شاركوني حملة قراءة سورة البقرة...

[باطنية وكلي فخر]

السلام عليكم

ويسعد مساكم اخواني واخواتي في الله...

وجمعه مباركه للجميع...


اللهم اغفر لي ولوالدي ولجميع المسلمين والمسلمات والمؤمنين والمؤمنات الأحياء منهم والأموات....
بصراحه اشتركت في منتديات اسلاميه واعجبتني فكرة احد الأخوات

وهي مسويه حملة لقراءة سورة البقرة...

هنا راح نساعد ونشجع بعضنا البعض واي احد يحس انه متكاسل يدخل و يكتب لنا رد وان شاء الله بيلاقي الكل يشجعه على هالشي..
...

طبعا نعلم ان القرآن الكريم كله خير وبركه وأيضا لسورة البقرة خير كثير...
طبعا مع تشجيع بعضنا البعض والتنافس الشريف انه كل واحد يبي يكمل 40 يوم وانتم تقروها كل يوم بدون لا انقطاع ان شاء الله راح نقدر انه نخلي اكبر عدد من الأعضاء يواضبون عليها ..


اللي حاب يشارك معاي بهالمسابقه ان شاء الله بيلاقي التشجيع وكل اللي تحتاجوه عشان تكونوا عندكم قراءة سورة البقره عاده كل يوم ما تنقطعوا ان شاء الله ..

بقولكم ك م شغله تشجعكم اكثر على قراءة سورة البقره :

1- القرآن كله معجزه .. وسبحان الله فيه شفاء من كل داء .. فتخيلوا سورة البقره اللي الرسول عليه الصلاة والسلام وصى عليها و ذكر افضالها ..

2- بهالزمن زادوا الناس اللي مايخافون ربهم و انتشر السحر بشكل كبييييير فوق ما تتصورون خصوصا بالخليج و بين الحريم بالذات .. و زادت الاحقاد و الحسد .. و السحور والسوالف هذي كلها تيب النياسه للبيت و اعوذو بالله الجن و المس و الخرابيط هذي كلها .. ممكن ناس وايد عليهم عين او حسد بس مايدرون او حتى مسحورين بعيد الشر عنكم جميعا بس ما يدرون .. سورة البقره بتخليكم تحافظون على نفسكم و اي شي من حسد و عين و سحر و مس و جن الله راح يبطله و يبعده عنكم ان شاء الله .. و هالشي معروووووف.. يعني مو بس اللي فيها تتداوه بسورة البقره .. لأ حتى اللي يبي يحمي نفسه من اي شر يقرا سورة البقره ما يقدرون عليه لا السحره الله يدمرهم و يرد اسحارهم عليهم .. و لا الحساد واعوذو بالله من الناس اللي ماتذكر الله .. ولا تنسون انها السورة التي لا يقدر عليها البطله السحره ..

3- اذا الانسان فيه ضيقه و مو مرتاح في حياته و نفسيته تعبانه اقرب شي يلجأ الى الله .. بالدعاء و الصلاة و قيام الليل .. والقرآن .. فمابالكم انه الانسان كل يوم يداوي نفسه بقراءة سورة البقره اللي معروفه انها تهدي النفس و تطمن الانسان و تريح قلبه ..


4- الله سبحانه و تعالى يحب العبد اللي يتقربله بعبادات يجتهد فيها غير العبادات المفروضه .. فقراءة سورة البقره تعتبر عباده .. و اهيا سورة طويله و كل واحد فينا حاب انه يقراها عشان يتقرب الى الله اكثر + يبعد عنه كل شر و مكروه باذن الله + يصون نفسه من داء العصر الهم والحزن و السحر و الحسد و العين و المس و الجن و الامراض النفسيه اللي ما لها علاج الا بالقرآن الكريم و اخلاص النيه لله و الدعاء له ..


5- تقدرون تقرونها في اي وقت من بعد صلاة الفجر لي صلاة الفجر الثانيه .. لانه يومنا ينتهي ونبدي في يوم يديد بعد صلاة الفجر.. يعني فرضا صليتوا الفجر و نمتوا.. صار الصبح رحتوا الدوام رديتوا تغديتوا صليتوا و بعدها اي وقت تقدرون تقرونها من اول ما تقومون ليييييين يأذن الفجر مره ثانيه ..


هذا الملف فيه جدول تقدرون تعدلون الايام حسب اليوم اللي راح تبدون فيه .. و انا نقلته لكم فيه 4 جداول كل جدول مقسم 40 يوم حسب الاسبوع ..


http://www.box.net/shared/vaz9986tc8

اول جدولين فيهم ايام الاسابيع

ثاني جدولين فاضين ..

رتبو الايام حسب اللي تبون تبدون ..

و الله يوفقكم دام انه عزمتوا على هالشي اللي اكيد قدره كبير و عظيم عند رب العالمين ..

يالله منو بيشارك معنا؟؟....





أختكم
باطنية

[aljanahe]

شكرا على هذي البادره الطيبه وفي ميزان حسناتك إن شاء الله

[بنت الجنوب]

بادرة طيبة بس يعني كيف نقراها ممكن توضيحين ولو بالسبلة الدينية يكون أفضل صح

[زهرةالصحراء]

مشكورة على هذي البادره.
وبارك الله فيك..



الــــشــــــاااااامـــــ ــــــخـــــــه

[همس القصيدة]

جزاك الله خيرا اختي

جعله ف ميزان حسناتك

والفكره وايد حلوه

[يحيى الراشدي]

http://www.s-oman.net/avb/showthread.php?t=326907