ليه رحتي ؟!

[عمار السديري]

ليه رحتي ؟

ليه رحتي ؟؟!
طفت هـ ا الشارع سؤال
وهـ المدينة
و الإجابة جرح باهت
يشبه أحلامي بيديك .
أيه رحتي
ما طرى في بالك الدنيا حزينة
وكل هــ الأفراح تاهت
وفيه أحد خايف عليك ؟
ما جرحتي
بس قلبي في يدينك تحملينه
حتى روحك لو تباهت
أحلف بربي أبيك

مساء النزف يا حبي الوحيد ولــيلك المبلول
بأحلام الوصال اللي تجرّحها على بابك
*
على بابك تجي أول حدود السالفة و تطوووول
وأنا ذاك الحزين اللي يسافر رحله أهدابك

*

كبر ذنب العيون الناعسة في لحظها المسلول
رستبي هـ السنين العوج في قلبك ومحرابك
*
كذا من يومها عانق حبيبك رحلة المجهول
كذا من يومها يشعل جنوني برد أعصابك
*
مـ ظن اللوم ع الساقي أكيد أنه على المحصول
مـ دام أنه ذخر عمره عشان يموت فـ ترابك
*
أنا يا بعد هالعالم نطرتك من شهر أيلول
رجع أيلول .. ما بنتي ولا بانت لي اسبابك
*
تركتيني لأوهامي وجتني في الظلام تقول
جمل واشياء اجهلها .. نثرتيها على كتابك
*
اسولف للأنا عنك بأنك شي ما معقول
واخاف الرب يجزيني لأني كنت أغتابك
*
تعالي نهجر الماضي, نلملم حزنه المسدول
تلميني من احزاني أموتك شوق وأحيابك
*
أبيك فدنيتي لحظة تراضي قلبي المخذول
أريد آعيش في قربك .. وخلي الحزن لـ غيابك

عمّـار السديري