[كاظم الساهر]

أرسل أصلا بواسطة نجمة الامل

حدها عجيبه القصه
أقروووووهآآ وربي عجيييبه

لأجل تعلمنا التعامل مع بناتنا

((الساكنات في قلوب الغرباء))

في منتصف الليل في ليلة البارحه , وفي كورنيش مدينة الخبر تحديداً ، كنت أقضي وقتي مع صديقي (( الحضري )) سلطان

كنا مستمتعين بالنقاش في الجانب الرياضي , قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط :



سلطان
(( هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي يالله نشوفك على خير والله الله بالمذاكرة ))



أنا :?
أفاااااااا يا سلطان , مسوي محترم وولد ناس واخر شي تغازل ؟ ?
سلطان?
: أنا اللي مفروض أقولك افاااااا , لأنك تشك فيني وأنت تعرفني زين ياصديقي ? .
أنا ?
: أيه أعرفك زين والقهر أني ما أدري أنك راعي غزل ومكالمات اخر الليل , ماعلينا المهم قلي وين بيتها عشان نودي العشاء لها ? ..
سلطان
:أنت تقصد بيت البنت ؟؟
البنت يا طويل العمر بنفس البيت اللي ساكن فيه أنا , وتحديداُ بالغرفه اللي بجني غرفتي , لأن هذي المتصله أختي ? (( وعلامة الثقه تملئ محياه)) .





أنا ?.
: من جدك تكلم أختك كذا ؟؟ تستهبل ؟؟ والله أنك منتم صاحيين يالحضر , أجل فيه أحد يكلم أخته كذا ويعرف كل شي عنها ? ؟؟

سلطان ?
: نعم فيه ناس تكلم أهلها كذا , تدري ليه ؟؟


أنا : ليه ؟؟


سلطان :طيب , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا ? ؟؟
إنا : ايه فهمت




سؤال/ لو كل أخ يعامل اخته مثل سلطان ، أو كل اب أو أم يعاملون بناتهم مثل سلطان .. هل سيسكنون في قلوب الغرباء

انتظر تفاعلكـــــــــم ..

الحنان والحب المتزن الغير المبالغ فيه جميل ومهم بين الاخ واخته وبين الاهل
جوابي على سوالك الاخير نعم لان الحب والحنان غير كافي وليس شرط بس اهم نقطه قوه الايمان في قلب البنت وخوفها من الله
ياما بنات كثااااااااااااار حصلن على الحنان ةالحب من الاخ والاب بس سلكن طريق الشيطان فالحب مهم وجميل بس ماشرط اساسي
هذا رايي وتشكرين على موضوعك الجميل