سمحولي كبر راسي الحين ... ولازم بكون بطران شويه

[طيور خليجيه]

اول
ما توظف او انعم عليه ربه بمنصب او ترقيه
تلقاه ما سأل عنك ولا سلم
وقال( سمحولي كبر راسي الحين ولازم شوية بطره)

موضوعي: يتكلم هالفئه الي اكيد وصادف انك انصدمت بيهم
احيانا يكونو من اعز اهلك أو اصحابك وزملائك
يجي زمن يصيرون اعلى مرتبه منك
ساعتها يتبطرون عليك ويغترون بنفسهم.... وغالبا ينسوك
7
7
7ايش رايك فيهم؟
تخيل نفسك مكانهم ..هل تعتقد انه هالشي طبيعي وما فيها مشكله فشوية بطره؟ هل تظن انك رح تغتر ع من هم اقل عنك؟
هل انت اساسا من هالنوع؟

[سر الغروب]

هيه صحيح هاظاهره وايد ناس تعمل كذا

ما ادري شو السبب

يعني كثرت فلوسه تتغير نفسه

[azhar4ever]

صرررررررررراحه دايما يقولولي اني من هالنوع

بس انا وبقناعة نفسي اكره هالصنففف وايد ومستحيل اتخيل نفسي بهذي الشخصيه

وتعرفي الي يطبطر هذا بس الي ماشايف خيييييير بحياته وفجاءه هب ع هالدنيا

او انه يبااا يسوي عمره شي وهوه ولا شي

[صمت الليالي20]

انا وحمد لله مو من هذا النوع والشكر لرب بعيدة بعيدة..

حين وايد منتشرة هذه الظاهرة مو بس في انة الواحد ياخذ منصب او يتعين في يتعين
او ترقية..

حتي في بعض لما يدشو كليات وجامعات ينسيو احبابهم واصدقائهم ويكبرو راسهم مدري ليش؟؟؟

ما احلى القناعة ...(( القناعة كنز لا يفني ))..

دمتم بود..

[آلاسرمد]

...
طنشهم ما يستاهلونك ...

[S P D]

واحد درس وتعب ومات من الدراسة عشان الشغل
ياخي حقه مره وحده يتشاحط..

[العرافه]

وعليكم السلام ورحمه الله وبركاته

ليست مسأله تكبر_ ولكن مشاغل وتغير روتين
هكذا انا اراه عاده

[محبة الذيب]

هو ليس تكبر كثر ما هي المشاغل

سواء في الوظيفة أو المنصب الجديد

او حتى في الدراسة


بس بعد في فئة بالفعل تشوف دام انهم توظفوا يبقى لازم يتعرفوا على ناس من نفس المستوى اللي صاروا فيه
وهذي الفئة لو صادفتهم ما راح اكون ولا في يوم اقل منهم بشي لأنه ما كل شي ينقاس بالمناصب والمال

[وسام النصر]

أعتقد بأن ذلك ليس تغيرا في طبع الشخص


إنما الملاحض في الناس تعاملهم معه ينتابه نوع من سياسة الحذر

فالمشكلة بالمحيطين به و ليس هو و أقصد ذو المنصب أو الوضيفة المرموقه


عموما الدليل ع كلامي


هو لو جلست مع هذا الشخص و صارحته بالموضوع أو ربما سألته أي سؤال من هذا المنظور سيجب بأنه يتعجب من تعامل المحيطين به و أنه يشك بأن الناس يعاملونه بأنه مغرور ... و .... و ...


تحياتي لكم

[بنت الأستاذ]

لاااازم بيخرخش مخباااه تو

[سفيرة البدو]

قسم بالله ما شي احسن من التواضع والبساطه

عاد حلات الغني اذا تواضع للناس

شخصيا لو املك كنوز الدنيا ما اشوف نفسي ... لانه الدنيا مب سويانه

[الخابورة داري]

(((((ما تكبر احد الا لذله يجدها في نفسه)))))
وايد نصادف ناس بحياتنا من هذا النوع
انا بصراحه مو من هالنوع ولا احب الانسان اللي يتكبر عشان وظيفه او منصب ربه من عليه بيه
باختصار
ما طار طير وأرتفع الا كما طار وقع

[نيران البراري]

عاد انتوا مب شايفين بعض من اهلنا من الدرجة الاولى كيف


مرة بطرة لللللللللللللللللللللاخر حدود , وعلى ايش بعد ,

بس عاد بطرتهم تضحك كثيييييييييييييييير خاصة لما يتفشروا بانفسهم

[ثمرة احبتي]

بس المشاغل ومهام الوظيفة والدراسة
تجبر الشخص يتغير روتينة
بس ما يمنع اني اتواصل
مع صديقاتي واهلي

[نيران البراري]

وعليكم السلام ورحمه الله وبركاته

ليست مسأله تكبر_ ولكن مشاغل وتغير روتين
هكذا انا اراه عاده


يمكن انتي من هذه النوع , وعشان كذا ما تشوفيه تكبر


السموحة

[الامين26]

شوف المتكبر يطلع في جبل ويشوف الناس صغار بينما الناس يشوفوه صغار
اكره حاجه عندي الواحد اللي يتكبر
اعرف اشخاص عندهم مناصب بس مرحين معاك ولا يتكبرو
والبعض سبه معطاي ترقيه بسيطه ولاعمل عاد خلاص مايفيس

[احساس عمان]

الحمد لله متواضع جدا ولله الحمد


بس اللي يتبطر علي مرة اتبطر علية الف مرة



وإللي ما يشتريك بألف ما تشترية بدينار

[سأفعل]

قسم بالله ما شي احسن من التواضع والبساطه

عاد حلات الغني اذا تواضع للناس

شخصيا لو املك كنوز الدنيا ما اشوف نفسي ... لانه الدنيا مب سويانه

الكلام الحين سهل :متفكر:

[ابو البنات]

لا مؤاخذه أنا أخالفكم الرأي يمكن هذا الرجل عمل كذا حتى لا يتم إستغلاله من قبل أصدقاء أو أهل حاقدين أو إستغلالين ما يهمهم إلا مصلحتهم... ما صدقوا أخوهم أو ولد عمهم أو صديقهم حصل على منصب محترم إلا و إنهالوا عليه كيله بلا ميزان حتى لو كان هذا يضر به و يا ما ناس راحوا بحديد نتيجة إستغلالهم من قبل أقرب الناس إليهم... و هذا الشيء أنا شهدته

[نبض سمائلي]

نااااس مريضة ,,
بحاجة الى ثقافة دينية وادبية واجتماعية
وبعدها راح نكون بخير

[سفيرة البدو]

الكلام الحين سهل :متفكر:

لا ياخوي دام معدنك طيب وأصيل ما تتغير

[سأفعل]

اعطينا مثال عن هاذي الفئة

كيف يتبطروا ؟

[سأفعل]

لا ياخوي دام معدنك طيب وأصيل ما تتغير

الله يحفظك لاهلك

[سفيرة البدو]

الله يحفظك لاهلك

جميعا ان شاء الله .... مشكور

[رعبوبه 20]

بصراحه هالنوعيه من الناس ما شايفه خير وانا شخصيا ما احب احتك معهم او آخذ واعطي معهم

انا واعوذ بالله من كلمة انا - ولله الحمد متواضعه اقدر واحترم الشخص الي يحترمني ويستحق اني

اقدره مهما كان منصبي او حتى فلوسي انا مثل ما انا ---> رعبوبه = رعبوبه:كاشخ:

شكرا عالموضوع:مرتاح:

[هامور]

انا والله لو يصير ابقى طبيعي عادي انسان عادي
والله يهدي اصحاب العقول المبعثرة

[عميد المظلومين]

والي الامام وجمعة مباركة علي جميع الاوفياء