[rozana]

اشكركـ اختى وربي يحفظكـ في بلاد الغربة

واهنئكـ بعيد الاضحى المباركـ وكل عام وانتم بخيـــر
بنرسلك عرسية وشواء

يالله يالله ،،
لا تقهرني زيادة لا شواء ولا عرسية ولا حتى مشاكيك !!
وانت بصحة وسلامة اخوي
يعيده ربنا علينا وعليكم و ع الجميع وباليمن والبركات

يالي بالاحمر نفس الي قاعد افكر فيه الحين بالضبط بس ترا هنا العمانيين راح يفكروه بيجر

انا ما كملت قصتي وكيف انا عايشة بالمضخة
والحين مكملة 4 سنوات ونص بالمضخة
وكبنت في عمان البس عباية بما يبين
وفي البيت عادي عند اهلي وعند صديقاتي نفس الشي
بس لأني متغربة للدراسة حاليا
فالحمدلله اللباس المستر المحتشم يغطي وما يبين
والشباب عندهم الداشديش والبنطلونات بعد ما يبين فيهم
ولو حد شاف وسال وخصوصا بالمطارات عن يخافوا انه حزام ناسف ،، فاقولهم انه مضخة انسولين
وفي قسم لا بأس به صار يعرف عنه !
وهالشي الحمدلله مريحني بالشرح
فاذا بتسالني كيف عايشة بهالجهاز؟!؟
فبقولك بكل سهولة حياتي عايشة فيه وكأني مو لابسة شي
يعني مو حاسة فيه وعايشة حياتي جدا طبيعي
تقعد ،، تتكسف،، توطي ،، تتضارب ،، جدا عادي ما يضيع عليك شي ولا يسببلك وجع او اي شي ،،
لان بالبداية تدخل ابرة بس بعدين تشيلها ويبقى انبوب بلاستيكي صغير يعني نفس السقاية
وحجمها جدا صغير ،، اصغر من كثير ابر يستخدمها بالمستشفيات لاخذ عينات دم لمختلف التحاليل ،،!
بالبداية راح ييلك شعور غريب لنك مو متعود،،بس بعد كذا ،، جدا عادي والله !!
ولو انت حطيت ببالك انك ما بتتقبله،،فلو والله سويت المستحيل ما بتتقبله،
بس لان ماعندي اي حل آخر قدامي
يا اخسر حياتي او اني البسه
ولبسته وجدا عادي وهذي انا متغربة للدراسة في المملكة التحدة وعايشة حياتي

انا السؤال الي حاطه في بالي كيف من الممكن تاخذي ابراة انسولين معكـ ؟؟؟ لاني سمعت انه لازم تحفظي الانسولين في مكان بارد مثلا في الثلاجة او كولد بوكس .. لا يكون تاخذي معك كولدبكوس صغير بس انا اتوقع انه عندكم في اوروبا الجو بارد فاكيييد الانسولين ما بيخرب

يعني لو انعزمت على عرس ،، باخذ وياي كول بوكس؟؟
هههههههههههههههههههههههه
لا ياخوي ،،
شوف ،،
الانسولين الطبيعي بجسم الانسان عبارة عن هرمون ،،
والانسولين الي زي حالاتنا المساكين ،، الانسولين هذا عبارة عن بروتينات
هالبروتينات في الجو الحار مثل جو السلطنة ،،مستحيل تقدر تحطهن حتى بالغرفة
لانها لو تعرضت للجو الحار لفترة قصيرة بس
فان هالبروتينا تتكسر
ولو تكسرت فما تستفيد منها
ولو مو بس ضربت هالابر ،، ألا انك لو شربت هالانسولين شرب،، ماراح يفيدك ولا ينزل من السكر ولو رقم واحد !!
فهمت عليّ الحين؟؟
فالقلم لو خذته انا معي لحفلة او عزومة وما حبيت البس الجهاز وحطيته بشنطتي لمدة مو كبيرة والجو بيكون كويس بما اني بكون في مكان مغلق مثل بيت اوو قاعة ،،
فاقدر استاذن بأي لحظة لو حسيت اني بحتاج جرعة عشان اكل شي معين عجبني بالبوفيه

وعالرغم من الجو هني برد ودرجة الحرارة بالمكان الي انا فيه يتراوح بين الصفر وال6 درجات حاليا،،
بس بعدني احط الانسولين في الثلاجة!!

بس عندي استفسار:
1) هل يوجد انسولين لا يتاثر بالجو الحار يعني مافي داعي نحفظه في الثلاجه ؟؟[/

لا ياخوي
مافي ،،
لأني مثل ما ذكرتلك سابقة
ان الانسولين عبارة عن بروتينات وتتكسر مع الحرار بمعني مايكون لها اي فايدة تذكر بعد تعرضها للحراره ،،

فلما كنت اراجع بمستشفى الجامعة لما اكون في عمان ،،
مايخلوني اشيل الانسولين من الصيدلية الا وانا معي الكول بوكس مالي وفيه ثلج
واذا يصادف واكون نسيته او اني جاية من مكان غير عن البيت ،،
فاضطر امر الكافتيريا قبل،، اعبي كيسه بالثلج وارجعلهم
وعاد حفظوني الي بالصيدلية
وعلى فكرة،،
مو بس للحرارة،،
حتى لو بالغلط حطيته بالفريزر وتجمد،، ما يعود فعال