 |
|
||
|
|
#1
21/11/2010, 08:53 AM
|
||||
|
||||
إبني رافض يروح المدرسه نهائيا
السلام عليكم بصراحه عندي مشكله حقيقيه مع ولدي وما لاقيلها حل
هذا الولد عمره 6سنوات وهو أكبر إخوانه ومن صغره وهو عنيد وإذا قال يبى شي يحن عليه لحد مايشلع قلبك وتجيبله الشي إللي يريده المشكله إنه رافض يروح المدرسه راح تقريبا أربع أيام أو خمس متقطعه بس يايروح نص الدوام أو يرجع من نص الدوام وحاولنا معاه بكل الطرق ترغيب وترهيب بس بدون فايده حتى الأخصائيه والمدرسات مسكينات طيبات معه ويعاملنه بالطيب ومره نادنه في الطابور وسلمنه جوائز وفلوس وهديه على أساس إنه طالب متفوق وشاطر (وإحنا بعدنا في أول إسبوع دراسي) عموما بعد هالشي ما فاد معه. والغريب إنه يقوم الصبح بنفسه ويسبح ويتلبس بنفسه بس من يشوف الباص جاي كأنه شايف ملك الموت مع إنه سايق الباص طيب معه ومسكين يعطيه كل يوم مية بيسه ويعامله غير عن باقي الطبله حتى لو بغينا نوصله بنفسنا بالسياره بعد ما يطيع والشي الثاني الغريب إنه في الصف هادئ وشاطر ويجاوب ويشارك في كل سؤال بشهادة معلماته حتى بين الحصص الأطفال يلعبوا ويسووا فوضه هو يكون هادي ويلعب بأدب وعنده بنفس الصف خاله أخو أمه وهو أقرب صديق له وعنده بعد 5 أو 7 من عائلتنا بس مشكلته إذا وصل المدرسه يتسمر عند الباب وشياطين الدنيا كلها براسه ولو يصير ما يصير مايدخل باب المدرسه نضطر نشله ونجلسه فوق الكرسي بس من الصياح والصراخ صوته يروح وأنفاسه تتسارع ويتعب ويجلس في غرفة المديره لين يرتاح ونرجعه البيت بصراحه إحترت شو أسوي معاه وكيف أقنعه يروح المدرسه حرام تروح عليه سنه كامله وأكثر شخص تعبان هي أمه المسكينه وايد تعبت معه الله يجزيها عنه خير إن شاء الله والله العظيم حتى أخوه إللي عمره سنتين ونص مرات يجلس يسكته ويحاول يرضيه ويهديه. هذي مشكلتي مع ولدي وأنتظر ردودكم جزاكم الله كل خير وجعله في ميزان حسناتكم.
__________________
أنا سبب نفسي بنفسي جبت صبعي صوب عيني |
|
مادة إعلانية
|
|
#3
21/11/2010, 09:43 AM
|
||||
|
||||
|
اخوي ليش ماتيلسون معه طول اليوم في الصف مافيها شي حتى لو المدة طالت وبالتدريج اشوي اشوي تنسحبون الين يكون الوضع عادي بالنسبه له ..
من كلامك فهمت الولد مب مخوفه احد في المدرسه ويقوم الصبح ويتجهز للمدرسه بس يمكن مب متعود يفارقكم عشان جيه يشوفها صعبه .. والله انا اخوي وحرمته قعدوا عند ولدهم لمدة اسبوع كل اليوم وبعدين صاروا يقللون اشوي اشوي الين صار عادي عنده قعدوا ولا راحوا .. انا بنت عمتي الحين صف ثالث ابتدائي ولليوم امها تقعد معها اول اسبوعين من كل مرحله دراسية لين تتعود لانها متعلقه بامها وايد وايد .. تخيل .. اخوي الثاني ياب خدامه خصيصا بس عشان تقعد عند بنته الصغيره لمدة الين تتعود على المدرسه والحين صارت تروح اروحها وترجع اروحها .. انت ولدك اول سنه له في المدرسه ومب متخيل يقعد يوم كامل بعيد عنكم ، ماينلام طفل هههه
__________________
.. شمـوخي والكـرامــة شـي لا يفــنــى ولا ينهـــان .. قال صَلَّى اللهُ عَلَيْهِ وَسَلَّمَ لأصحابه
{أتدرون من المفلس؟ قالوا: المفلس من لا درهم له ولا متاع,فقال: إن المفلس من أمتي من يأتي يوم القيامة بصلاة وصيام وزكاة، فيأتي وقد شتم هذا, وقذف هذا, وأكل مال هذا, وسفك دم هذا, وضرب هذا؛ فيعطى هذا من حسناته، وهذا من حسناته؛ فإن فنيت حسناته قبل أن يقضى ما عليه، أخذ من خطايا من ظلمهم فطرحت عليه ثم طرح في النار } |
|
#4
21/11/2010, 09:58 AM
|
||||
|
||||
|
اقتباس:
المشكله امه عندها طفل رضيع والثاني عمره سنتين ونص ومايرضوا يجلسوا مع الشغاله لا الكبير ولا الصغير ولا الرضيع وأنا عندي دوام أداوم محاضر ف معهد وطلبتي عندهم فترة إختبارات ما اقدر أخذ إجازه طويله بس بين كم يوم أطلع يوم وبعده أطلع إجازه وأروح معه وما يطيع يجلس حتى لو قلتله بجلس معك والوالده إللي هي جدته بعد راحت معه كم مره وبعد ما فاد
__________________
أنا سبب نفسي بنفسي جبت صبعي صوب عيني |
|
#6
21/11/2010, 10:32 AM
|
||||
|
||||
|
العصا لمن عصا......................
ماشي غير الضرب
__________________
معذرةً سيدي درويش : نعم على هذه الارض مايستحق الحياة ولكن في ذات الوقت , على هذه الأرض أُناسٌ لا تستحق الحياة ...!! باعوا الوطن بأبخس الأثمان فأي حياةٍ يستحقونها ..؟؟!! "يا رب إذا أساء إليّ الناس هبني شجاعة التسامح وإذا أساءت أنا إلى الناس هبني شجاعة الإعتذار" |
|
#7
21/11/2010, 10:52 AM
|
||||
|
||||
|
اقتباس:
قول بس اذا قصدك الضرب من الحين اقولك اننا جربناه وتخويف خوفناه وحرمان حرمناه
__________________
أنا سبب نفسي بنفسي جبت صبعي صوب عيني |
|
#8
21/11/2010, 11:08 AM
|
|||
|
|||
|
من الجميل أن تناقش الأمر مع أولياء أمور واجهتهم نفس المشكلة أو تناقشها مع ادارة المدرسة علهم خبروا
مشكلة شبيهة سابقا ويعرضون عليك بعض التجارب المفيدة عليك بالصبر 
|
|
#9
21/11/2010, 11:12 AM
|
||||
|
||||
|
الاطفال في هذا السن طبيعي جداا خوفهم سبحان الله
حاول انكم تغرووه بهديه معينه مع كل نهاية يوم دراسي وشجعووه عليها شوي شوي بيتعود ان شاء الله متابع لموضوعك
__________________
|
|
#10
21/11/2010, 11:14 AM
|
||||
|
||||
|
اقتباس:
بصراحه ما عندي قناعه برأي العامه لان إللي اقوله المشكله يقول هذا متدلع وانوا مدلعينه بزياده ويبغاله ضرب وووو
وبالنسبه لإدارة المدرسه ما فادونا بشي من هالجانب هم صح متساهلين معنا من ناحية الغياب بس إن عندهم طرق تربويه أو علاج معين للاسف ما في
__________________
أنا سبب نفسي بنفسي جبت صبعي صوب عيني |
|
#11
21/11/2010, 11:25 AM
|
||||
|
||||
|
اقتباس:
والله ما خلينا شي ما جبناه له وأي شي يطلبه نجيبه له عشان يروح المدرسه
والمعلمه ماله كل يوم تسويله برنامج معين هديه او جائزه او شي حتى هو يحبها كثير بس ما راضي يروح
__________________
أنا سبب نفسي بنفسي جبت صبعي صوب عيني |
|
#12
21/11/2010, 11:34 AM
|
|||
|
|||
|
اقتباس:
أمر طبيعي يحدث لأغلب الأطفال وكنت أفضل أن تستمع لتجارب الآخرين أتمنى أن تجدها هنا حاول أن تقرأ المزيد هنا بارك الله فيك |
|
#13
21/11/2010, 12:09 PM
|
||||
|
||||
|
شو السبب عسب وجهة نظر أبنك ما يريد يروح المدرسة ؟
|
|
#15
21/11/2010, 01:28 PM
|
||||
|
||||
|
دعواتك له الله يهديه يا رب
يباله وقت خذه بالتي هيه أحسن كثير مثل مشكلتك مع أولادهم عسى خير أدعي له
__________________
اللهم لك الحمد وشكر
|
|
#16
21/11/2010, 02:16 PM
|
||||
|
||||
|
يمكن حد يضاربه ف الباص
 او المدرسه و يخاف يروح المدرسه او يمكن العقده من المدرس او يمكن المشكله في الريوق 
__________________
$ بـلـوـوـوشـيـ سـتـايلـ $ شـابـك SHABEK |
|
#17
21/11/2010, 02:17 PM
|
||||
|
||||
|
اقتباس:
حقيقه انا ما كنت اريد اذكر هذا الموضوع بس مادام جبنا طاريه بندخل فيه طبعا كثير من العائله وبالذات الكبار قالوا هذا اكيد فيه عين او شي من هالقبيل وبعد الحاح سويت نيه ورحت عند مطوع وقرأ عليه وقال فيه لبس من الجن وإن واحد من أولاد الجن مصاحبنه وانه دايما معاه ما يخليه وان احيانا يسولف معه وانتوا تشوفوه كانه يكلم نفسه ولما جلسنا ندقق ع هذا الشي فعلا حسينا انه احيانا يتكلم مع نفسه ويلعب مع نفسه طبعا احنا من زمان كنا نلاحظ مثل هذي الاشياء بس نقول ياهل صغير وما غريب عليه مثل هذي التصرفات بس المطوع كلامه غير فسر هالتصرفات بانه يتكلم مع ولد الجن. وامانه لله هذا المطوع ما من النوع اللي يعالج بالدجل والشعوذه كل علاجه بالقرأن والذكر وعطانا له دواء شراب ودهان ومستمرين عليه بس بعده حالته هي هي وامس اتصلت بالمطوع قال بعدك جيبه عندي وان شاء الله بنحصل طريقه وعاد ناوي باكر اروح عنده. وسى إنش اءالله نلقاله علاج,,,,
__________________
أنا سبب نفسي بنفسي جبت صبعي صوب عيني |
|
#18
21/11/2010, 02:27 PM
|
||||
|
||||
|
بقولك سالفه صارت لنا
آصغر اخواني نفس الشئ في فتره من الفترات كان رافض تماما يركب الباص ويطلب من والدي يروح ياخذه بعد انتهاء الدوام والدي بطبعه لان اخر العنقود ما يرفض له طلب واحيانا لما كان والدي يتاخر يطلب منى اروح اخذه "المدرسه ليست بعيده جدا" المهم ومــــــــــره لما رحت اخذه اول ما ركب السياره لمحت ف وجه حزن غريب .. قلت خليني اساله عن سبب رفضه التام من دخول الباص فجاه ومن دون سابق وفجـــــــــــآه انهار من البكاء وما قدر يمسك نفسه وقال انا بخبرك آثاري راعي الباص كان دائم يستهزء فيه ويقول كلام "ماقدر اقوله ولا اذكره لكم" ويقول كان كل يوم يقول كذا وباقي الطلبه يضحكو سالته وانت شو كنت تسوي قال: كنت اسوي روحي اضحك بس انا زعلان من الداخل ........ عــــــــــــــاد سالفه ووصلتي عندي  قلت له ولا يهمك يوم انك ما رمت تاخذ حقت انا باخذ حقك منهم واليوم الثاني من الغبشه ............ من بيتنا لباب مدير المدرسه "مدرسه خاصه" وحكيت له السالفـــــــــــــــــه كلها قال ولا يهمكم خلوني بس اتاكد من الكلام واسال الطلبه الى بالباص ولما عمل التحريات اللازمه وتاكد من صحه الكلام .. تم طرد السائق من المدرسه نصيحتي انك تساله .. عن السبب .. صدقني اكيد رح تلقى جواب
__________________
اللـــــهم آني آسالـــــك حـــــاجه ف القلــــــب آنت آعـــــلم بهــــــــا 2011 هتـــــكون سنه حلوه ع روزيـــــز بــــآذن الله |
|
#19
21/11/2010, 02:40 PM
|
||||
|
||||
|
اقتباس:
يا جماعه انا قلت ان سائق الباص اسلوبه طيب معاه وبعد يعطيه كل يوم مية بيسة ويقوله اذا جيت باكر بعطيك مية ويخليه يجلس جدام عنده ولا حد من الاولاد في الباص يضايقه بشي وبعدين هو اصلا ماراح في الباص الا يومين بس والمدرسه راح لها 5 ايام لا اكث يعني ما لحق يتعقد من المدرسه او من سايق الباص
__________________
أنا سبب نفسي بنفسي جبت صبعي صوب عيني |
|
#20
21/11/2010, 02:54 PM
|
||||
|
||||
|
اقتباس:
متآسفين ع الرد
__________________
اللـــــهم آني آسالـــــك حـــــاجه ف القلــــــب آنت آعـــــلم بهــــــــا 2011 هتـــــكون سنه حلوه ع روزيـــــز بــــآذن الله |
|
#22
21/11/2010, 03:23 PM
|
|||
|
|||
|
مرحبا
أنا متدربه مع الأطفال لست بخبريه ولكن لدي فكره بسيطة نتعامل بها مع أطفالنا... كل طفل غير عن الثاني فية أطفال يتقبلوا المدرسة بسهوله لأنهم يحبوا يغيروا المكان يللي يعيشوا فية ويطلعوا يدرسوا بعدها يرجعوا فيه أطفال يحبوا بس يلعبوا ويشوفوا التلفاز كذا عودوهم أهلهم والله يهديهم... أول ما تقوم الصباح وتصلي إقرأ قرآن بعدها حطه هو يقرأ القرآن يفتح الذهن ويسكن القلب... هذا أساس لحد ما يأخذ ربنا روحنا.... هيئ الطفل من كذا يوم وتتمرره ع المدرسة قوله باكر بتجي هنا الصباح تدرس وترجع البيت وهنا صديقك فلان وفلان... جهزوا الشنطة مع بعض.. سأله وش تريد تأخذ آكل للمدرسة؟؟؟ وعطيه اياه بس بمقدار بسيط جدا... شيله المدرسة وقبل عن ينزل من السيارة تكون انت مجهز هدية مغلفه خبره اذا رحت المدرسة ورجعت مع الأطفال بباص المدرسة أعطيك اياها... وحط ولدك في المدرسة حتى لو صاح... كل يوم المعلمات بتحملنه ثلاثة أيام إذا ما فاد فحسبك ربي... حنا عندنا أطفال يبكوا وصراخ بس نحطهم يكملوا اليوم الدراسي ويتعودا... اليوم استقبلنا طالب جديد صراااااااااخ يريد أبوه... في البداية حاولنا نسكته ونقنعه بس لاحظنا الطفل يشوف ع الأطفال وبعدها يسكت وحطينا الطفل وحنا جالسين شوي بعيد عنه بمترين تقريبا وسكت بعدها دخل الصف ويشوف الأطفال وشوي يصيح بس ما واجد نعطيه اهتمام عشان ما نفتحله مجال للصياح انما نفتحله مجال للمشاركة وضرب الأمثال علية.... عاد باكر بنشوف كيف هالطفل.... الله يهدي الجميع |
|
#23
21/11/2010, 03:29 PM
|
||||
|
||||
|
اقتباس:
نا ما يائس بس والله ما خلينا طريقه ما سويناها مع هالولد المشكله هو بس حد يجيب طاري المدرسه جدامه يعتفس فوق حدر ويظل حدود 3 ساعات متكدر ومتضايق لين يصير موقف معين ويغير الموضوع
__________________
أنا سبب نفسي بنفسي جبت صبعي صوب عيني |
|
#24
21/11/2010, 03:42 PM
|
||||
|
||||
|
حاول تحفيز ابنك على الاختلاط مع تيتونات الفصل وكسب ودّهن ، حتى تغرس في عقله الباطن الرغبة بالحضور وعدم التفكير بالتغيب ، ويتجنب حالة الندم مستقبلاً بعد الصف الرابعْ بعد أن يدرك أهمية منهجية وتوجهات التعليم الأساسي ..
__________________
يبالك شنب .. |
|
#25
21/11/2010, 04:03 PM
|
|||
|
|||
|
هلا أخوووي هذي الحاله كانت عندنا ...
انا بخبرك شو تسوي ..... عندي أخ نفس عمر إبنك ونفس تصرفاته بضبط بس هو في مدرسه خاصه من بدأيه الدراسه وهو من يسمع أسم المدرسه صياح قول رايح بيت أشباح اسكته وأقوله أنا بروح معك المدرسه وبجلس معك وبرجع معك في الباص ويسكت من يقوم الصباح يصحيني .....قومي بنروح المدرسه وأنا كل يوم أروح معه المدرسه خلال سبوعين أروح وأرجع معه واترك الدوام عشانه كله صياح ........ بعد اسبوع \\\\\\\\\\ قررت اشرد عنه أدخل الصف عنده واجلس عنده في الصف من تدخل المعلمه الصف أقوله بروح أشرب وبجي أجلس مكانك الحين برجع وأنا أضربها شرده الدوام واتصل في المدرسه تقولي جالس يصيح... بيصيح شويه وبيسكت بيشوف الاولاد عنده جالسين يسولفوا ....... بيتعود صدقني والرجعه يركب الباص عند ربعه بس سبوعين وأنا رايحه راجعه عنده والحمد الله تعود وصار رجال الحين ما يحتاج اروح أشوفه 
__________________
لو الغلا بالرسايل اشهد أني ناسيك ... لكن الغلا بالقلب والقلب دوم يطريك  مدونتي اضغط هنا للمشاركه
|
|
#27
21/11/2010, 04:13 PM
|
|||
|
|||
|
بقول اقتراح من واقع تجربه يمكن تفيدك
انا كنت ادارية في مدرسة حلقة اولى مريت بكثير مثل هالحالة في البداية اجرب التشجيع واخلي المعلمة تاخذ الولدودلع وغيره واذا ما فاد بعد كم يوم اخلي ولي الامر يروح وامسك العصا وقدامي على الصف اخلي نفسي معصبة واقول للمعلمة وهو يسمع اذا صاح تعالي خبريني وطبعا يخاف ويسكت وبعد كم يوم كل اليوم الصبح الولد يجي سيلم علي يعني نصير اصحاب للامانه جربتها اكثر من مره ونجحت |
|
#28
21/11/2010, 06:12 PM
|
|||
|
|||
|
اقتباس:
طريقة حلوه، مثل طريقة الاخت الماســــــة  ، ولــكن :: سمع الرسول صلى الله عليه وسلم امرأة تقول لابنها: تعال أعطيك، فقال لها: وما تعطيه؟ قالت: أعطيه تمراً. قال: " لو لم تفعلي كتبت عليكِ كـذبة" فــقط للتوعيه ، لكن الطريقة حلوه مره
|
|
#29
21/11/2010, 06:59 PM
|
||||
|
||||
|
وده للكتاب وخله يتعلم القران ويحفظه كامل وشوف ردة فعله
|
|
#30
21/11/2010, 07:50 PM
|
||||
|
||||
|
وعليكم السلام ورحمة الله وبركاته
ذكرتني يوم كنت صف أول وكان أبوي يوصلني للصف وإذا بغى يروح يبدأ الصريخ ،، جارنا يوم حفيده ما طاع يروح المدرسة ربطه فالدرج مال بيتهم وضربه بالخيزران لين قال بس وتو حفيده من المتفوقين
__________________
Shed No Tear- oh, shed no tear !
The flower will bloom another year ; Weep no more – oh , weep no more ! Young buds sleep in the root's white core Dry your eyes – oh , dry your eyes ! For I was taught in Paradise- To ease my breast of melodies- Shed no tear |
|
|
مواضيع مشابهه
|
||||
| الموضوع | كاتب الموضوع | القسم | الردود | آخر مشاركة |
| [ استفسار ] كوسوكو رافض كل شي | همس الحراير 196 | سوق المخلوقات الحيّة | 17 | 12/11/2010 10:27 AM |
| بنت هوامير معجبه فيك بس أبوها رافض لانك كحيان مو الحل ؟ | Nomadic | السبلة العامة | 72 | 04/10/2010 08:01 AM |
| نقل من بعد التوزيع وانا رافض | بن سوقات | أرشيف سبلة التعليم | 0 | 05/10/2008 09:20 AM |
| هذا الموضوع للي يروح المدرسه | كتمان | سبلة المناسبات الاجتماعية | 27 | 15/09/2008 05:51 PM |
| استفسار.اشتريت ارض نطام سنتين وعندي الملكيه وعقد محامي بالبيع والرجل رافض التنازل ماذا افعل | الجارح | السبلة القانونية | 10 | 01/02/2008 10:39 AM |
النمط الخطي
