طريقة عمل الفيشل بالبيت :)

[عيون الريم]

هلا وغلا ببنات حواء...

الكل طبعا أو الأغلبية اللي بالمنتدى جربوا الفيشل أو سمعوا عنها....الفيشل باختصار هو عملية لتنظيف البشرة وازالة الرؤوس السوداء والطبقة الميتة من خلال البخار, والسكراب, والأقنعة والترطيب.
أنا اليوم جبتلكم طريقة عمل الفيشل بالبيت وهو طريقة سهلة مررة... ( أسويها كل أسبوعين)

أول شي نبدأ بالمكونات:

- التونيك (أفضل ماء الورد)

- ابرة للتنظيف - (هذا الله يسلمكم يطلع كل الرؤوس السوداء والبلاوي اللي في وجهكم). تقدري تحصلين الابرة من The Body shop أو محل نزيه.


-اّلة بخار.. واذا ما كان عندك استخدمي الطريقة التقليدية ... ناخذ كمية من الماي ونغليه لين ما تبدأ تتبخر وبعدين تحطين الماي في اناء ثاني .



-- زيت معطر بالأعشاب- تحصليه في The Body Shop
- مقشر للوجه- أفضل المشمش

- ماسك

- كريم الترطيب

الخطوات:

1. نظفي وجهك بالتونيك عشان تتخلصي من اّثار المكياج والوساخة
2. عرضي وجهك للبخار لمدة 10 دقايق (حطي ملعقة صغيرة من الزيت المعطر في الماي)

خطوات طريقة التنظيف بالابرة (مناطق التنظيف تكون بالأنف والذقن والجبين)

3. خذي الابرة...امسكيها من طرف والطرف الثاني اللي فيه فتحة نظفي فيه
4. امسكي أنفك بيدك اليسار واضعطي عليه بين الابهام والسبابة
5. بيدك اليمين امسكي الابرة واضغطي بطرفها اللي فيه الفتحة على الأنف وحركيها بكل الاتجهات ولاحظي اللي يطلع من فتحة الابرة....وساااااخة وزيوت....وعععع
6. بالنسبة للجبين والذقن, نظفيها بشكل عامودي
7. حاولي تكوني سريعة عشان ما تتسكر المسام

8. الحين ارجعي عرضي وجهك للبخار لمدة 3 دقائق
9. وزعي المقشر على وجهك
10. عرضي وجهك للبخار لمدة 5 دقائق
11. الحين ابدأي بالتقشير بشكل دائري
12. اغسلي وجهك
13. بعد ما تغسليه حطي الماسك وانتظري لمدة 10-15 دقيقة واغسليه
14. جيبي مكعب ثلج ومرريه على وجهك (واذا كان بماءالورد بيكون أحسن)
15. اّخر خطوة ............الترطيب

ونعييما