كيف اتعـــــــــــامل معـــــــــها ؟؟!!

[طموح بلا حدود]

السلام عليكم ورحمة الله وبركاته ..


زميلتي دائما ما تخلق المشاكل وبدون سبب يذكر..

والسبب الرئيسي لخلق المشاكل هو اني سويت لها مقلب ..

وكان المقلب عن طريق الهاتف .. وللعلم كان محصور ب رسايل فقط لا غير ..

كانت ما تعرف الرقم أو بالأحرى جديد قلت اسويلها مقلب بسيط ..

اشوف ردة فعلها ..

وبالفعل رسلت رسايل وكانت ترد علي وكأنها الحرمة عارفه اللي يراسلها ((ولد ))

يعني ما اعرف ليش اي رقم غريب قالن عنه ولد..( عبالهن من جمالهن )!!

انزين وبعدين وزعت الرقم الحرمه..

وشوي واشوف ارقام غريبة .. قلت بطنشها اعرف يمكن خبرت حد من اخوانها ..

لأنها هددتني تعطي اخوانها .. وقلتلها عادي حبيبتي انا واثقة من نفسي مستحيل حد يضرني ..

غلقت التلفون فترة .. ورجعت فتحته بعد ساعات ..

رسلتلي وطبعا عرفت اني بنت لأنها كانت تتصل ولا ارد عليها ..

رسلتلي .. إذ ما قلتي من انتي بزاعلك ولا بسامحك طول حياتي ...

المهم رحمتها قلت طولت عليها .. رسلتلها مباشرة انا فلانة وآسفة بس بغيت امزح معك ..

توقعت ردها يكون محترم بس ردت ..

أنا مارح اسامحك لأنك سببتيلي مشاكل .. وانا هالحركات البايخة ما تمشي معي ..

ولا ترسلي ع تلفوني .. ولا تكلميني ..

رديت لها برسالة طويلة وعريضة .. قلت إذ ما فيها حتى احساس قسم بالله بتبكي منها ..

وبالفعل الرسالة وصلت مثل ما بغيت واكثر ...



الأخت طلعت عاطيه رقمي واسمي خطيبها ..

لأنه حضرت الأخ شاك فيها انها تكلم غيره ..

أنا استغربت تقولها بكل جرأة عطيته اسمك ومن وين ورقم التلفون ..



قلتلها لالا زين انتي هالمقلب خلاج تسوي كذيه ..

بصراحة استغربت من تفكيرهم ..


قالتلي انه مزاعلنها ولا ييكلمها ..


وكأنها تلمح انها تريدني اكلمه .. ويمكن عشان يتأكد اني بنت مو ولد!!



قلتلها يعني تبيني اكلمه ...


قالت .. هيه ..

وانا مستغربة قلتلها ما مشكلة .. عشان اصلح بينكم لا أكثر ..

المهم عطتني ارقامه كلهن ..


اتصلت واستغربت انه انسان فاضي ...

كان يريد يسولف بس ويقول كلام حتى ما يعرف ايش معناها..



المهم عدت ع خير ..

وقلت افضل شيء اسويه اغير رقمي ما فيني اصدع راسي معهم ..

وهي بعد تحط ف بالها شيء ثاني ..

غيرته وقلت برتاح .. وللعلم خبرتها اني غيرت رقمي ..



لكن كل ما اشوفها نظراتها غريبة ..


وهالموقف صار قريب كنت جالسه التقط صور وهي تشوفني ..

ومتعمدة تجي قدامي .. وطبعا ظهرت صورتها .. وأول ما شفتها ..

قلتلها انتي ما تشوفي ؟؟!! ومسحت الصورة مباشرة ..

وقالتلي جيبي تلفونك .. قلتلها ما بعطيك تراه ما صورتك ووحدك جيتي قدامي ..

قالت لا تكلميني ... قلتلها انزين والله عيل برتاح ..

وما يمر يوم إلا واشوفها ف الغرفة ..

طبعا كان تلفوني بعيد عني وحصلت 13 مكالمة منها ..

قلتلها خير قايله ما بتكلميني ..


انا كنت اتعمد اخلي التلفون عندها واروح عشان تفتش ع راحتها لأنه مافيه رمز حماية..

وعشان تاخذ راحتها وتتأكد ولا يأكلها الشك ...

والمواقف كثيرة .... بس اكتفي بهذا القدر ..


تعبت منها ما أعرف كيف اتعامل معها ؟؟!!! اللي عنده حل او اي شيء يقدر يساعدني فيه ..

يعني ايش اسوي اكثر من كذيه ..!!

عذرااا للإطالة ..