نقاش عن سيارات JEEP O|||||||||||||O JEEP (متجدد) (الجزء الثاني)
 

هلا شباب,

الموضوع متجدد بسبب كثرة المشركات والحماس :)


هذا موضوع لمناقشه الكثير من الامور للجيب والاستفسارات مثل التزويد والمشاكل والحلول العنايه وكذلك مشاركه بصور الجيبات وكذلك الرحلات القدمه منكم...الرجاء من الشباب المشاركه ويعطونا حماس

موصفات الجيب :

صحاري 2008
ترفيع 2 انش skyjackers bb lift kit
اكزوز سيستم كامل مع الهدرز تفصيل امارات
فلتر K&N
برامجه السياره superchips
كشافات KC
سيترنج دامبر نوع Skyjakers 7000 hydro
وايرات من نوع LIVEWIRE
OIL Filter K&N
تواير كوبر 33 SST
رنجات 16 للون اسود
فنادر من تعديلي
البنفر الامامي معدل
_____________________
صرفيه البترول :
سواقه عاديه : 8 ريلات 350 كم
سواقه شبابيه :8 ريلات 300 كم

صرفيه البترول ب superchips milage XS
420 كم فرق كبير وتوفير صراحه

يعني اربع ايام اذا السواقه عاديه

بخصوص نظام ال TC منع الانزلاق الي يريد يفصله يخبرني في طريقه ب switch يسكر النظام كامل واستمتع عاد بالتخميس والمتعه في الرمول ESP OFF

تركيب السويتش عندنا والوصله ب 10 ريلات فقط الي يريد يواصلني وراح اعطيكم تفاصيل المحل...

بخصوص انذار الحزام الطريقه لفصل المنبه جدا سهل مجرد ثواني وتتخلص من الازعاج...(SEAT BELT)

خطوات فصل الحزام سهله جدا :
1-البس الحزام اول ماتركب السياره
2-حط المفتاح ع ال ON يعني كل اليتات شغله لحد ماتتسكر كله
3-شيل الحزام والبسه 3 مرات واخر مره يكون ملبوس
4-سكر السويتش كامل راح تسمع صوت طنين معناته راح المنبه

وهذا فيديو ع اليوتوب راح يشرح لكم اكثر للكرسيلر بس نفس الطريقه للجيب :
http://www.youtube.com/watch?v=OuFBM2NSHxQ

موضوع حلو بصراحة
عندي استفسار بالنسبة للجيب شيروكي وارد امريكي موديل 2000
كيف ممكن انظف الراديتر لان الماي صاير وسخ اكثر من الازم
و بعد عندي ليت تشك انجن شغال
شو الحل؟

حياك الطيب,

بخصوص الراديتر اتوقع شغل عادي تقدر تسويه في مكان بس في كراج حماس في الوادي الكبير مال سعيد المنذري شوفه يقدر يسويلك ايها وشغله حلو ماشاء الله وبخصوص ال تشك انجن يعتمد يمكن سنسنر في مشكله بس لازم تشوف مال شو بالضبط بالكومبيوتر تقدر تعرف وان شاء الله الشباب يفيدوووك اكثر

بالتوفيق جيييييب تيييم.


OIIIIIIIIO

بخصوص التواير:

شو احسن نوع تواير 33 من ناحيه الراحه والصوت وفي الرمول والخفه :

Kumho
BF goodrich
Cooper
وكم اسعارهم ومن وين ممكن نحصل هالانواع من التواير ؟

العملية بسيطة مثل معظم السيارات

استخدم مادة فلاش للتنظيف radiator flush

وخلي المحرك شغال مدة ربع/ نص ساعة تقريبا ( لحد ما تلاحظ ان الثرومستات فتح وبدا تدوير الماء )

بعدها راح تلاقي اسفل الراديتر صمام صغير ( جهة السيار وانت واقف مقابل السيارة) تفتحة لأخراج الماء القديم.

بالنسبة لخزان الماء ( الطرمبه ) مثل ما نسميها بالعامية اقلعها ونظفها بصابون .

بعد ما تعيد تركيب كل شي حط هوز الماي في فتحة الراديتر وخليه يتحرك والمكينه شغالة

بعدها فرغ الماي من جديد لحد ماتلاحظ انه صار بدون اوساخ.


الختام : استخدم احد السوائل التالية لافضل تبريد وحماية

- سائل تويوتا الاحمر

- سائل اي سي ديلكو الجاهز


وبالمرة غير الثيرموستات وحط جديد

واحي عليها تو قبل لا يجيك الصيف ويغدر بك الجيب ;)
والسلام عليكم :)

شكرا عزيزي

نورتنا اخي عيسى
بس المشكلة ما حصلنا مكان الصمام الصغير اللي خبرتني عنه
عشان ينزل الماي القديم

حبيت اضيف شي بسيط , ممكن تودي السيارة محل ينظف لك الردايتر كامل , يطلعة و بالاصياخ ينظف الردايتر من الشوائب و الصدا الي طابق.

محلات كثيرة تعمل هالشي في كل المناطق الصناعية تقريبا.

بالتوفيق للجميع

شكرا قيس

بس احنا معضم الاحيان نشتغل فالبيت و اذا استعصت الامور نسير جراجات

اذا فالبيت ممكن تبطل الراديتر و تعمل له تنظيف بنفسك بستخدام اسياخ+ بالاضافة الى الامور الاخرى الي وضحها الاخ عيسى الجرداني

موفق ان شاء الله

جميل جدا هذا النقاش المفعم بينكم .

موفقين دوم اصحاب الجيب

شكرا شباب
و بجرب

جميل هذا التفاعل من اصحاب الجيبات
بالتوفيق

هلا شباب

هيش الحل في مسجل جيب شروكي وارد ( أعتقد هذي المشكلة في كل السيارت الوارد القادمة من أمريكا)
لأنه يعطيك ترددات الإذاعة بأرقام فردية مثلا 99.1 - 99.3 - 99.5 ...إلخ يعني مايعطيك 99.2 أو 99.4

وأيضا من وين أحصل أريل شروكي سبورت موديل 2000 وارد ؟

شباب حاب استفسر لجيب جراند شيروكي 2009 307 لتر هل وحده الدبل يفتح؟؟ وعندي سويتش اسمه ESP ويش معنااته وويش وظيفته ف سياره ؟

هلا اصحابي عندي استفسار حاب اركب ونش شو احسن نوع وكم تقريبا الاسعار ووين ممكن احصله؟؟

هلا الطيب,

بخصوص مسجل الوارد معروف انه مافي طريقه الى التغير شوفلك مسجل ثاني واريل تحصله في السكرابات بس بخصوص مكان محدد اتمنى الشباب يفيدونا ان شاء الله

الله يبارك فيكي :) اشكرك ع المرور وبالتوفيق للجميع ان شاء الله

انا الي اعرفه هيا تكون All Wheel Drive يعني اذا ما يكون فيها زر معناته انها اوتو يشتغل بروحه ....وال(ESP (Electronic Stability Program يستخدم للثبات السياره وموزنته ولكن ماانصح بستخدمه في الطرق الرمالي لانه يكسل السياره بشكل ملحوظ..واتمنى الشباب يزودنا من عندهم :)

هلا بالحبسي,

اتوقع احسن الانوع هو WARN وتحصله في محلات هنا في عمان او تطلبه عن الطريق www.quadratec.com والاسعار يعتمد بين 200 - 400 حسب النوع .

هلا اخواني اصحاب الجيبات انا عندي رانجلر 2006 بس بادي يخترب فيه الصليب ونصحوني الشباب اشتري له صليب مال نيسان بترول يقولوا يدوم اكثر وانا بصراحة محتارضشو اشتري له وعندي تساول اخر اريد اشتري لها كشافات وطربال اللي يركب في البونيت وما عارف من وين اشتري له واي نوعيه اخذله فيدوني الله يخليكم واشكركم مقدما

نفس مشكلتي بضبط قلعته وركبت مسجل سيدي فصلت له بليوته على قولت عيسى الجرداني

والامور على السليم والحمد لله

شباب عندي كم سؤال عن شيروكي موديل 2000

1. عندي ثقل في الموتر لما أدوسه في أول ثلاث غيارات وبعدين من الغيار الرابع يروح الثقل والصوت ويصير الموتر هادي فإيش يا ترا أسباب هذا الثقل؟ مع العلم عند ربعي شيروكيات وما فيهم هذا الثقل (الموتر جير أوتوماتيك)

2. كيف ممكن أقلل من الهواء وصوت المكينة لما أسحب 120 أو 130 في خط؟ وهل تعرفوا مكان يبيع ربلات أبواب مستخدمة؟ لأن الجديدة غالية شوية

3. في سلاتة حديدية خاصة تجي كحماية لدبة البترول وين ممكن أحصلها؟ وكم سعرها تقريباً؟

2-شوف لك محلات الزينة يبيعو ربل خاص يخفف دخول الهواء .. وبخصوص الربل تراه غالي وماحصلت انا الا بالوكالة طبعا حق الرانجلر وربل للبابين 135 ريال مع اخر تخفيض .

3- شوف لك السكراب بس .

هلا شباب .. حد فيكم عنده خبرة في تركيب الإنتيك اللي يجي مع سنوركل .. أعتقد يستخدمه لقطع الوديان والشراج عشان ما يدخل الماي في الفلتر!

وين ممكن أحصله .. ووين يركبوه .. هل يحتاج أخرق البونيت عشان أركبه.

السؤال الثاني .. أيش أفضل أكزوز للجيب .. يكون صوته ما عالي لكن يعطي عزم ممتاز.

نوع سيارتك اخي !؟
شي انواع لكل سياره شي ب 90 شي ب 80

يعتمد على نوع السياره بعد الجزوز

اذا شيروكي انصحك بفلوماستر
اذا رانجلر بورلا

وشي انواع امريكان اوووفرود , ماجنا فلو , فلوماستر , بورلا , كراش , وشي ضربها بمسمار :كاشخ:

مشكور صاحبي على الرد ..

رانجلر صحارى 2010 .. وين ممكن أحصل لها الفلتر/سنوركل و الأجزوز ؟

شكرا اخي بالتوفيق انشاءالله
:نطوط::نطوط::نطوط::نطوط::نطوط:

محل تزويد للجيبات تحصله في الحيل الجنوبية بعد مدرسة تبارك...