[حفيد الجلندى]

أرسل أصلا بواسطة milan9

الله يسامح اللي كان السبب
خسرنا اهلنا في الامارات
عندي اخواني و والدتي في الامارات ما عدت اقدر ازورهم مثل اول و الله يعين الطلبه و العمانين اللي عايشين في الامارات و لله الامارت ما قصرت فينا في فترة من الفترات و الخلاف دائما يكون موجود بين الاخوان ليش كل هذا, ايش راح نستفيد من نشر مثل هذه الاخبار

الله يسامح اللي كان السبب طبيعي ما يهتم اصحاب القرار من تبعات هذا الاعلان لانهم مرتاحين في بيوتهم

هل يعرفوا ان كثير من العمانيين يترزقوا في الامارت و لله الرزق , هل لديهم خطه لتعويض هؤلاء عن ضياع رزقهم و مصالحهم في الامارات
الخليج كله صار يكرهمنا بسبب انحيازنا لايران , معليقينا و بعض مذيعينا ينهانوا و الله يعين الجاي


للاسف خطوه لا تفسير لها سوى تأجيج الخلافات بين الاخوان

دام ان الحكومه قررت نشر اعلان رسمي و ذكر اسم البلد اتمنى ان الشفافيه يكون واضحه بال حدود و يتم ذكر اسماء الجواسيس العمانيين حتى نكون اصحاب حق و محايدين , ليش ما ننشر اسماء الخونه ليش ما نبحث عن سبب خيانتهم .

العماني معروف عنه التسامح بس اللي يدخل السبله يشوف عكس هذا سب و شتم و وعيد و حسد , ايش راح نستفيد من كل هذا


الله يسامح اللي كان السبب

تريدوا الصدق إل ضيعنا هي طيبتنا لو كنا نذول كانت كل الناس راح تحترمنا(اسف على الوصف)
وبعدين من عايش من خير الأمارات؟؟؟
العمانيين فنشوهم ورجعوا يشتغلوا في عمان
ترى يقولك إل يدور عز غير عزه.....................................
ومن قالك أن شعوب الخليج تكرهنا؟؟
أنا عن نفسي ما رحت دولة خليجة إلا وكان أهلها يرحبون بي ويمدحون العمانيين
و اسباب الخيانه ضعف نفوس الخونه أنا مستحيل أبيع تراب بلادي حتى لو بذهب
وبعدين كيف خسرت أهلك في الأمارات؟؟؟
ترى المشكله بين الحكومتين لا تدخل الشعبين في السياسه
أنا مع الحكومة لأنها نشرت الخبر...هالشي بالذات لازم ما يتخبئ لأنه يمس سيادتنا وكرامتنا
أخي لا تكتب بما تمليه عواطفك عليك..بل أكتب بما يمليه عليك بضميرك
ولاكن أه منكم يا ضعاف النفووووووووووووووووس بالأول كذبتوا الخبر وألحين تقولوا ليش تم نشر الخبر في هذي الفترة بالذات؟
اللهم أحفظ لنا جلالة السلطان
واقطع يد كل سافل