وارد اليابان أم وارد امريكا,, افيدونا بخبرتكم

[قناص بدون عيون]

السلام عليكم و رحمة الله

مثل ما هو منتشر الان في اسواق السيارات انه تحصل سيارات وارد اليابان و كثير منها وارد امريكا..
في رأي الناس الي جربوا مثل هالسيارات ,, ايهما احسن و اكثر اريحيه سيارات المستورده من اليابان ام من امريكا؟؟

و عطونا الاسباب؟؟ مثلا ايهما يرفع حراره اكثر فالخليج؟ ايهما فيه حوادث اكثر او متكنسل اصلا؟؟
و غييرها من الاشياء

[تنين عمان]

ما عليك إلا بالأمريكي...

والدي عنده إنفنيتي على شكل ماكسيما موديل 98 وارد أمريكي ...وأسميها إنها سيارة...من يوم إشتريناها من الشارقة ما دخلت الجراج أبدا...
وكل يوم خطوط يمشيبها وصلالة و و و...وترتاح من قوتها وخفتها...

أنا معي سوبارو أمبريزا وإذا غيرتها أخذ أمريكي...

الأمريكي قوة في قوة...

[صوت المستقبل]

من ناحيه المكده والتحمل اتوقع اليابان لكن من ناحيه المواصفات والاريحيه في الشارع والثبات العام الأمريكي طبعاَ افضل بكثير ..

[Ed al-Balushi]

السيارات اليابنيه يكون الإستيرنج ع اليمين
واكيد لما يغيروا تطلع مشاكل واجد

[بطل عمان]

الامريكي افضل خيار براي كونها مقاربة كثيرة للسيارات الخليجية انها سكان باليسار .

الياباني مثلما اشار احد الاخوة قد تكون محولة الى سكان يسار وبذلك قد تعيق في انظمة كثيرة

[القناص_007]

وارد امريكي بدوون لف ودوران ...


اكبر مثااال عندك

سوبرا وارد يابان وسوبرا وارد امريكا سووف الفرق ف السعر بيناتهم..

[SmaLL - EVO]

الوارد الياباني يحتاج الى تغير وقص وبلاوي وما تعرف ويش بعد يطلع .... اما الوارد الامريكي راحات مثل الخليجي السكان ع اليسار :)

[$$الامبراطور$$]

ما يباله كلاااام

الامريكي احسن من كل النواحي

[Alsharji RB26DET]

الأمريكي هو الأفضل و هو الأقرب لنا بل أفضل حتى من الخليجي لأنه يجي مثل الخليجي بس غالباً مع ميزات أكثر.

أما الياباني جيد بس هم المقود عكسنا يعني يكون مغير و أيضاً التحمل يختلف عنا.

أتمنى إني أكون أفدتك.

[الملا محمد عمر]

انا عندي باثفايندر وارد اميركا سافرنا صلاله فالخط درجات الحراره قد تصل 52بس الحمد لله كان حرارة السياره عاديه_ع سرعات بين 150و170

[الحلمzx280]

اصلا ما فيه مقارنه !!!!
لانه لو كان تريد تشتري وارد اليابان مستحيل تدخلة عمان لانه من سنه2004 استوى المنع على السيارات المحوله

[blue262]

يا جماعة الخير

السيارات الالمانية والسيارات الامريكية المستوردة من اليابان (وارد اليابان) مايكون فيها قص ولا تحويل في السكان

لان على سبيل المثال (المرسيدس والبي ام و الكومارو والموستانج.... الخ) لما تكون في اليابان

يكون المقود فيها جهة اليسار!!!! حالها من حالنا

القص والتحويل يكون في السيارات اليابانية (المستوردة من اليابان) لان المقود يكون في اليمين

[الغافري]

نصيحة خذ لك سيارة تكون شكلها قريب جداً من الخليجي ..
عشان قطع الغيار "الوارد" يكون متوفر ..

مثل الكامري , الافالون , هوندا اكورد ..

[العماني وبس]

لمعلومتكم ما كل سيارت الوارد من اليابان محولة .
سيارت وارد اليابان احسن بكثير من الوارد من امريكا لان ما يقارب 90 % من الي يجين من امريكا صايبنهن كوارث غرق واعاصير وذلك قليل من الي يجين من اليابان
اسال اي واحد عنده سيارة وارد يابان قليل يخبرك ان اكتشف ان سيارته كانت فيها شي.

[القناص_007]

بالضبط

شي من سيارات يابان خاصة مرسيدس وبي ام تجي سكان يسار مو يمين اضني يعتمد على حسب المناطق عندهم

واحد من اقاربي جاب مرسيدس لين يومنا هذا ما راضي يبيعه لانه بنظافة وكالة...


بس يبقى وارد امريكي المرغووب اكثر ابالسووق

[الحلمzx280]

يعزك الخليجييييييييييييييييييي ييييييييييييييييييي

[شبح الصحراء 2008]

الأمريكي وبس
بس الياباني قوة

[Tiida BoYz]

امريكي البوودي قووي اما القوه ياباني يعزك:كاشخ:

[كيازموس]

السلام عليكم
للعلم فقط توجد سيارات يابانيه من مواصفاتها ان المقود باليسار !
.
تبقى مسألة الوارد الامريكي افضل بسبب قربه من طبيعة اجواء الخليج من خلال التحمل لدرجات الحرارة العاليه ..
الياباني معروف عن مواصفات قياسية بسبب الانظمة اليابانية الصارمة في مجال تلوث الهواء و كذلك بسبب طبيعة الجو عندهم ( معتدل الى بارد ) .. و اشياء كثيره ..
حتى ممكن نلاحظ سيارات مصدر تصنيعها اليابان و لكن لما تكون موجّهه للسوق الامريكي فهي تحمل مواصفات قياسية افضل من ناحية التحمل و القوة ! و العكس لما تكون موجهه للسوق الياباني
تحياتي

[silver bullet 2]

واجدين يجيبوا سيارات واردة يابانية ويكدن ما شرط كل سيارة يابانية سكان يمين

وربي يوفقك

[تغاريد الفرح]

وارد أمريكا أفضل ... من واقع تجربة .. :)