شرطة عمان السطانية لا تؤيد إقامة حلبة للتخميس والتفحيط بالسيارات
السلام عليكم رحمة الله وبركاته التفيحيط بالسيارات أو التخميس أو أيا كانت مسمياته الكثيرون يرغبون بممارسة هذه اللعبة الخطيرة والبعض يسميها مغامرة أو تحدي أو فن من فنون القيادة ومهارة السائق ولكن البعض يعتبرها إضاعة للوقت وللمال وإزعاج الأخرين ومضايقتهم وربما قتل نفسه أو وغيره . بعض الشباب يتمنى أن تقام حلبة للتخميس أو التفحيط لممارسة هذه اللعبة مثل باقي دول الجوار . في سؤال إلى شرطة عمان السلطانية لماذا لا تقام حلبة للتخميس أو الأستعراض للشباب لممارسة هذه اللعبة ؟ رد أحد الضباط لا يمكن إقامة حلبة أولا تعتبر هذه اللعبة خطرة وتؤدي إلى قتل النفس والتهلكة وأيضا تضر بالمركبةوصاحبها وتسبب أضرار مادية وغيرها من العواقب . فيا ترى ما رأيكم في هذا الموضوع ننتظر مشاركتكم |
عادي لا تسوي حلبه
فالاخر الشرطه تتعب من زود ما تحاول منع الشباب من التفحيط والشباب ترى يعتبورها هوايه بانهم يخمسون ف وجه الشرطه يعني عند الشباب الامر كووول وعند الشرطه التعب |
اهيه بالفعل هوايه خطره لكن ولو وضعوا لهم حلبه للتفحيط
لا يمنعهم ذلك من التفحيط خارج الحلبه وعن نفسي قرار الشرطي سليم |
أسألكم كل شئ منكد عليكم حتى حلبة مممنووووع
ناس في تطور الحلبه فيها سيفتي خبروووه هالظابط ومراعاه قطر والامارات والكويت فيهم حلبات ما حلبه وحده وحوادث ماشئ الحمد لله احسن يتعققوا شبابنا ف هذي شوارع متكسره |
أحسن شي لا توافق
هذيلا الشباب مجانين وما عندهم سالفه وانا اقول آى واحد يخمس يسجن وش هذا العقل يريدوا يقتلوا عمارهم هذيلا الشباب الله يهديهم يا رب الله يحفظ الجميع من الحوادث |
اقتباس:
يعني كله من الشباب الطايش وش فايدة التخميس اريد اعرف ؟؟؟؟؟ |
اقتباس:
ومناك ما يقيسوا ويكبروا عقولهم انه عندهم اهل يحاتون.... وش الفايده بدل لا يزفوه معرس يزفوه ف قارعته..... والله قبل شهر قرأت موضوع حديث واهوه عن اشهر مفحط فالسعوديه متوفي ب سبب التفحيط واذا تبون تشووفوا المقطع ب نزله الحين ترا كله مجرد اظهار عضلات لا اكثر وخراب سياراتهم..... |
|
الحلبة تسبب المزيد من الهلاك والموت لشبابنا بسبب انهم يريدوا يطبقوا اللي يتعلموه في الحلبة في خارجها وفي الشوارع ويتمدحوا قدام ربعهم ما منها فايدة ... حتى لو فيها أمان الحلبة ما تهمنا ... يهمنا اللي يصير بعد الخروج من الحلبة .... بتكون هناك سباقات وفي شوارع معينة وكل شخص يستعرض عضلاته كأنه مخترع شيء يفيد البشرية ما كأنه يسوق سيارة
|
ياخي هذي هواية
|
ولما شخص من أهلهم يريد فلوس يقولوا ما عندنا ... وهم عندهم لكن فلوسهم كلها في تزويد السيارة واصلاحها بعد التخميس
|
حلبة السيارات + زيادة رواتب + وظائف للخريجين + مولات (سيتي سنتر وغيره) + توسعه الطرقات + مشاريع أخرى + الخ ..
الاحلام ما زالت مستمرة ويحق للجميع الحلم فيها .. التحقيق مستحيل إلا اذا (المرسوم السلطاني) الواقع نعيش على إلي موجود ونحمدالله على كل حال .. |
البعض ذكر أو يذكر هذه الهواية خطرة جدا ..
نرجع للوراء .. نفترض لو لم يمكن هناك مطار مخصص لطائرات .. ونطالب بالاقامة مطار مخصص للطائرات .. البعض يذكر هناك خطورة لتواجد هذه المطارات كون الطائرة معرضه لسقوط في أي لحظه وبالتالي إحتمال لا سمح لله تسقط على الاراضي التي توجد بها المساكن أو بنايات وغيرها .. البعض دائما يذكر السلبيات أكثر من الاجابيات .. تذكروا دائما استحاله يوجد شي بدون سلبيات واجابيات .. شكرا |
ما يبالها وايد تفكير
في دوله شقيقه فتحت حلبات لكن حطت قوانين صارمه حق الي يخمس برع الحلبات مثلا الي يخمس برع الحلبه وينزخ ينظف حمامات اقرب سجن حق منطقته عشان كذا ما نشوف عدهم مشاكل شروانا الحين عدنا محطين قوانين غريبه بدون بديل حق الشباب |
نعم الشباب ما مقصرين مشخبطين ف الشارع
|
أحسن يوفرو لهم حلبه بدل الشوارع
وزين لو يوفرو لهم ونش يسحب السيارات الي تخترب داخل الحلبة |
حتى اذا وافقت الشرطه وسوّولهم حلبه للتخميس
بعدهم بيخمّسوا خارج الحلبه... الله يهديهم بس |
تراه الضابط بيدفلعنا من جيبه علشان نخمس
والله حاله بصراحه |
ملينا وتعبنا من كثر ما نتكلم للاسف بلااااادنا التقدم والتطور بطيء بنسبة كبيره
يعني الشرطه او الحكومه شو بيخسرو اذا فتحو ساحه للتفحيط وكل شاب يحب هذا الشي و يتحمل مسؤليته اذا صار شي لسياره او اذا صاله شي وبعدين بتقل المشاكل فالشوارع من المسابقين والتفحيط .. هذا اصلا مشروع ناجح جدا جدا ..!! اذا تم فتح ساحه للتفحيط وحلبة سباق يكل الي يدخل رسوم سواء المشاهدين او المستعرض فايده للحكومه ويسويو محلات فنفس المكان تكون محلات ايطارات ومقهى وجراج تصليح يعني مشروع ناجح 100 % بس من تكلم ((((((((((((((((( لا حياتا لم تنادي ))))))))))))))))) |
اقتباس:
يعني وين احسن يخمسو فالشوارع او في مكان مخصص لها وبعيد عن الناس ربنا معطنا عقل نفكر سبحان الله |
من لا هيلة له فاليهتال ضاحكا
احرق الاطارات ولاتحرق روحك نطالب بالساحاة والا تستمر المعاناة |
بالنسبه للصور المرفقه. فتعتبر تخريب ممتلكات عامه والقانون يحاسب عليها. بالنسبه باقامه حلبه للتخميس. بصراحه ما له داعي عمل حلبه للتخميس لانه مشاكلها كثيره على الاشخاص والمركبات وما اظن انه فكره انشائها او اقامتها راح تحل او تنقص من الحوادث اليوميه بالعكس كل يوم راح نسمع باخبار غير ساره عنها وما دار في داخلها من مشاكل بالسيارات والاشخاص بنفسهم. المفروض قبل كل شئ نفكر جميعا لحل مشكله الحوادث اليوميه. قبل العيد الوطني الاربعين بفتره كانت معظم المواضيع المطروحه عن الزيادات والمكرمات و...الخ بمعنى انه الرواتب ضعيفه وما تكفي فاذا فكر الواحد منا يروح لحلبه التخميس وخمس وخمس وخمس وبعد ما خلص شو النتيجه؟ * فرح الجمهور * خساره بترول * خساره سياره في بعض الاحيان * خساره اطارات * حادث داخل الحلبه لا قدر الله * يرجع البيت ندمان هذا طبعا اذا رجع البيت الشخص المخمس لو فكر قليلا باستثمار المال او الدخول في جمعيه ما افضل له بدل لا يضيع فلوسه على الفاضي. السموحه من الجميع تحياتي |
انا ما احب اخمس وايد بس اكثر شي احب قومات وتشحيف
وسباقات بس هذااللي احبه بس |
اقتباس:
سؤال بسيط ياخي ما يرتفع موضوع في الاعلى الا ودخلت فيه وتريد تخرب وتخمس ليش؟ واذا ما حد رد عليك ترد على نفسك الموضوع في مناقشه وفايده للجميع الله يهديك ان شاء الله |
انا ضد
|
ما أعرف أيش سر عشق بعض الناس لهذه الامور ،،إذا قلنا أنها رياضه شكل الرياضه بعيدها عنها ،،أريد أعرف الفائده من هذه اللعبه
|
الشباب طايشين
أهواي أشوف واحد يخمس كان ما أطلعله الصمعه وأنحزله سيارته والا أيطلع منه سواد الوجه ، الناس توها متفيشره بالسيارات أيقال تراه السيارة هي مقياس التحضر، الناس الحين متخذه السيارة للمتعة وليست وسيلة لقضاء الحوائج الشرطة شوي يبغاليها تشد حيلها وتأدب هاذولا بيحاولو يخلو بأمن الشوارع بالتخميس والحركات الوسخة، الشرطة بس فالحه تلايع بما لابسين حزام مع إنه الحزام عدم لبسه سيظر فقط بسائق المركبة ، وهذولا بيعرضوا حياة الناس للخطر متروكين .... أيها الشباب الطموحين خلوا عنكم من السخافات والإهتمامات التفلة، كونوا على قدها، |
زين اشان نتعلم كيف ندخل الدور عرض ...
|
اقتباس:
لكن يرضيك ان مواهب الشباب تكبت هكذ يعني احنا صح واليابان ودول العالم كلها غلط ليش ما عدهم مشكل برايك احنا متخلفين ولا كل العالم |
ان شاء الله يارب عمرهم مايوافقوا على هذا الشي الموت عندكم لعبه سهل تيتموا اطفال او تتركوا اهلكم وخواتكم بلا سند فهذي الحياه الله يهديهمك يااااااااااااااااارب |
جميع الأوقات بتوقيت مسقط. الساعة الآن 06:29 AM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها