عرض المشاركة وحيدة
  #10  
قديم 22/02/2008, 02:31 PM
شايب شايب غير متصل حالياً
عضو نشيط
 
تاريخ الانضمام: 08/09/2007
الإقامة: هنا
الجنس: ذكر
المشاركات: 139
Angry

اقتباس:
أرسل أصلا بواسطة بو عمران مشاهدة المشاركات




السلام عليكم


هذه قصيدة ابن الذيب الي تكلم عن العمانين

( الله يهديه بس )


http://file7.9q9q.net/Download/25991...000-t-.rm.html

تحياتي لكم
أخي العزيز ترى هالموضوع واجد طال .. إسمح لي على الكلام اللي بكتبه ووسع صدرك ..

بصراحه صرنا نشك في الناس اللي تعيد طرحه في كل المنتديات

إذا كنت تحب بن طناف لأنه راد على بن الذيب فهذا كلام ثاني

سلطنتنا الحبيبه و سلطاننا الفدى و شعب عمان ككل محبوبين في كل الخليج الحمدلله ..
نحسّ هذا وين ما نروح
بس في بعض الناس عندهم عقدة أو مركّب نقص .. عشان كذا يحسّوا إنهم محاربين و كل العالم تكرههم الله لا يجعلنا من هالفئه أبدا ..

العماني رافع راسه لأنه عماني و لأن سلطانه قابوس

بدخل لك في الموضوع :
الشاعر محمد بن الذيب يحب عمان .. و تجمعه علاقة أخوه بكثير من شعراء عمان وكثير من أهل عمان و عنده مواقف جميله معاهم .. إرجع لقصيدته اللي قالها في مهرجان خريف صلاله السنه قبل الماضيه لما قال في قصيدته الموجهه لعمان //
يا من يبلّغ جلالة المجد قابوس ** أحبّ هذا الرجل للّه فللّه
إلى آخر القصيدة بإمكانك البحث عنها في أدراج تلفزيون عمان أو في قناة نجوم .. رغم إني شخصيا شفتها أكثر من 10 مرّات على شاشة نجوم أثناء إحتفالات سلطنتنا بعيدها الوطني المجيد وكان كل اغلب الرسائل اللي تبث على القناة تطلب هالقصيده من جودتها و جمالها .

أنا هنا ما أدافع عن إبن الذيب أو غيره
بس بغيتك تحكّم عقلك قبل لا تاخذك العزّه بدون ما تتحقق بنفسك ...

أريك تسمع الملف اللي أرفقته بنفسك .. و تقول لي وين سبّ إبن الذيب عمان و العمانيين ..

أولا القصيدة صار لها من أكثر من 6 سنوات و انت الحين جاي تحطها هنا ..
ثانيا القصيدة قصيدة مدح في الشيخ حمدان بن محمد
ثالثا و هذا الأهم المقاطع اللي ذكر فيها عمان كالتالي :

(( ما دام حمدان إبن مكتوم ذرّاني ** حتى البعير العماني لو هدر كلته ))

وين السبّ في هذا المقطع //معروف عند أهل الركاب في كل الخليج ان البعير العماني // البعير مو الإنسان // من أشرس أنواع الإبل وهو من العنف بمكان إنه ما حد يقدر يقاربه // و هنا بن الذيب يمثل نفسه إنه ما يخاف دامه في ذرا حمدان بن محمد حتى لو من هدير البعير العماني اللي صوره إنه أقسى أنواع الشراسه في تاريخ البدو ..

المقطع الثاني :
يتكلم فيه عن الشيخ راشد بن سعيد و موقف عن كرمه

(( له موقفٍ ينحفظ في كل ديواني ** يجبرك تقرا له الكوثر و بسملته
مضمونها كان عنده عامل عماني** أجره يدوبه يكفّي بيت عائلته
وجا يستلم راتبه من كف بتغاني ** و ضاعف له الكاتب الراتب من عجلته
و تنبه إنه فغفله إنه زاد لثماني ** غلطة قلم و القلم من كف مالكته
علم به الشيخ بس الشيخ بطراني ** ثقيل و المده الجزلى مثقلته
قال يهبا الحبر كان انه يتحداني ** أنا أكرم من الحبر و اللي مسجلته ))

وين السب في المقطع السابق ؟؟!!
هل العامل العماني .. و لاّ نزاهة العامل هذا لما رجع الورقه اللي غلط فيها الكاتب و كتب له زيادة في راتبه ؟؟!!
العماني عامل و هذا شرف // مب شحّات ..
أنا شخصيا أعرف كثير من العمانيين اللي لازالوا بجوازات عمانيه يشتغلون مع الشيوخ في الإمارات وهذول العمانيين الأصدقاء من روس قبايل بعد و مقربين لأنهم نزيهين و صادقين و عندهم ضمير ..


الرجاء كل الرجاء سيدي العزيز تحرّي الحقيقه قبل كتابة أو نقل مواضيع حساسه مثل هذي

حرام تحميل الناس وزر همّه ما قالوا و لا فكروا فيه أصلا ...

إذا كان ما عاجبك بن الذيب أو ما خذ منه موقف عشان قصائد معينه له تجاوز فيها ما تجاوز فهذا راجع لك // ما لازم تحبه .. بس هذا ما يعطيك الحق إنك تنشي مواضيع مثل هذي أبدا لأن في ناس راح تاخذ موضوعك بمحمل الجد و ياخذوا نفس الفكره اللي انته ما خذنها عن الرجّال ..


بالغ تقدير و إحترامي و ودّي..

شايب
__________________
وَكُنْتُ .. إذا سَألتُ القَلبَ يَومَاً

تولّى الدَّمْعُ عَنْ قَلبي الجوَابا

أحمد شوقي