هنّوا الوزير ل حمود المهزاع

[حمود المهزاع]

بالتأكيد تواجدي في هذا الصرح الرائع تشريف لي شكرا لكل القلوب الوطنية


هنوا الوزير


هنّوا الوزير وبشِّروا الضباط

أنِّي انْهزمتُ وْ فازَتِ السُّلطه

مُحْبَطْ وِأَبْحَثْ عن وطن وِبْساط

تِعِبْتِ م ِ الْخَبْطَهْ ورَا الْخَبْطَهْ

ثارِي الْوفا مِنْ أَكْبَرِ الْأَغْلاط !!!

وْ ثارِي الْوَلَا وْ حُبِّ الْوطن وَرْطه !!!

واذا الْحكومَهْ سمَّتِ الْوطواط

صَقِرْ !! ترى عادي ولو بطَّه !!!

قالوا الْحمارِ اللي يريدِ رْباط

من وين يبغي صاحِبَهْ رِبْطَه


راعِي الْخَمَرْ قَبْلَ الشِّرِبْ مِحْتاط

بَسْ طاح في جرِّبْ و لو شفطه

واللي جَرَى لْيوسفْ مِنِ الْأَسْباط

فرَّقْ مَ بينِ الْحِقْــدِ وِالْغِبْطــه

يعنِي الْحكومَهْ تِشْبَهِ الْخيّاط

لو ما تقيسَ ايْ قصَّــه ِ بْغلطه

مثال في بُومْبَايْ وفي دُمْياط

خمسين بيه ُ وْ كلُّهُمْ أُسْطه !!!!

قواعدِ التَّرْفيع وَ الْإِسْقاط

وإلّآ تَكُنْ ضِدَّ اوْ مَعَ الشرطه!!!

يَعْنِي انْجِلِدْ لكن بلاشِ عْياط !!

وِاصْبِرْ عَلَى التَّصْفيع والزَّنْطه !!


الْقَهْرِ إِنْ صابِ الْمُوَظَّفْ شاط

ساعَهْ ... وِ قالوا مات بالجلطه

أَسْتَغْفَرَ الَّلهْ .. مِسْتِوِي الْإِحْباط

خُطَّهْ خُماسِيَّهْ ورا خٌطَّه !!!!

وِانْ شِفْتُوا متْغَرِّبْ يبيعِ شْناط

هاذاك انا هو تاجر الشنطه

حمود المهزاع النعيمي