اقتباس:
أرسل أصلا بواسطة علقم
بأختصار وبدون مقدمات الموضوع كالآتي :
أنا من قاطني مسقط صار لي شغل فالمصنعة يوم 18 /8/2009 ركبت سيارتي وانطلقت بحفظ الله ورعايته وشاءت الأقدار أن أحتاج مبلغ فذهبت لأقرب ماكينة صرف آلي من موقعي وكانت فالملدة بولاية المصنعة فأدخلت بطاقة الصرف الآلي وضربت ع الزر مبلغ 600 ريال وفجأة ماأدري وش اللي حصل الماكينة توقفت فطلعت البطاقة والمبلغ يا حسرة ماطلع ، انتظرت عدة دقايق ماشي فايدة ، المهم ركبت سيارتي ورحت أكمل المشوار بس بعد دقايق جاءتني رسالة مفادها بان المبلغ تم خصمه من حسابي .المهم ذهبت للبنك أخبرتهم بالسالفة قالولي لازم اروح مركز الشرطة بالولاية اللي صارت فيها المشكلة وأقدم بلاغ ، المهم رحت المركز وبعد سين وجيم واخذ الاقوال قالوا احنا بنخاطب البنك علشان يشوفوا يفتحوا شريط كاميرا المراقبة ويراقبوا من اللي سحب المبلغ بعدك ( هذا في حالة اذا كان المبلغ انسحب من حساب البنك ) وسوف يتم استدعائي للمشاهدة مع مدير فرع البنك ، المهم بعد انتظار اسبوعين ذهبت لمركز الشرطة قالولي للاسف ما جاءنا أي رد من البنك ..المهم ذهبت للبنك وتقابلت مع المدير فقالي للاسف الكاميرا طلعت خربانة بس إحنا حصلنا مبلغ زيادة واحتمال يكون هذا المبلغ حالك بس انته عطينا فرصة كم يوم وهذا رقمي اتصل بي..أنا صدقته وروحت ..المهم جلست اتصل بة بين فتره وفترة مرة يرد علي وعشرات المرات ما يرد ولما يرد مرة يقول اصبر شوي ومرة عطني يومين ومرة .....الخ ، المدير تم على هالحال قرابة شهر..بعد مامليت من ردوده ذهبت لمركز الشرطة فقالو لي أنهم ينتظروا رد من البنك ومايقدروا يحولوا الموضوع للأدعاء إلا بعد أن يأتيهم رد كتابي من البنك..المهم رجعت للمدير مره اتصل به ومره أروح له للمكتب ، فالنهاية قالي أنه حول الموضوع لمسقط وانته تابعة هناك وأعطاني ارقام بعض الاشخاص اتواصل معهم وهذا الكلام من شهر ونصف ، عاد انا فرحت قلت في مسقط الموضوع بيكون قريب مني ما يحتاج اضرب خط للمصنعة علشان استفسر عن الموضوع وارجع ...فنهاية القصه تخيلوا معي من شهر ونصف وانا اتصل واروح لمكاتبهم مرة يقولوا لي عطني يومين وموضوعك بيخلص ومره المبلغ حصلناة بس يحتاج توقيع المدير ومرة ......ومرة.....!!!الخ ..المهم أنا لجأت للسبلة بعد ما تعبت مع البنك ومو بس مليت من كذبهم غير أني صرت يائس أنه المبلغ بيرجع لي...أتمنى منكم ياأخواني تنصحوني وش اسوي اروح المحكمه وهي بعد بتاخذ لها كم شهر أو وش أعمل وانتوا عارفين الحالة والعيد والمصاريف والواحد محتاج لكل ريال فما بالكم ب 600 ريال...أنتظر مشاركتم عسى أحد من البنك يقرا موضوعي وينظر له بعين الاعتبار .!!! ( الموضوع صار له 3 شهور وكمين يوم )
|
صدقني انت انسان طيب زيادة.... لو انت تعرف تتصرف زين كنت ما أنتضرت طول هالفترة
الله يهديك بس .... يعني انت ما قادر تتقابل مع مسؤلين البنك وتهزبهم
__________________
سبحان الله والحمد لله
|