|
Long Issue ||> الـعـدد الخامـ(15)ــس عشر: مـجـلة سـوفت هـارت <||
تنبيه : لا ننصح بقراءة العدد كاملا في مرة واحدة !! رجاء افعص على العنوان المناسب في الأسفل 1- السياسة : المجلة تتنازل عن مبلغ 100 ألف 2 - الرياضة : حلم ولا قصة هذا 3- تكنولوجيا : ملصق يوفر المال والوقت 4 - ابتسامة العدد : سالم ومعلم اللغة العربية 5 - عالم الموضه : جديد العبايات والدشاديش 6 - قضية ساخنة: نظرة لـ US Box Office 7 - حكمة العدد 8 - Romance: The First Fall |
السياسة : المجلة تتنازل عن مبلغ 100 ألف تنازلت المجلة عن مبلغ الـ 100 ألف ريال عماني والذي حصلت عليه من تعويضات الأعصار جونو ، وكانت المجلة قد تلقت خسائر كبيرة بعد الأعصار ، ولكن جاء مبلغ التعويضات أكبر بكثير من الخسائر ، و زاد التعويض بفارق 100 ألف ريال عماني :منتزق: . من هذا قررت المجلة التبرع بالمبلغ الزائد للمتضررين من الأعصار ، ولكنها لم تجد من يحتاج للتعويض ، فكلهم تم تعويضهم بالكامل ، وقال المسؤل عن المجلة في هذا الصدد: (لم يتوقع أحسن المتفائلين هذا المبلغ كتعويض ، و وتراهم وهقونا ، الحين هين نوديهن ما عارفين !) :متفكر: |
الرياضة : حلم ولا قصة هذا يلتفت الموظف وقد بدت على وجهه ملامح الأستغراب إلى ذلك الذي نتاول بطاقة العروض الموجودة فوق طاولته لا سلام ولا كلام ! :مستغرب: وقال في نفسه تو من هذا بودشداشته فيها بقعة صفراء هالكبر في النص !!! Hello, can I help? بو بقعة صفراء: أفا ! تو احنا بانجلاند معقولة !! :منتزق: لا ما معقولة ، أكيييد أنا أحلم :كاشخ:، بس يالله بنشوف ابليس مو عنده اليوم بعد ، ومنه عاد أسوي براكتس أنجلش :متفكر: Maybe u can if u'll give me a good price to get membership to the sport package The best I can give u is 186 RO a year, 14 RO a month شويه وبقوم من الحلم منتزقا :منتزق: ، بس قلت بكمل اش بعد عنده ابليس اليوم ، ولو انه أحسه ممصخنها اليوم واجد :معصب:، وكملت ... Then what's the worse u can? 300 a year حافظ على رباطة جأشك بالحلم وما بيضحك عليك شيطين :كاشخ: Okkkk, what if I only turn TV on when just about match start? Would it be any better? :كاشخ::ضحك: same That’s too high, I cant afford Obviously Sorry? Look at u n ur dishdasha, I couldn’t figure it out if its yellow or white! :ضحك::كاشخ: أحلام أخر زمن ، أشوف بدينا نغلط بليسوه :معصب:، حبوتك بو يجلس راقد ، وهيانه حالك بقوم من النوم . كمل الحلم وحدك نته وصاحبك بو الشوتايم :معصب::ضحك: يعني واحد منكفي كوب عصير برتقال بدشداشته ، ما يقدر يعني يمشي في السيتي سنتر عاد بعييد الشر !! :ضحك: الخلاصة : جماعة تراه اشتراك الشوتايم غالي ، يعني الدوري الأنجليزي ماشي أمل نشوفه هالسنة :حزين: . |
تكنولوجيا : ملصق يوفر المال والوقت علكة كلاس تفيدك والتسلايه بتزيدك والطُبيعه على إيدك أنطلاقا من هذا الأعلان الشهير على القناة السوريه (شي قناة بالله عليكم تسوي دعايه حال علوك ؟ :ضحك:)، قامت مختبرات المدره بإختراع ملصقات جديدة كبديل للنقش بالحناء ، كل ما عليك فعله هو لصق الملصق على اليد ، وتحريك الأصبع فوق الملصق للتأكد من انتقال النقش الى اليد :منتزق:. الأختراع الجديد يوفر الوقت ، وهو غير مكلف أبدا ، ومتوفر بعدة أشكال ونقوش ، ولا يمكن التمييز اطلاقا بين نقش الحناء الحقيقي ، ونقش الملصق الجديد !! :متفكر: حقيقة المنطلق ما هذا كان ، المنطلق هو أنه قبل كم يوم جات وحده تنقش حناء لأحد بيوت العايلة ، و صلت الساعة 10 ، وطلعت الساعة 5 (نقدر نقول دوام يوم كامل) ، ولما طلعت ، طلعت كانت اجرتها 80 ريال :منتزق:عن 8 أشخاص نقشتلهم . الحين حسبه بسيطة ( 80 * 30 ) = 2400 ريال ، يعني راتبها الشهري 2400 ، خلينا نقول أنه ما كل الشهر هي تحصل كذا في اليوم ، وبنشيل 1000 ريال ، وبالتالي يكون راتبها 1400 ريال !! :منتزق: هذا خلاني أفكر تو ايش فايدتها شهادة الجامعة :كاشخ::متفكر: ، بشهادة وما أجيب هالراتب ، أحسن أتعلم أنقش حناء ، وخلي 1400 يجين عالبراد :كاشخ::ضحك: . بس شكله الأختراع الجديد بيقطع علينا رزقنا . :معصب: |
ابتسامة العدد : سالم ومعلم اللغة العربية سالم: أقول حميد ، شفتلي شاه مبرقطه ؟ حميد معلم العربية: لا تقل هكذا يا سالم ، بل قل لي: هل رأيت لي شاة رقطاء؟ :كاشخ: سالم : اذا جلست عليك نته ، الشاه بتواحي تطوف الوادي :ضحك::ضحك: . |
عالم الموضه : جديد العبايات والدشاديش الحمدلله على نعمة الموديلات الجديدة للعبايات ، واللي تمنحنا الأبتسام والضحك أحيانا ، وهذي بعض من الموضات الجديدة المتوفرة بالأسواق .... 1- عباية الفراشة من الموديلات اللي تثير ضحكة لما تشوفها ، يمكن ما تضحك اذا تشوفها في بنت نحيفة ، على أساس يالللله بنقول أنها فراشة أوييين :مفتر: ، لكن لما تشوفها في بنت ما شاااء الله تبارك الله !! :كاشخ: يعني هالفراشة يبالها 8 محركات من محركات الطايرات ويمكن ، وأقول يمكن بترتفع من الأرض !! :كاشخ: يعني هالبنت همها كله تقليد عور وما مهم the way she looks ولا كيف !! :متفكر: 2 – عباية باتمان هذي ما أقدر أقول شي عليها ، لأني معجب بـ (الفارس الذي لا يهادن الشر) ، ما أقصد معجب بالعباية ، معجب بفارس جوثام سيتي أقصد :كاشخ: ، لكن الحمدلله ، ما نحتاج نروح سيتي أو جوثام عشان نشوفه ، نروح سيتي سنتر الحين ونحصل باتمونات . :متفكر: 3 – عباية القراصنة هذي عباية يكون فيها شعار العظمتين والجمجمة هين كباره في الظهر ، لما تشوفها يجي على بالك جاك سبارو ، وبايرتس أوف كاريبيان :كاشخ: ، ونفس الشي بيجي على بالك وبتقول في نفسك ( لا يكون الأخت كهربا 1000 فولت :ضحك: !!) . 4 – عباية عن تلكشني عباية مكتوب عليها بالخلف (Try to touch me ) ، يعني قولتكم أجرب ؟!! :متفكر: تنصحوني أجرب ؟! حد سبق وجرب شباب ؟ تراه يقولوا ما يرد الكريم الا اللئيم ! :كاشخ::متفكر: 5 – الدشداشة الفرنسية ! نطلع من العبايات ، ونروح للدشداشة ، وهي طبعا تحاول تواكب تطور العبايات ، بس أخخخ يالقهر لما شفت موديل جديد من الدشاديش ، دشداشه مخصره ( من فوق ضيقه ومن الخصر تبدأ تصير اعرض مثل التنوره :مستغرب:) !! دشداشه مخصره على ولد !!!! :معصب::معصب::مفتر: صحيح أنه اللي استحوا ماتوا ، ولما جيت أتكلم عن اللي شفته ، قالولي هذي موضه جديدة ، ومسمينها دشداشة فرنسية بعد !! :مفتر: |
قضية ساخنة : نظرة لـ US Box Office اعذروني فالموضوع مختلف تماما عن العنوان ، الموضوع هو عن النظرة الخاطئة للغرب ، ولأمريكا بالخصوص (رغم أنه ما عشت هناك) ، أول شي بيجي على بالكم ، هذا متأثر وغسلوا عقله لما راح بلاد برا :معصب: ، ولكن أذكر الكلام اللي كنت أحصله عن حياتهم ، وانعدام الأمن ، وعاد معلم الأسلامية تبعنا ما كان مقصر في تصوير حياتهم:ضحك: ، بس الحقيقة مغايرة تماما ، الأمن موجود و الفرق أنه حياتهم مختلفة عنا وهذا شي طبيعي ، و ما مفروض نخلط بين البوليتيشنز وبين عامة الشعب :متفكر:. اليوم بنحاول نشوف الجانب الأيجابي اللي نحصله منهم :عيار:::: 1 – الأنترنت بداية الأنترنت ، واللي ما نستغني عنه صايرين كانت بأمريكا بشبكة كان الغرض منها الربط بين وزارة الدفاع والبنتاجون والبيت الأبيض ، و انطلقت الأنترنت ، واللي لولاها ما عرفنا معنى التخميس :كاشخ: !! 2 – السفر بالطايرات طايرات العالم المدنية كلها أما بوينج أو أيرباس ، والثنتين أمريكانيات ، يعني لو ما هالطايرات كان بنكون على حيلة باص النقل العماني في النقل ، و بيكون برجي التجارة بعدهن مكانهن ! :متفكر: 3 – GPS هالنظام الحلو في تحديد المواقع بالضبط على الأرض بالأتصال بالأقمار الصناعية ، واللي أمريكا مخلتنه Free لكل العالم ! وعن طريقه تقدر تحدد أقرب مطعم الى مكانك !! :منتزق::: 4 - أفلام هوليود يعني لو أمريكا ما مسموح فيها الأسلحة ، كان من ويييين بنشوف أفلام أكشن :::كاشخ: ، ومن وين بنجيب القصص للأفلام !! الله يعلم أنه السنمات بتكون تعرض مسلسلات بدوية معنا لو ما توصل أفلام هوليود ! :ضحك::كاشخ: 5 – مايكروسوفت الويندوز و الأوفيس ، و أغلب البرامج ، كلهن منشئهن مايكروسوفت ، وصار ماشي بيت يخلى من كمبيوتر ، ومن منتجاتهم ، حتى جزاهم الله خير مسوييلنا مجموعة برامج الأسرة وكاسحة الألغام عشان نتسلى . :كاشخ: 6 – داغوس بو صقر والتباسكو صعب نتخيل المائدة بدونهن صح ؟:متفكر: يعني داغوس بو صقر الناس تشله حتى لما تروح معزومه على عرس في جيوبهم ، وما يحتاج أقول طعم بطاطس عمان مع بو صقر كيف يطلع:متفكر: ، ولا التباسكو تراه الأسم وحده يكفي ::. 7 – إنتاجات ديترويت وما أقصد هنا السيارات طبعا ، بل أقصد الخريجين من الـ 313 ، ذلك العالم الذي يقال أن العازي العماني مأخوذ منه ولكن بنسخة معربة!! :كاشخ::: 8 – بريزون بريك المسلسل الذي سبب المرض لكل من بدأ بمتابعته :: ، وخلاهم يسهروا الليل بدون أحساس عشان يخلصوا السيزون تلو السيزون :كاشخ:، المسلسل اللي خلى الناس تخلد أسماء سكوفيلد – أبروزي – تي باج – لنكن بوروز ، المسلسل اللي منعوا عرضه على سجن الرميس !! :كاشخ: 9 – أكس بوكس 360 اللعبة اللي اقتربت من الواقع ، واللي اذا اشتريتها لأولادك مع تلفزيون LCD فتأكد أنهم ما راح يبنوا حضارة أبدا ، وما بتشوفهم فاضيين أبدا . :متفكر: 10 – أسعار البترول ماحد رافع سعر بترولنا غيرهم ، الله يعلم أنه لو ما أمريكا ، كان بترولنا بنبيعه بخسارة ، ويمكن يكون سح الخلاص مصدر دخل أكبر من البترول ! :منتزق: 11 – البيبسي والديو مشروبين لا غنى عنهما أبدا ، بعد أي وجبة ما شي ديزيرت أفضل من البيبسي ، ولا الديو والذي عرف بأنه واين العمانيين ، وتقارن أهميته في حياة العماني بوجود جونية العيش بالبيت ! هذي قايمة بأشياء بسيطة ، لولا أمريكا ما شفناها بعينا !! :متفكر: We love u America !! :::ضحك: |
حكمة العدد الـــمــنــدي مــا يــكــمــل وتقال لما تريد أي حاجة ، ولكن للأسف ما تحصلها كاملة أبدا مثل ما تتمنى :متفكر: ، ومصدر هذي الحكمة أنه المندي نادر جدا جدا أنه يكمل ، يعني بتحصل مطعم العيش برابر بس اللحم شويه :حزين:، ومطعم العيش واللحم برابر ، ولكن الكمية ناقصة أو السوب ما موجود:حزين: ، ومكان ثاني كل شي كامل كما ونوعا ، ولكن البيبسي ما موجود أو ما بارد !! :حزين: فجاءت الحكمة والتي أصبحت خالدة فيما بعد .... !! :كاشخ: |
Romance: The First Fall One of the hardest feelings ever is when you try the best you can to convince yourself that you aren’t in LOVE. Maybe the fear of the change is the reason. Maybe it’s the stories about the pain caused by LOVE. Different reasons make you ready to go to war against yourself just to ensure that you are under the title (Am not in LOVE). However, something insides you keeps telling you (you are laying to yourself and what you doing wont do you any good. What you do will just let you fall deeper and deeper to the LOVE "well"). Once you reached the bottom of that well, you will finally be fully convinced am in LOVE and you will realize there is no way back up to the normal life. After a while you will start to see things differently and you will find yourself not in a well but in a very beautiful place. You will see things different and you will keep asking yourself (is that what I was fighting against! How stupid I was !):مستغرب: I think that how the first fall in LOVE happens and this is the only path to the new world. |
الأحتياط واجب :كاشخ:
|
اقتباس:
بغيت احجز من حجز1 بس قلت ما بخرب عليه :ضحك: |
اقتباس:
|
اقتباس:
مره ضيعت ع الحوار العقلاني بموضوعه بالعامه:ضحك: مع انه حاط تنبيه بس بعدين حذفت الرد:كاشخ: يعني اقدر:لسان::لسان: |
ممتازة كالعادة.....:)
انتظر العنوان الأخير.....:عيار: |
:: ولد عمي جايني يقولي تعال نشترك فالشوتايم .. انته نص وانا نص قلتله غيب عساني ما شفت:كاشخ::ضحك: اقووم ارشي جعور موفايده :كاشخ: |
اقتباس:
أنا أدور حد يقاسمني النص :كاشخ: |
اقتباس:
شكرا ستوري :) |
اقتباس:
|
اقتباس:
ود الحلال ما يخلص كل مره نشترك فشي الجزيره وا أر تي وبليس قرزهم :معصب: |
شكرا ع المجله الراااااااااااااااااااااا ااائعه سووووووووووفت هارت وهالعدد مررررررررررره كشخــــــــــــــــــــــ ــــــــــــــــــــــه:ك� �شخ: :)all the best bro |
اقتباس:
فـ الشكاوي مرررررررررره وحده :منتزق::منتزق: عجب زين ما حجزت:متفكر::كاشخ: |
السلام عليكم:) صراحة خلتني أضحك عن طيب خاطر:ضحك::ضحك::ضحك: أبداعك روعة أما عن شو تايم خالي ضربنة غم أما أنك حاسد تريد تدخل شغلت البنات في الحنى العبايه كل يوم موديل ناس فاضيه |
اقتباس:
ابوووووووووي تطمن الخليج بالذات هذا الإختراع ما راح يمشي عليهم كيه الحناء ما بيحل محله شي البر البر:مستحي: خبرني كان تعلمت تنقش :ضحك::ضحك: |
اقتباس:
وعليكم السلام والرحمه :) إن شاء الله دوووووووم هالضحكه :كاشخ: |
:: اقوولك ووينك من ذيك اليوم ما شفتك ما جيت عندنا..؟:متفكر: |
اقتباس:
هلا أختي صدى الكلمات ودوم علينا كلنا آمــــــــــيـــــــــن:) كيف شيفا عزمكم:كاشخ: |
اقتباس:
|
اقتباس:
هلا عبقري :كيفك؟ ليش مغير معرفتك :مستغرب |
اقتباس:
هلا فيش:مستحي: آمين يارب العالمين:) لا ذاك ما يعزم الا الكباريه عووووين:عيار: |
الحين بسألكم صحيح الدشداشه الفرنسيه موجوده لإني ما سمعت عنها البر:منتزق: <<<<<<< تتخيل شكل الرجال وهم لابسينها:ضحك::ضحك: |
اقتباس:
شخبارك وكيف الصحه .. ووينك ما لك شووف ..:متفكر: أي معرف انتي تتذكري لاني غيرت معرفات وواجد :كاشخ: |
اقتباس:
بس خليه يدخل بعزمك ويعزمني وكل عضوات بفقره أذيك اليوم :شريره: :شريره: يالاه نخمس اليوم كيف الموترعندكِ؟؟ |
اقتباس:
لا اليوم ماعندي بس بكره بيكون عندي:كاشخ: |
اقتباس:
يالله بسرعه نسيت يحتاج لك ممري:كاشخ: بخير والحمدلله الثانويه العامة هي اللي شغلتنا ولكن ما نسيناكم :) قصدي مسترعبقور أحلا عبقري |
اقتباس:
كنت أريد أخمس :حزين::عيار: يالاه مرة القادمة:عيار: |
:: اقوول الحبيب ترا هذا ما نت ذيك البلاد يبالك الين ما ترد علينا :ضحك: اوول كبران رااسك :ضحك: |
الحين لاحظن ان الساعة ضبطوها
سلام عليكم |
اقتباس:
وكيف النتيجه ؟:عيار: الله يسلمك من طيب اصلك :) يعني الحاج عبقور احلا؟:كاشخ: |
اقتباس:
|
ويش هذي الحالة رجعت اختربت الساعة:مفتر::مفتر::مفتر:
|
| جميع الأوقات بتوقيت مسقط. الساعة الآن 09:48 PM. |
Powered by: vBulletin Version 3.8.11
Copyright ©2000 - 2026, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها