|
بو مازين ما زين - ح21 ... (العوده)
صباح الخير :) بعد توقف يقارب الثلاث سنوات عن متابعة سلسلة بو ما زين ما زين ن لسباب لا أتذكرها الآن ربما لأنها وصلت إلى الحلقة 20 في غضون اقل من شهرين مايو - يوليو 2007 والرقم 20 رقم عشري جيد لإختتام السلسلة ، وربما للأحداث التي زامنت الحلقة العشرين يعني بعدين ما استوالي نفس أكمل سلسلة بو ما زين ما زين ... الله أعلم بالسبب ... لكنها توقفت عند الحلقة 20 الحلقة الأولى http://www.s-oman.net/avb/showthread...=35581&page=11 الحلقة 20 الأخيره وقتذاك http://www.s-oman.net/avb/showthread.php?t=50745 واليوم عاودني الحنين :حزين: إليها ... ولو أن العودة لنفس المسار صعب نظرا لإنقطاع حبل التسلسل المنطقي للفكرة ... لكن سأحاول من جديد ولن ما عجبتكم لسبب أو لآخر عاد السمواحه منكم :مستحي: بو ما زين ما زين - ح 21 - سعادتك عندي دراسة لتطوير الأداء وتسريع الخدمة - دراسة موه ؟ :مستغرب: ضمها تو ذي الدراسه :بلابلا: ما تخبربها حد غيري أنا وياك ، سمعتني :بلابلا: - لكن سعادتك الناس متضايقين والموظفين تعبانين والأداء بطيء - تو يعني من اليوم وبارحه استوى ذا الشي بو تقولبه ولا من قبل عن نجي هنا ؟ - صحيح من يوم جينا هنا والحال هوه هوه ، وسعادتك قايل إنه لا زم نطور الأداء :مستغرب: - يا صديقي وساعدي الأيمن :كاشخ: ... تو انته ما فالدنيا ؟ ما تشوف بو مستوي ؟ السنه هاذي صدرن وأيصدرن يجي جوب 20 تلعيمات ساميه ، كلها ما بدنا منها شي ، يعني بعيد عن مجالنا ، يعني حنه ما فالصوره ، يعني ما يلنا فيها فايده :متفكر: ... لكن ربما السنه الجايه ولا اللي بعدها ، أيجي دورنا بالتعليمات الساميه ، ذاك الوقت وجيب دراستك ، ذيك الساعه أتكون كما الطلقة المدوية ، منها أنكون زاهبين للإستجابه لتعليمات الساميه في وقت قياسي ، ومنها انطرح مناقصة لإعداد دراسة مستفيضه (هاذي بو فيدينك تو :كاشخ:) وأنجيب شركة عالمية مختصه (وحدك عارف الباقي عاد :عيار:) ، ومنها أيلمع نجمنا أنا وياك كرائدين في مجال إحداث نقله نوعيه في هذا القطاع :نطوط: ... خليك ذكي ... وانفع واستنفع ... وركز على الثانيه قبل عن الأولى ... موه انته باغي تظل مدير عام لين تتقاعد واموه قصتك ؟ - أنا أشكر الله :متفكر: ليل نهار إنه قيض لهذه المؤسسة شخص مثلكم :عيار:... لديه نظرة :منتزق: ثاقبة لا شك أنها تؤدي إلى إنجازات :نطوط: خارقة فكر سعادتكم ... يثلج الصدر ، ويلهب المشاعر ، ويؤجج الأحاسيس ... لا عدمنا نصحكم سعادتك هاه موه قال ؟ ... تو صحيح إنه ... بو ما زين ما زين ؟ :كاشخ: سامحونا عاد صاه عوده بعد إنقطاع ... والباقي في الحلقات الجايه تحياتي المندوب:كاشخ: |
لازم تسوي يوميات المندوب :عيار:
|
اقتباس:
|
صباحكٌ جنهٌ .. وعوداً أحمد .. :عيار:
يعني قصدك إن الجماعة ما يشتغلوا إلا بمراسيم سامية ها :عيار: شكراً لك وهذا الي صاير :) |
تراه بو ما زين ما زين :ضحك: وسمع كلام سعادتك :عيار: |
المندوب ،،، بعده زين يوم قال ضمها الدراسة وما قال أنكم تضيعو وقت في شي ما يخص الشغل :مفتر:
|
يسعد صباحك ابو صخر
الجزء الاول فيه فت رمان ياخي :كاشخ: نتلاقى ف حلقات قادمه ان شاء الله :مستحي: |
ألاوامر السامية .. الدراسات .. شركات متخصصة تسلسل لأحداث مهمة بنهاية منسية .. لي عودة أخي المندوب السامي .. بس تراه نحن تحت حمايتك عمي:كاشخ: |
اقتباس:
اقتباس:
اقتباس:
الله يسلمك :) اقتباس:
حنه أول عايبه عنا ذي الفكره نعم :متفكر: |
اقتباس:
بعدين ذاك لمسسيكين ايعطيوه علاوتين استثنائيتين وايسير يؤقد بيتهم :متفكر: |
اقتباس:
إن شاء الله :كاشخ: |
اقتباس:
ما عليش باس حنه ما جالسين نقول شي صاه لفت رمان شيه :عيار: |
المندوب:متفكر: تو بو كانو يخمسو معنا فذيك السنوات هين راحو:مستغرب: |
اقتباس:
حال موه تشرد :عيار: |
حماااااااااااااااسنج
مشكور على الموضوع وما عليك قصور لك مني اجمل تحية |
اقتباس:
ههههههههه |
اقتباس:
بو يجي له العين أوسع عن لفواد :نطوط: وبو ما باغنا حافظنه الرحمن :حزين: ولو إنه أغلبيتهم بدلوا معرفاتهم :متفكر: |
اقتباس:
|
اقتباس:
|
هذا كله من خيرك .. مولاي :ضحك: ياخي يوم أتذكر ذي العباره .. تجيني تكزكازه فلغنوز :مستحي: |
عمــو مبــارك :مستحي: ممكــن تــوقيعك :مستحي: صــرت مشهــور :ضحك:
يعنــي الاخــوان يشتغــلوا بــس ينتظــروا الاوامــر السـاميه عــلشان يطبقــوها :متفكر: ظـلمتهــم :متفكر: |
الشيمه هين مشرفي العامه نايمين شوفو الدنيا فذا الموضوع كيف قايمه:منتزق: والغم حصلت رمحون هناك حد يروح يرجعه الترويح:ضحك: http://www.s-oman.net/avb/showthread...=715400&page=9 |
اقتباس:
لكن ما يكون فت مفرط :كاشخ::عيار: اقتباس:
|
اقتباس:
|
اقتباس:
انا مسالمة .. بس اريدك تعبر عن رأيك عن الموضوع بلا خوف ولا رهبة ..:كاشخ: يالله انثر ما لديك من تعليق هنا :عيار: |
|
اقتباس:
انتي انثري بو عندك وانا اشوف عليك من بعيد :كاشخ: |
اقتباس:
|
اقتباس:
وابوي غبنا :كاشخ: |
اقتباس:
|
| جميع الأوقات بتوقيت مسقط. الساعة الآن 02:50 AM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها