هينك يا الخنجر

[راعي الوادي]

الخنجر العماني البعض يلبسه في المناسبات والبعض يحتفظ معلقنه في غرفة نومه زينه أو إنه ورثه من أبوه ولا من حد من الشياب رحمة الله عليهم موضوعي هو أين الخنجر العماني من المناسبات
شباب هـ الأيام يخجله يلبسوه لما يروحو العزيات بذيك الكمه

ويوم يقبلوا على عرس يدور رأسهم يستقرضوا الخنجر والسيف

وين حنا من المحافظة على تراث الأجداد هل تسعى أيها الأب أيتها الأم أن يقتني إبنك خنجرا؟ ولا تشوفوا غالي وأحسله يقتني لعبة اليكترونيه 0

[AhmEd1]

اصلا معظم الناس الحين تدور اللقمة و ما فاضية حال اول و حتى لو فضت بتروح حال الهنود و يسوو خنجر بلاستيك ما مثل اول الشيبة يسوييه تحت السدرة.

[purity girl]

بما انه التراث ما مات
الخنجر بعد ما بيموت
بالعكس القليل اللي ما يلبس خنجر لمناسبات
بس معظمهم ملتزمين بيه .
وحلو التنويع مره بخنجر ومره لااااااااا بعد الخنجر ثقيل ع الفواد
ما اعرف كيف الشباب مستحملينه في المناسبااااااااااااات.......

[ويلارد]

كان العماني قديما وحديثا يحرص على اقتناء الخنجر قبل الماكل والمشرب . فهو عز وفخر لمن يرتديه
لكن لمن نوجه هذا الكلام اليوم ؟ لأطفال كورن فليكس وستار أكاديمي والمربيات الفلبينيات ؟
والله أن هناك طلبة عمانيين ( عمانيين أصل ) رفضوا ارتداء ملابس التخرج من الجامعات الامريكية ولبسوا الدشداشة والمصر والخنجر بنفس الوقت لاذي يلبس فيه العابثون بناطلين الجينز المرقعة المزركشة وقمصان 2pac و Eminem حتى في المساجد

[جاسم القرطوبي]

موضوع حساس

دمت بود

[بنت شيوخ]

من قال انهم مايلبسوا خنجر فالتجمعات سواء الاعياد ولا العزيات ولا الاعراس !!


ومن هذا اللي يروح عزا بكمة :مستغرب:


ماشفت صراحــــة ؟؟

[بنت شيوخ]

والله أن هناك طلبة عمانيين ( عمانيين أصل ) رفضوا ارتداء ملابس التخرج من الجامعات الامريكية ولبسوا الدشداشة والمصر والخنجر بنفس الوقت لاذي يلبس فيه العابثون بناطلين الجينز المرقعة المزركشة وقمصان 2pac و Eminem حتى في المساجد



أصيليــــن مثل ما تفضلت وقلت .. !

[بدويه وكلي فخر]

بالعكس ولد الاصل ما يخلي عاداته وتقاليده

[وطني مخلص]

مره رحت عزاء مع شباب وكنت أريد ألبس خنجر ومصر واشل باكور, تراه أهل العزاء من الشيوخ, بس الشباب اللي مروا علي بكميم وبلا عصى, تو موه أسوي, قالوا لا تتميز عنا ولبس مثلنا لبست ورحنا وحسيت نفسي صغير قدام الناس والكل بخنجره ومصر وعصى , بس على الأقل لبست مصر وخفف شوي.

صحيح الخنجر تعطي هيبه لشخص:)

[برج الفرشه]

والله انكم ذكرتوني قبل اسبوعين رايح عزا وأخوكم رايح بكمه والوالد معي وساكت عني لاْنه يعرفني ما من عوايدي أروح مناسبه أين كانت الا والمصر والخنجر والباكور فيدي عاد ما شفت عمري صغير واشوف الناس متسلحه ونا داحي كرشي لا مصر ولا خنجر ولا باكور واسمنها سوتلي أدب اني ما أروح مناسبه عدت الا ومتسلح صدقوني انه لبسنا العماني الاصيل هيييييبه

[راعي الوادي]

البعض يتحجج إنه ثقيل الله يرحم شيابنا

الخنجر والسيف والتفق كان هيبة الأولييين أذكر عبارة وشلل لوني التفق وانا صغير 00000 من يذكر تكملتها ؟؟؟؟؟؟؟؟؟؟

[purity girl]

أول مره اسمع واحد يسير عزاء بخنجر .
توهذي ما مناسبة فرحه هذي حزن ومصيبه .
ما اعرف اذا العادات والتقاليد تختلف من منطقه لمنطقه في السلطنه .....؟؟؟...

[MaFia TeaM2]

اصلا معظم الناس الحين تدور اللقمة و ما فاضية حال اول و حتى لو فضت بتروح حال الهنود و يسوو خنجر بلاستيك ما مثل اول الشيبة يسوييه تحت السدرة.

تعجبني .. كلامك صحيح :)

[Massi4747]

دوام الحال من المحال
وشباب هالأيام باديين يقلدون الغرب في كل شي,ونسو للاسف الكنوز الي خلفوها لنا أبائنا وأجدادنا
الله يرحم أيام زمان

[المحامي]

أول مره اسمع واحد يسير عزاء بخنجر .
توهذي ما مناسبة فرحه هذي حزن ومصيبه .
ما اعرف اذا العادات والتقاليد تختلف من منطقه لمنطقه في السلطنه .....؟؟؟...

الخجر ليس للناسبات فقط صار فقط للمناسبات في هذا الزمن

زمن أول الشياب في حلهم وترحالهم الخنجر لابسينه ومن غير السلاح

بس الحين في هذا الوقت صارو يلبسوه في المناسبات أغلب الاحيان

[ماركيزا]

اصلا معظم الناس الحين تدور اللقمة و ما فاضية حال اول و حتى لو فضت بتروح حال الهنود و يسوو خنجر بلاستيك ما مثل اول الشيبة يسوييه تحت السدرة.
-----------------------------------------------------------------

ضحكني هرد ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههههه

[رشـ عطــــــر ـــة]

الحين الخنجر ما يلبسه غير المعرس

[عاشق البطاطس]

بعدهم ولاد العرب مانسيووووه إلى القليل
بس الباقي علينا نعلم أولادنا

[أبو شهد]

الخناجر قلت وكثرت الكروووش

[AhmEd1]

الخناجر قلت وكثرت الكروووش

انا اقووول ليش؟؟؟
اتاريه ما محصلين حزام مقاس الكرش فما يلبسو خنجر زلا ما بيرومو حتى يجلسوا خخخ:ضحك::ضحك:

[القناص المحترف]

بالعكس

انا البس الخنجر في جميع المناسبات الحزينه والمفرحه
وجميع الرجال عندنا يلبسوا
رجال وحتى الاطفال

خاصه في الشرقيه

نحن لا نقدر بل عيب علينا ندخل مناسبه او عزيمه او مقابله بدون الخنجر والمصر والباكوره


وسلامتكم

[طالب في مصر]

البعض يتحجج إنه ثقيل الله يرحم شيابنا

الخنجر والسيف والتفق كان هيبة الأولييين أذكر عبارة وشلل لوني التفق وانا صغير 00000 من يذكر تكملتها ؟؟؟؟؟؟؟؟؟؟


تكملتها


غارت القوم ولا عندي بصاره

[AhmEd1]

بالعكس

انا البس الخنجر في جميع المناسبات الحزينه والمفرحه
وجميع الرجال عندنا يلبسوا
رجال وحتى الاطفال

خاصه في الشرقيه

نحن لا نقدر بل عيب علينا ندخل مناسبه او عزيمه او مقابله بدون الخنجر والمصر والباكوره


وسلامتكم


اسمها الخيزران و شي نوع محناي و شي نوع مرقد فسمن و شي و شي بس ما (باكورة) باكورة بس رمضان خخخخخ:عيار::ضحك:

[روح السكون]

ما مشكلة...



إذا الشباب ما يريدوا يلبسوه, خلي البنات يلبسنه...!!!!

[القناص المحترف]

اسمها الخيزران و شي نوع محناي و شي نوع مرقد فسمن و شي و شي بس ما (باكورة) باكورة بس رمضان خخخخخ:عيار::ضحك:

ليش تضحك
ترى اعرف الانواع
ايش تحسبني ما اعرف

واصلا الشخص على راحته يشل خيزران او باكوره او اي عصا

واول مره اعرف ان الباكوره لرمضان

من وين جبت هذه:ضحك::ضحك::ضحك::ضحك:

[القناص المحترف]

ما مشكلة...



إذا الشباب ما يريدوا يلبسوه, خلي البنات يلبسنه...!!!!

:ضحك::ضحك::ضحك:

افففففففااااااااااااااااا ااا