|
||
|
|
أدوات الموضوع | البحث في الموضوع | أنماط العرض |
#1
|
||||
|
||||
++_.. عاصمه الضباب ... لنــــــــــــدن صور ومعلومات تحتاجها عند السفر .._++ (من تجربتي)
السلام عليكم
هذا الموضوع يشرح تقريبا كل ما تحتاجه وتحتاج تعرفه عن لندن بعض الفنادق ,الاماكن السياحيه , الشوارع المهمه , المراكز التجاريه والاسواق المتاحف وشرح لطريق استخدام الاندرجراوند هذا الشرح من تجربه شخصيه هذه ارحله كلفت تقريبا 2000 ريال تشمل الاكل والتسوق والتنقل ودخول الاماكن السياحيه ... غير شامله لتذاكر السفر والسكن في فندق الكامبرلاند 4 ستار لشخصين ولمده 10 ايام اولا نبذه عن عاصمه الضباب لندن او عاصمه الضباب هي عاصمه المملكه المتحده تعتبر مدينه سياسيه ثقافيه سياحيه و اقتصاديه كبيره جدا ومن اكبر المدن الاوربيه يسكنها حوالي 13 مليون نسمه المناطق السياحيه برج الساعه الشهير (بيج بين) ومبى البرلمان البريطاني ... ولندن آي وهي من اشهر العيون الدواره في العالم سعر التذكره تقريبا 26 باوند مع رحله كروز في نهر التايمز اقرب محطه اندرجراوند او قطار الانفاق محطة ويستمنستر Westminster Station او محطة واترلوو Waterloo Station راح احط مخطط الاندر جراوند كامل في اخر الموضوع جسر البرج (برج لندن) يقع على نهر التايمز ولا يبعد كثيرا عن بيج بين ولندن آي ميدان بيكاديللي Piccadilly Circus: هذا من الاماكن السياحيه المشهوره في لندن بس بالليل يكون غير مناسب للعوائل Underground: Piccadily Circus, Leicester Square قصر باكنجهام المحطة : فكتوريا Underground Victoria هذي صوره لحرس القصر متحف مدام توسود (متحف الشمع) Underground: Baker Street اماكن سياحيه اخرى -حديقه الهايد بارك : حديقه مشهوره .جميله جدا وفيها بحيرع صغيره وبدل ماتشوف سنانير مثل الحدائق عندنا راح تشوف سناجب وبط و وز السناجب حلوووه ماتخاف تقترب من الناس مكان رائع للعوائل Underground Marble Arche -متحف التاريخ الطبيعي Natural History Museum Underground: South Kensington -متحف فكتوريا اند البرت The Victoria & Albert Museum Underground: South Kensington -المتحف البريطاني The British Museum Underground: Helborn, Tottenham Court Rd, Russell Sq -حديقة الريجنت Regent's Park Underground Regent Park اهم شوارع لندن : -الاكسفورد ستريت : شارع تجاري بحت فيه محلات راقيه جدا وفيه مركز تجاري ضخم وراقي جدا جدااااااا الي هو السلفريتجز -الاجوارود (شارع العرب) : متروووس عرب ومطاعم ومحلات صيدليات وكل شي عربي تحس كانك في دوله عربيه -شارع متفرع من Oxford Street اسمه South Moulten -Regent Street -Bond Street -Soho and Chinatown والي حاب يتمشى في شوارع لندن عليه بهذا الرابط http://www.streetsensation.co.uk/ المراكز واماكن التسوق -اكسفورد ستريت ممتاز جدا للشوبنج محلات راقيه كثير ومتعدده والاهم السيلفريدجز: وهذ السلفريدجز selfridges: - Harrods الهارودز ارقى واغلى مكان للتسوق فيه اهم وارقى الماركات العالميه الي بيروح لازم يذوق الايسكرم الخاص بالهارودز ليذييييييذذ وفيه مطعم رهيييب نسيت اسمه يقدك اكلات غريبه عجيبه لذيذه: - البريمارك الاسعار فيه رخيصه وزهيده مقارنه بالاماكن الاخر وموقعه على شارع الاكسفورد ممكت تشتري منه هدايا وانت راجع البلد وفي اماكن ثانيه بعيد من لندن اذكر منها الاوت ليت الي فيه اسعار خياليه بس بضاعه قديمه شوي ممكن تحصل فيه ماركات شهيره خاصه الشنط النسائيه والاحذيه والعطور وملابس الاطفال جو لـــــــــــــــــندن الجو جميل جدا معظم فصول السنه بس في الشتاء برد قارس درجه الحراره تطوت تحت الصفر معظم الوقت الصيف جو جميل وبراد مامثل عندنا بس امسك عاد العرب تارسين المكان كانك في دبي الاجواررود مركزهم وماتقدر تتمشى مع العائله الى ومبحلقين فيك كانك مخلوق غريب بس ماعليك جو رهييب وحماس غيير انا افضل شهر 3 و 4 برد درجه الحراره تقريبا 11 جو جميل ومنعش ماتحس بالتعب من المشي العرب قليليين الاسعار تكون اقل قليلا وهذا متوسط درجات الحراره على مدار اشهر السنه Month Rainfall Daytime Nighttime January 3.1 inches 45 F 1 C February 2 inches 46 F 1 C March 2.4 inches 49 F 2 C April 2.1 inches 54 F 3 C May 2.2 inches 61 F 6 C June 2.2 inches 66 F 10 C July 1.8 inches 71 F 11 C August 2.2 inches 71 F 11 C September 2.7 inches 65 F 8 C October 3 inches 58 F 6 C November 3.1 inches 50 F 3 C December 3.1 inches 47 F 2 C الفنادق اولا الفندق الي كنت ساكن فيه الكمبرلاند The Cumberland - A Guoman Hotel الفندق 4 ستار في غرف مطله على الهايد بارك وموقعه مره في اول الاكسفورد ستريت قريب جدا من الاجوارود دقيقتين مشي تذكر كل ما بعدت من الاجوارود راح تكون اسعار الفنادق والسكن اقل وهذي الغرف - ثستل ماربل ارتش Thistle Marble Arch بالقرب من الكمبرلاند وعلى الاكسفورد ستريت 4 ستار بس ابصراحه الاثاث قديييييم - Hilton London Metropole الفندق 4 ستار قريب من الاجوارود الفنادق كثير بس حبيت اذكر المفضله عندي ملاحظه في شقق نظيفه وجميله جدا على 500 باوند في الاسبوع وفي الاغلى ملاحظه اخرى ترى الغرف في الفنادق والشقق الفندقيه صغيره المساحه مامثل الي عندنا بس تراك رايح تتمشى ماتنام بس الاندرجراوند قطار الانفاق وسيله تنقل سهل جدا بس اذا تعرفلها اذا ماتعرف راح تتلخبط في البدايه شوي بس اول ماتتعود عليها راح تعجبك ..الاسعار رخيصه جدا مقارنة بالتاكسي وبامكان انك تركب باصات المواصلات بنفس البطاقه السعر لمده اسبوع 14 باوند تقريبا لزون 1 و 2 وهما الي فيهم تقريبا كل الاماكن السياحيه معى امكانه شرا بطاقه يوميه او شهريه او حتى لمده سنه انا انصح العوائل انهم يستخدمو الاندرجراوند بالنهار والليل بس ما في اوقات متاخره عشان بصراحه في اخر الليل احسه يخوف شوي الباصات اامن المهم في المحطه راح تتنقل من مكان الى مكان مشيا و راح تستخدم السلم الكهربائي او العادي (الدرج) اذا استخدم الكهربائي الي هو طبعا اريح راح تلاحظ انك لاوم تلزم اليمين اذا ماكنت مستعجل واليسار يكون للناس المستعجلين تشوفهم يركضوا ركض عشان يلحقوا القطار ... ذوق بتشوف ناس تعزف وتغني وتسوي حركات غريبه في ممرات المحطه عشان تكسب كم باوند من الي رايح والي جاي .. شي جميل ناس تكسب عيشها باي طريقه محترمه غيــــــــــــــــــر الشحاته .. احلى شي تشوف لما الناس تركض عشان تلحق القطار تشوفهم متفلتييييييييين وعاد لما توصل انت تشوفهم متكدروين وحالتهم حاله اذا طافهم القطار وتحرك ... المواعيد في الاندرجراوند دقيقه جدا والمحطات كثيره وقريبه من كل الاماكن السياحيه احنا كنا نمشي ونمشي لبييييييييييييييييين نتعب واخر شي ننزل اي اندرجراوند ويوصلنا مره عند الفندق من محطه الى محطه ماتاخذ اكثر من دقيقتين بالكثييييير والله يمكن حتى دقيقتين واجد بس تذكر انك مرات لازم تغير القطار في محطه من المحطات عشان توصل المكان الي تريده هذا شعار الاندرجراوند راح تشوفه في كل مكان في لندن وهذا القطار لازم تتنظر الناس تطلع بعدين يجي دورك وتدخل وهذا من الداخل وهذي الخارطه شلها معاك كل مكان وهذا تكسيهم .. تاكسي لندن ولحجز تاكسي من المطار الى الفندق عن طريق النت بامكانك استخدام هذا الموقع http://www.taxi-heathrow.com/quote.html معلومه اخيره : لندن غاليه اذا تريدها تكون غاليه متوسطه الاسعار اذا تريدها متوسطه رخيصه وتكلفتها قليله ... لا تحلم هذي لنـــــــــــدن اي معلومات اضافيه انا حاضر ومايردك الا لسانك الصور ليست خاصه بل قمت بتجميعها من عده مواقع تحياتي
__________________
******* AC Milan The More You Hate Us .. The More You Fear Us The best things in life happen when you least expect theM, so quit planning so much! Life is what passes you by when you are too bust making plans.
آخر تحرير بواسطة 7amed : 04/01/2010 الساعة 11:28 AM |
أدوات الموضوع | البحث في الموضوع |
أنماط العرض | |
|
|
مواضيع مشابهه | ||||
الموضوع | كاتب الموضوع | القسم | الردود | آخر مشاركة |
صور رحلتي إلى عاصمه الصين (بكين) | 50%عسل50%سكر | قسم السياحة الخارجية | 88 | 03/02/2010 09:44 AM |
أدعيه تحتاجها يوميا ... | افاق الغد | السبلة الدينية | 3 | 27/10/2009 12:13 PM |
فسوف تحتاجها في يوماً لا ينفع فية لا مال ولا بنون | وطن الامان | السبلة الدينية | 6 | 11/04/2009 01:32 AM |
عاصمه بدون ماء . | كاريكاتير سبلة عمان | سبلة السياسة والاقتصاد | 81 | 30/10/2008 11:45 PM |
lمئات من البرامج التي تحتاجها بـ 3.5 ريال فقط | صقر البادية | إلكترونيات وألعاب | 3 | 05/10/2008 09:19 PM |