المساعد الشخصي الرقمي

عرض الإصدار الكامل : اقراني لو ما تسمعني


Mahira Buepink
12/10/2010, 08:56 AM
حبيبي وأنا بدونه مريضة وقلبي يحتضر
جروحي تسوى مدينة وما يمديني أختصر

ضحى لي بكل سنينه وخلاني بحبه أفتخر
عاملني بحنا وش زينه وانا قابلته بالهجر

لا هو بديني ولا بدينه اللي فرقنا هو القدر
هو يدري اني حزينــة وكان همـي انستـر

لأني اخاف الله فينا وخوفي اعصيه ولو ستر
الهوى أقدر ألينه وبخوفي من الله أنصهر

نفسي ابكي حيل ألحينه وانثر بدمعي مطر
واهتف بلحظة سكينه واقول احبه ابجهر

أسابق النبضات فينا واختم الهم ابسفـــــر
أقول واحنا شفينا الطبع غلاب يــــا بشر

وإنتي ياللي تحبينه تراكِ في موضع خطر
تراكِ ما ماليه عينه ولو مكانك انتحـــــر

عاملني بحنا وش زينه خلاني غير كل البشر
بلا عين غير عينه ولو يابو مثله عشــــر

حبيبي وانا بدونه وقتي يمر كلـــه هدر
اشواقي مثل السفينه الضايعه وسط البحر

يحاتيني لين ألحينه وما بيوقفه الدهـــر
وكل هالقصيد معطينه وهذا وانا أختصر

أعيش عمري رهينة واكتب ارساله بالشعر
وكلمة أحبك لوتلاقينا أحط تحتها مليون سطر

وسلامتكم ,,,,,,,,,

بلدي حياتي
12/10/2010, 01:47 PM
بوؤوح جميل ورآئع



دمتم بود

Mahira Buepink
12/10/2010, 02:33 PM
مشكور عالراي الطيب ^_^

أديب الزمان
12/10/2010, 04:25 PM
كتابة جميله

لو انك غيرت في القافيه لتجنب الركاكه والتكرار في سرد الابيات لكانت الكلمات مضيئه

تجربة جميله والى الامام دائما

Mahira Buepink
12/10/2010, 07:19 PM
شكرا عالتعليق واشكر منك اهتمامك
بس التكرار ما كان نتيجة لنقص الكلمات المناسبة للقافية التكرار اصطنعته كبصمة لي أوضح به قوة المعنى

ومشكور عالمرور الكريم :)

المخضرب
13/10/2010, 04:40 PM
مشاعر صادقة


تحتاجين قراءة اكثر

وستبدعين اكثر واكثر

Mahira Buepink
16/10/2010, 08:38 AM
شكرا
انشالله وهذا اللي بسويه