بعيد مع الملعب هناااك جدار :عيار: يدخل منه المااي لانه الشرجه تدخل ف المدرسه :عيار: وكاان فيه حديد رحنااا ونخشينااا من هنااااك ورحنااا البيت مشيا على الاقداام :عيار: :ضحك: بس فيه بنات شافنااا وخبرن المديره بس كااان اخر يوووم ما تروم تسوي شي :ضحك: :عيار: بعده فيه موااااااااااااقف وااااجد بس تعبت بعدين مرره |
الموقف الخااامس : هذي السنه كنا ف حصه فاضيه انا أجلس جنب الباب بالمره
وجت الأستاااذه تسأل من جنب الباب من مربية فصلكم وانا ما سامعتنهااا موه تقووول كله الصف ربشهـ وتعيد ثلاث مرات ... قلت انا موه اقول تو ... قلت أستااذه ماا اعرف... عب دخلت وقالت ماا تعرفي مربية صفكم ......... وتفشلت ذك الساعه وراحت ... |
اقتباس:
|
اقتباس:
|
بابا الله يطولي في عمره كل يوم كان يوصلني المدرسه
وفي يوم سويت فيه مقلب شغلت السياره وقلت اطلع السياره من الباركينج لحد ماهو يخلص متمصر "متعود يتمصر عند الدريشه مال السياره" وطبعا انا قصيره ما اشتاف مايدري ويعلم الا السياره تتحرك مسكين اطفر انا كنت شاطره في المدرسه بس كان الحظ ضدي في بعض الامور صف10في مره البنات كانوا يتمسخروا في حصه العربي وانا لما اضحك محد يروم يسكتني المعلمه طردتني من الحصه ولما خلصت الحصه المعلمه طلعهت ورحت اعتذر لها الا واشوف عمري اضحك قدامها عصبت وقالت اليوم بتصل في امك وكنت اشرد من حصه الرسم واروح اجلس احل الواجب مال الفيزياء وكنت اشرد من المدرسه لان أخر حصتيتن رسم ومهارات حياتيه واول ما اوصل البيت الوالده تتصل فيني تهاوشني لان الاداره يدوروا علي كنت مجنونه بس الحمدالله تخرجت واللحين ادرس ب الجامعه بعيد عن ارض الوطن |
صرااااحة سوالفكم فنتك و تموت من الضحك و بالذات الاخ اللي كتب اسماء الشياب في امتحان الدين لا و غشش اصدقائه بعد..صرااحة قتلني من الضحك
بانتظار المزيد من الذكريات |
سوالف وقصص الدراسه كثيره من اتذكر شي بجيكم :عيار::ضحك::ضحك::ضحك:
|
اقتباس:
بس عاد صرت شاطر في الحاسوب ومن قالك أنة في أمتحان حاسوب والله ولا متحنته |
اقتباس:
|
اقتباس:
دوااااااااااااااااااااك زين لو فاصلينك |
اقتباس:
تو الناس |
اقتباس:
الله يعينك بس وكلك مشاكل إنتي أهههههههه |
سبحان الله
|
اقتباس:
|
اقتباس:
لا يفوتك لاه |
اما انا مواقف حلوه صارت معي
طبعا الموقف في الصف الرابع الابتدائي حمله التطعيم كانت جايه وكل حد فينا شوي ويموت من الخوف اهم شي انا اول ما وصلت دوري قلت انا خلاص ضارب ابره امس سالوني وين طبقت ما اعرف مو ارد اهم شي جلست اصيح واشرد ومن هناك السستر والمدرسين وراي استخبيت في الحمام لين مسكوني وطلعوني وضربوني الابره في الاداره الموقف الثاني الصف الثاني اعدادي كنا نحن شله معروفه بالفوضى نجلس اخر كراسي الله يذكرهم بالخير انا جالس في الكرسي الاخير عاليسار عندنا نظام كان انه كان كل طالب يقرا الدرس بالدور طبعا الدرس يقسم الى مقاطع كنا كلنا 25 طالب وطالبه 6 بنات والباقي اولاد المهم وصل دور بنت انها تقرا بس قراءتها وااجد ضعيفه لدرجه انها تملل الواحد وصوتها واطي والله حتى اذكر النص الي كانت تقراه قالت:ان عمان تط تط تط تط تطل على .....بحر العربه...ونحن نصحح العرب ومن الجانب الاخير...ونحن الاخر...خليج عمان..ونحن عُمان انا طفرت صراحه وصلت كلمه اقتصاد عمان ...واطش انا واقول كذابه بصوت عالي ههههههههههههههههه مافي حد في الصف بما فيهم الاستاذ ما ضحكوا وجلست مسكينه من الفشله |
حمااااااااس
|
ههههههههه
سوالف حلوة |
تستاهل هذا جنون..
بس انا عندي مواقف مرة حلووووة لاني كنت اساسي مع اولاد وكانت ايام جميله ههههه,,,, |
واجد مواقف صارت لنا:عيار::ضحك: |
| جميع الأوقات بتوقيت مسقط. الساعة الآن 09:49 AM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها