بسم الله الرحمن الرحيم

بخبركم عن موضوع بسيط. :عيار:..يخص موظفة كحيانة.فقيرة :حزين:.من الدوام للبيت.ومن البيت للدوام.ما عندها السيرة يمين ولا يسار ولا التمشية في الشوارع ولا غيره :مستحي: المسكينة من ترجع من الدوام أتهيس هياسة في شغل البيت.لين ما تنام.وهذا جدولها طوال حياتها.:مستحي:
حصلت ترقية بسيطة في دوامها.فرحت مسكينة وراحت تبشر الأهل عن ذا الترقية.فرحوا واجد :كاشخ: وعاد طلب أبوها تتسلف من البنك.سلفية معتبرة وعلى أقساط طويلة :مرتاح:
المسكينة راحت في اليوم الثاني وقدمت الطلب وعطوها بالمرة وحصلت على القرض المطلوب.والأقساط حدث ولا حرج ..عاد ما يكسر الظهر وبس قول يقص نص العمر:غاضب: البنت عطت أبوها المبلغ الفلاني بالكامل :حزين:.قام الأب عدل منه البيت ورمم شوية وبعدين أشترى سيارة غاوية حاله وكملها بسفرة للخارج يغير الجو ويرمم شبابه :عيار: قصدي يعيد شبابه إلي أوين ضاع منه ..ورجع من هناك مستانس على الآخر.:مرتاح:
بعد أيام جاء معرس حالها البنت.والأب طلب منها توافق مع إن البنت رافضة الزواج بشخص لا شافته ولا تعرف عنه شي :حزين:.ياخي تعال وتزوج مو الدنيا فوضى :معصب: بس الأب لزم عليها توافق وما في عنده بنات يتمنكرن وما يسمعن الكلام :غاضب:
البنت تزوجت من ذا الأنسان الغريب ومن أول يوم شافته ما طبيعي :منتزق: يترنح يمين يسار :مفتر: كإنه تاير عربانة خربانة :كاشخ: .. خافت المسكينة وأكتشفت يا حليلها أنه يتعاطى الخمر وعاد ما بلية أستبلت به البنت :حزين:

قام يصبح عليها بالضرب ويمسي عليها بكرخة إذا قالت له: مازين ذا بو تشربه حرام :حزين:
راحت تشتكي حال أبوها وعيونها وارمات من الصياح :حزين: وخبرته إنه ضربها علشان ما عطته الراتب كله..رد عليها أبوها: هذا زوجش تحملي .قالت: زوجي يتعاطى الخمر رد عليها أبوها : هذا إبتلاء وصبري عليه تراه زوجش :غاضب:. قالت: ما أبغاه أريد أتطلق منه.. قال أبوها وهو يصارخ : :معصب: ما في عندي بنات يتطلقن.. قالت المسكينة : ما أتحمله البررر أنت أبوي كيف زوجتني حاله وهو أكبر مني وطلع بعد يشرب خمر :حزين: رد عليها أبوها: كان مهرش ما شوية ..
رجعت لبيت زوجها تبكي المسكينة.تفكر واجد ..من هناك الأقساط بو قاص ظهرها ومن هناك ذا الزوج إلي يذلها ذل وما راحم عمره :غاضب:
بعد كمين يوم جاء زوجها معصب أوين باغي زوجته تتسلف فوق سلفيتها.والبنك رافض.وراح يتضارب حيت أبوها ..وقال له: حامو أنت دبست بنتك بسلفية تو أنا باغينها تتسلف حالي وما قادرة..
دوكم ذا بو قاصر..أوين باغي يسوي مشاريع حال لعبه وخرابيطه :عيار:عاد أنتو فهموا لااااه :غاضب:
تضارب الأب والزوج وقام الزوج طلق زوجته وقال حال أبوها : دوك بنتك خليها حالك كلها ديون بروح أتزوج واحدة غيرها أحسن لي وتقدر تضرب حالي ذيك السلفية الغاوية :معصب:
مسكينة البنت تطلقت وجلست في بيت أبوها.وعاد هوما مقصر كل يوم يتنازع ويتقمقم عليها :غاضب:..وسحب عنها السيارة.. أوين تو إنتي مطلقة بيتكلموا عنش الجيران. :منتزق:.. وضربها بيعة ذيك السيارة الغاوية :عيار:..وما يخليها تطلع إلا معه يوصلها الدوام ويرجعها..ماشي سوق..ماشي زيارة صديقات..ماشي ...الخ
ياخي القائمة طويلة ما أقدر أكمل :عيار:
بعد سنة طلب منها أبوها تتسلف سلفية غيرها وأتسلفت المسكينة :حزين: وعاد أنتو تعرفوا مو سوا بالسلفية حاله وحال لعبه ...:غاضب:
وجاء رجل يبغى يتزوجها..واحد شيبه أتقول رجوله شوية والقبر:عيار: ...يعني دفرة ويموت ...وزوجها أبوها حاله وهي رافضة:حزين:..بس مو بتسوي قدام كلمة أبوها.أوين أنتي مطلقة من يتزوجش تو..وهذا دافع المهر الفلاني.يعني ما شوية :غاضب:

تو معقولة تصير ذي حالة البنت في ذا الأيام...من طمع لطمع ومن يد رجل ما يخاف الله ليد رجل شايب محتاج للممرضة ما للزوجة :منتزق:..الله يعينا والله من ذي الحالة ياخي والله قهر لااااااااه :معصب: