المساعد الشخصي الرقمي

عرض الإصدار الكامل : VLCC للتخسيس حد جربة واستفاد


omhind
06/06/2009, 09:43 AM
السلام عليكم ورحمة الله وبركاته

كيفكم يا حلوات ،،،
المفروض هذا السؤال اسالكم اياه قبل عن اسير هذا المركز بس ترانى سرت ودفعت وحبيت اعرف اذا حد منكن له تجربة بالمركز .

طبعا هو مركز معروف بالشرق الاوسط للتخسيس والعناية بالبشرة وفي فرع حالهم موجود بالخوير ، انا سرت عندهم وسوى لى فحص دهون وغيرة وشرحوا لى انه لازم يكون في نظام غذائى مع رياضة ومع جلسات باجهزة خاصة لاذابة الدهون بالجسم ومساجات وغيره .
بس غالى كثير يعنى لشهرين لازم ادفع 700 ريال مع التخفيض صاروا 560 وانا لانى فعلا محتاجة مساعدة لتخفيف الوزن خاصة انه عرسي قريب توكلت على الله وقلت بجربهم ، فهل حد منكم جربهم واستفاد ؟؟؟؟؟

حايره
06/06/2009, 01:25 PM
انتى اتكلت على الله ودفعتــــــــــــــــــي



وخير ما فعلتـــــــــــــي ..........لانك راح تضعفـــــــي كثير كثير

اختى مجربه معهم وما شاءالله عليها ضعفت ولا كانها هيه حتى النفسيه تتغير وتخليكي واثقه من نفسك كثيير


حتى وحده من البنات الى اعرفهم كانت كثيير متينه ومن يوم ما دخلت ضعفت كثيير


والله يوفقك وتطلعي عروس عسوله

omhind
06/06/2009, 02:37 PM
شكرا شكرا حبيبتى حايرة كلامك كثير شجعنى وزاد من حماسى انى التزم معهم بالحرف ، انا ما همتنى الفلوس ادفع لهم بالالاف بس يساعدونى اخف وزنى لانى تعبت من كثر التجارب ع جسمي .

شكرا لك الغالية ودعواتك الحلوة لنا بالتوفيق

الصعل
06/06/2009, 02:40 PM
موفقه بس ممكن اعرف التفاصيل عن البرنامج اكثر على الخاص وهل يعملوا نفس البرنامج لرجال؟.

حايره
06/06/2009, 02:55 PM
هو الرجال والحريم وكثيير مفيد افضل تروح لهم

وهما يخبروك كل التفاصيييل

ا1ذا تريد رقمهم ممكن ارسلك اياه


تحياتي لكم

omhind
07/06/2009, 12:40 PM
موفقه بس ممكن اعرف التفاصيل عن البرنامج اكثر على الخاص وهل يعملوا نفس البرنامج لرجال؟.

مثل ما ذكرت العزيزه حايرة في للرجال بعد ، وانت المفروض تزورهم هم بالخوير بعد مركز مسقط لعلاج العيون مباشرة وبيسوى لك فحص بخمسة ريالات وبعدها بيعطوك معلومات كاملة عن الزيادة بوزنك والدهون العضلات ووين متركزة الزيادة وكم تحتاج ع شان تخف بس هم بيحددولك كيلوات بسيطة كل شهر وانت تقدر تخف اتكثر منها بارادتك بس هم ترى يريدوا يزيدوا من عدد الجلسات ع شان يكسبوا .
وطبعا بتقابل اخصائية التغذية وبتسوى لك برنامج غذائى والمسئوله عن الرياضة بتسوى لك برنامج رياضى في عندهم اجهزة بسيطة للرياضة تقدر تزاولها وانت موجود هناك بعد كل جلسه .
ومع هذا كله في اجهزة تذوب الدهون المتراكمة ومساجات ولما تزورهم بيشرحوا لك اياها بالتفصيل .

اتمنى اكون افدتك واذا عندك اي استفسار ثانى انا جاهزة .

telecom.eng
10/06/2010, 02:22 PM
وكيف بالنسبة لشد الجسم ؟؟

يعني لو السمنه فقط مرتكزة في البطن كيف رح يكون ؟؟
وفي علاجات لشد الزنود ؟؟

آيات 0
10/06/2010, 03:05 PM
عندك كذا موضوع في نفس الاستفسار
عسى ينفعك
http://www.s-oman.net/avb/showthread.php?t=723384&highlight=VLCC
http://www.s-oman.net/avb/showthread.php?t=704815&highlight=VLCC
http://www.s-oman.net/avb/showthread.php?t=624448&highlight=VLCC

لو سويتي بحث قبل لا تكتبي الموضوع كنتي بتحصلي كثير مواضيع طرحت بشأن هالموضوع

بالتوفيق

Pinkash
10/06/2010, 11:03 PM
انا مرة وصلي مسج عشوائي منهم اني ربحت هدية ولما رحت سوولي هالفحص مال كتلة الدهون وهذي السوالف وعطوني زيت مساجج حق السليوليت وشكله شغلهم حلو لاني شفت صور بس يس غالي شوي

قبل فترة كانت عندهم عروض نص السعر وكذا

وسمعت عن كم حد فعلا استفادوا لان عندهم نظام غذائي وجيم ومساج بعد عشان يشد الجسم ما يترهل

موفقة حبوبة روحي ولا تتردي بس خليج مواظبة وباصرارج راح توصلين للي تبينه لان مافي شي يغلى على صحتنا واجسامنا :كاشخ:

ومبروك عالعرس مقدمااااااا :)

rose123
11/06/2010, 10:34 AM
اختى توكلى ع الله
اختى اشتركت معهم ونزلت 8 كيلو ف شهرين وشكلها تغير مررره حلو ومتناسق
شغلهم حلو ومضموووون

redrose82
11/06/2010, 10:39 AM
انا اعرف وحدة نقصت 13 كليو في شهرين وتقول واجد استفادت

JoDANA
11/06/2010, 11:16 AM
اعرف وحدة سنين وهي من نادي الى نادي ورياضة وريجيم ومشي لمسافات
وابدا ما كنا نشوف تغيير في جسمها
وبس من شهرين اشتركت في vlcc
والتغيير واضح جدا جدا
واجد ضعفت لدرجة انه الكل بدا يقولها كفاية لحد كذا
اتوكلي فعلا مركز يستحق ما دفعتي فيه

العرافه
11/06/2010, 03:14 PM
الغلا والله لا تعتمدوا على هالمراكز.. وفروا فلوسكم وربي.. ما يستاهل كذا مبلغ..

كان افضل لك لو استغليتي الصيف وطلعتي كل ليله على البحر تمشي .. خصوصا لما يكون الجو رطوبه . لجل ينزل العرق وتحترق الدهون معاه

جمالي رباني
13/06/2010, 10:53 PM
صراحة ما انصحك ............ كل البنات اللي راحوا رجعوا دبل بعد ما طلعوا ......... نظامهم يعتمد عليج اكثر مما يعتمد عليهم ........ وبنت عمي دفعت ألف وشي وليومج هي نفسها مع انه لها عزيمة قوووووية .......... ماوايد مفيد

جربي دنيا الرشاقة ما راح تندمي