|
||
|
|
أدوات الموضوع | البحث في الموضوع | أنماط العرض |
#1
|
||||
|
||||
|--*¨¨*--|.. الأتشار العجيب.. |--*¨¨*--| إعداد وتنفيذ |--*¨¨*--|~ ريناد وغــلاي هههههه ~ |--*¨¨*--|
من كم يوم وتحديدا قبل لا أسافر للعمرة بيومين مدري ثلاث إنعزمت عند " رنوووده " ورغم حنتي عليها وإصراري لها بإنها ما تكلف على نفسها بشيء لزوم الدايت إلا إنها هي وماماتها ~ الله يطول بعمرها ~ قولن آميين إتفقوا علي وما قصروا فالوليمه وسوووا لي غدااا خلاني انسى الدايت وألم الأسنان والتقويم ،،، شوفون الصور قبل : كان عبارة عن : برياني لحم ومعاه أصايع السمك اللذيذه وشوية سلطة والصورة الأخيرة كانت صحني عاد أنا خليت الغدا ف كوم وركزت على هالشيء ف كوم : لأن ف حياتي أكلت انواعوأشكال من الأتشارات ومثل هذا ما لقيت إلا وأقولهم يااا خالتي ويا رنووود دخيلكم أبي الطريقة ،، وبعد ما عذبتني رنووود لين ما جابت الطريق لي قلت أفيدكم بها وصدقوني بتصيروا مثل صاحبنا " المقاديروالطريقة نقلا من الإيميل وبخط رنووود " المقادير : - ثوم مطحون فالخلاط >>> تقريبا كوب واحد فل - بصل مطحون >>> تقريبا كوب واحد فل - 5 طماط مطحون فالخلاط - فلفل احمر قرون مطحون>> والكمية ع حسب الرغبة - خل >>> بمقدار غرشة ماي مال 100 بيسة - 2 أو 3 باذنجان مشوي >> أول تشوي البادنجان >>> وبعدين تطحنية فالخلاط مع شوية ماي عشان يصير سائل >> بس ما تكبي له واااجد ماي >> يعني ع حسب - ملح - ليمون >> كوب كامل فل نجي حال الطريقة الغاوية عاد فتحي عيونج وعقلج زين >>> عشان لا تدمري الموضوع كوب كامل زيت زيتون تكبيه ف صفرية >> وتخلية ع النار بعدين لما يبدا يسخن الزيت زيتون كبي الثوم المطحون >>> وحركيه حتى يصير لونه قريب اللون الذهبي وبعدين كبي البصل >> وخليهم يتحمروا ( الثوم + البصل ) >> حتى يصير لون البصل ذهبي وبعدين كبي الطماط >> بيصيروا ( الثوم + البصل + الطماط ) >> المهم طبخيهم زين وحركيهم زين >> حوالي 10 دقايق وبعدين كبي >> الفلفل + الملح >>> وحركيهم كلهم مع بعض وبعدين جيبي سنوت مطحون وكبيه معاهم >>> بس ما واااجد يعني ع حسب كيف تريد >> ك طعم بس وبعدين جيبي الباذنجان + الليمون >> وتكبيهم فالصفرية مع الباقي >>> وعاد تحركيهم زيييييييييييين زييييييييين >> حتى يبدا يفوح بو فالصفرية كله عاد فالنهاية بعد ما يفوح >>> تكبي الخل >>> ونوبه تحركيهم >> وتخليه يطبخ زين اذا شفتي صار الاتشار غليظ بعد ما كبيتي الخل >>>> زيديه خل >>>> عشان يصير اخف واذا شفتي الاتشار زين يعني ما غليظ ولا ماي >>> بس سكري النار عليه وعاد فالنهاية كبي ف غرش وبكذا خلصت الوصفة >>>>>>>> عاد الله يستر من التنفيذ يالله يدي انكسرت وانا اكتب ويلااا ألحين الكل يروح للمطبخ ويسوي هالاتشار العجيب
__________________
أحسك في متاهاتي ~ دفــــــا ~ ألطف من {{ النسناس }} ْْ
|
|
|
مواضيع مشابهه | ||||
الموضوع | كاتب الموضوع | القسم | الردود | آخر مشاركة |
هههههه ادخلوا ههههه بسرعة ههههه شوفوا ههههه النكت هههههه | رصيدي أخلاقي | سبلة ترويح القلوب | 12 | 05/07/2010 10:06 PM |
جديد توزيعات ام ريناد مع الكتيبات والاكسسوارات بانسب الاسعار | ام ريناد83 | أرشيف سوق المعروضات والطلبات الأخرى | 60 | 28/04/2010 11:05 PM |
شي العجيب والجديد مع السعر العجيب لأصحاب التميز | Great King | أرشيف سوق المعروضات والطلبات الأخرى | 6 | 19/07/2009 10:56 AM |
بيع الآتشار | حكاية ماضي | أرشيف سوق المعروضات والطلبات الأخرى | 33 | 22/06/2009 10:59 AM |