سبلة عمان

العودة   سبلة عمان » سبلة ترويح القلوب

ملاحظات \ آخر الأخبار

 
 
أدوات الموضوع البحث في الموضوع أنماط العرض
Prev المشاركة السابقة   المشاركة التالية Next
  #1  
قديم 02/12/2009, 02:15 PM
صورة عضوية شيرلوك هولمز
شيرلوك هولمز شيرلوك هولمز غير متصل حالياً
خاطر
 
تاريخ الانضمام: 01/10/2009
الإقامة: عمان الحبيبه
الجنس: ذكر
المشاركات: 30
Talking أمثال عمانية قديمه

أمثال عمانية قديمه

هذي بعض الأمثال والأقوال إلي كان يقولها شيبنا, وأتمنا تعجبكم


(إذا تبا يحبوك تغرب ولا موت )

(المادح نفسه يباله رفسه)

(السنق يموت مقتول ولا مختنق)

(متى طلعت القصر قال الباحه عصر)

(الطول طول نخله والعقل عقل سخله).<السموحه من كل شخص طويل>

(فاقه فاقه والتلفزيون ما يله تفاقه)

(الكف الي صفعني نفعني)


(كسير وعوير وبليس ما فيه خير)

(لـــــــــو الشور شوري 0000مابعــــــــــــت ثوري)

(بليس ما يكسر وعيانه )

( وانت ليش حيت شي حصاة متجحدلة من جبل توكفلها راسك ) مثل عماني قديم جدا

( من بيت الشاة لبيت الجاعدة )

(كما عور يترجى الصبح )

( انتظر يا حمار لين ما يجيك الربيع )

( الاسم شايع والبطن جايع )

(يوم خلص العرس جا الشايب يرقص )

((( السيف سلطان الحروب . والعشق حب القلوب )))

(بو طبيع ما يجوز عن طبعة ولو تنقص صبعه)

(قالوا تيس قالوا حلبوه )

( لا تسرف ولو من البحر تغرف )

( أصوم أصوم وأفطر ببصلة )

(الشيفة شيفة والمعاني ضعيفة)

(يعيبو على الناس والعيب فيهم )


(طالع من الخب طاح في الطوي)

(سحناة مغطاية ولا قبولي كشف)

(شنجوب مغرق جمل)

(الجمل جملنا ويركبونا على الذيل)

(الفقير شورة دمير)

(شتري الزين وضم غوازيك)

(البيدار ما له خص يوم الهنقري راضي) .

(المستعجل ماكل شوبه ني .)

(الفار يوم ما ينطال اللحم يقول خايس)

(يوم ما عرفت ترقص قالت الميدان ضيق)

(العرق دساس ضارب الى الاساس)

(يا صابر زمان أصبر ثمان)

(شر ما يزول عنك . زول عنه)


( يكفي ولا ازيد هههههههه )

حد في همه وسيفوه يغلي الكمة

باغية تزعل وما متفيقةمن شغلان بيتها

البيت بيت أبونا والغزاية حاربونا

شاة بدو وطايحة في شعير

كل من الثوم لما تروم وكل من البصل لما يحصل

معنا خير وخضرة ما مستغربين من جراد المقبرة

شايفين مسكد وكيزانها ما مستغربين من دارسيت وكيتانها

صبر على المهية علين تلاقي لبنية

ثور بيدار ضرب وزجر

منقووول اتمنى انها تعجبكم
(
 

أدوات الموضوع البحث في الموضوع
البحث في الموضوع:

بحث متقدم
أنماط العرض

قواعد المشاركة
ليس بإمكانك إضافة مواضيع جديدة
ليس بإمكانك إضافة ردود
ليس بإمكانك رفع مرفقات
ليس بإمكانك تحرير مشاركاتك

رموز لغة HTML لا تعمل

الانتقال إلى

مواضيع مشابهه
الموضوع كاتب الموضوع القسم الردود آخر مشاركة
________ أمثال عمانية شعبية _________ سعادة المرشح ضيف الشهر 2 31/05/2009 08:23 PM
وجبات عمانية قديمه لاكنها محببه لدى الكثيرين حتى الان ........ عصى عتم السبلة العامة 86 07/07/2008 08:31 AM
أمثال عمانية قحية .. الليل المنير سبلة ترويح القلوب 431 29/03/2008 10:30 PM
أمثال عمانية reemom السبلة العامة 8 21/01/2008 10:13 AM
أمثال عمانية omani girl السبلة العامة 43 08/09/2007 08:20 AM



جميع الأوقات بتوقيت مسقط. الساعة الآن 05:09 PM.

سبلة عمان :: السنة ، اليوم
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها