كيف اتصرف مع ابوي
مرحبا اريد حد ينصحني كيف اتصرف مع ابوي بصراحه استحي اتكلم عنه بس والله تعبت
ابوي خذ مهري لانه كان عنده ديون وانا دفعته من مهري علشان مايسجن ووعدني انه راح يرجعه بس الحين اكثر من 6 اشهر دايما يتهرب بس انا عرسي قريب ومااقدر اتسوق واتجهز مامن حقي افرح مثل باقي البنات بجد محتاجه حد ينصحني كيف اتعامل معاه مع العلم راتبه اكثر من 500 ريال:متفكر::متفكر::متفكر: |
الله يعينك ...
|
توك طارحه الموضوع وتقولي ان عندك عقد زواج ,,
المهم صارحي والدك وخبريه انك تحتاجي الفلوس للتجهيزات والخ ,, وذا تمادى فـ الموضوع فـ اسمحيلي اني اقول هذا اب ظالم |
خلاص انسي العرس والزواج
|
الله يساعدك ..
ولكن ما في حل الا انك تمسكية وتخبرية بالموضوع وهوه يتصرف .. |
لو قررتي تواصلي لموضوع في المحكمة سوف ترجح الكفة لصالحك..
تحياتي ابن القانون............ |
اقتباس:
والرجال دافع مهر وبيسألهم عشان يرجعون المهر في حالة مايريدون زواج .... سبحان الله من هالاباء ...... :متفكر: حتى ماقدرت افكر بحل منطقي لهذي القضية الله يعينك اختي |
اذا تشتغلي تسلفي من البنك
ولا عليك بالصبر |
الله يعينك ولا تكرريها مرة ثانية حتى مع اقرب الناس
|
الله يعينج بصراحه انا استغرب من الي ياخذو مهر بناتهم لله اللحمد نحن كل اهلنا المهر كامل للبنت تعطى والبنت اذا بغت تعطي امها عطتها والباقي تجهز نفسها وتاخذ اغراضها ما ادري شو اقول لج بس الله يهدي ابوك انتي المفروض تكلمي الوالده هى ممكن تكلمه لانج انتي ما اعتقد تقدري تكلميه |
مازين حرام....
الله يعينك أختي.... بس بعده الوالد الله يهديه ما يحس ان بنته تريد تعرس وتتجهز.... صراحه وش هالقلب اللي فيهم بعض من الاباء |
تجهزي للعرس بدون فستان و لا تشترى ذهب
و بتقدري ترتبي أمورك بأذن الله الأب يمكن كان بيسجن ... لو أنسجن كيف كنتي بتتزوجي!! |
هذا لانك عمانيه
|
اقتباس:
فالتخبط بالحل العشوائي هو عين الصواب:متفكر: |
متاااااااااااااااااكده !!! هذا اب
|
اجلي عرسك ترا في العمر مره وحاولي تسوي جمعيه لين ربك يسرها
|
معقوله اب كذيه , استهجن هذا الفعل اعتقد تتكلمى عن شخص غير الاب
|
الله يعينك
يبقى ابوك وماخذ مهرك الا لحاجه بس ممكن تطلبي منه بطريقه زينه وتقولي له بحاجتك للمبلغ لانه عرسك قريب وعسى يرجع لك جزء |
لو تكلمي أحد من أهلك عمك أو جدك يكلم والدك ويتفاهموا معاه . |
واذا استعند ابوك
حاولي بحل اخر دخلي جمعيه ولا سلفه الخ |
اقتباس:
من جهة تريد تتجهز لعرس. ومن جهة هذا ابوها ... بس انا ماصدق انه في اب كذي.. ع الاقل يتصرف ويتسلف احين لها ... لان بنته طلعته من سجن ومن يدون . فعليه ان يتدين من مكان ثاني احين ... |
هذا من طيبك الزائد....
اللهم انتقم من الظالم ..... |
اقتباس:
|
اقتباس:
هل هذه نهاية العالم فتاه تزج بأبيها الى المحاكم بسبب مهر أنقذ حياته من السجن والتعذيب ألم تدركو معانته معكم وأنتم صغار أليس له الحق بمطالبتكم حقوقه ومخاسيره التي أنفقها عليكم طيلة حياتكم ونفقاتكم الدراسية ومستلزماتكم المعيشية . الم يسهر الليل مع صراخكم الصاخب وشرود ذهنه طيلة مرضكم وألمكم !! هل هذا هو حق من حقوقه التي يجب أن ترجعوها له ؟ |
أبوك إلي رباك ما أعتقد بيغلن عليه 6 آلاف،،،
الله بعوضك عنهن إن شاء الله |
كلمي والدتك تكلمه وتقنعه انك محتاجه للمبلغ
|
اقتباس:
|
اقتباس:
|
اقتباس:
ليست مسالة غلاء عليه المهر او لاء. ولكن الخاطب سيسأل : لماذا لم تتجهزين لي من المهر اللي عطيتك اياه .... ومن حقه ان يسأل اذا هي لم تتجهز له بالشكل المطلوب واللي هو يريده .. ولكن اذا خاطبها يعرف بهذي القضية فاعتقد لن ين لغى على والديها المهر لانهم تعبو عليها سنين .. :) |
ما يغلن عليه بس بعد من حق هالمسيكينة تفرح بعرسها..بعدين ما اظن ان في رجال راتبه اكثر من 500 ريال ما يقدر يتسلف من عند احد مبلغ 5000 ريال
انا لو اموت مستحيل اخذ مهر بنتي واسلبها فرحتها بعرسها هي بتتزوج مرة وحدة مب كل يوم |
جميع الأوقات بتوقيت مسقط. الساعة الآن 12:16 AM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها