عرض المشاركة وحيدة
  #28  
قديم 27/11/2009, 04:15 PM
rozana rozana غير متصل حالياً
عضو مميز
 
تاريخ الانضمام: 15/02/2009
الإقامة: MCT- Glasgow
الجنس: أنثى
المشاركات: 3,085
افتراضي

هلا اخوي سهم اقتصادي ،،
شرفت الموضوع ونورته ،،
الخبرة ما يات الا من معايشة هالمرض والتعامل معه من 5 سنوات
مع ان في مرضى كثير لهم سنوات اكبر بس ما يعرفوا الكثير عن السكري ،،
بس يمكن لاني احب اقرا الشي الي احسه يخصني ويفيدني
وعلى فكرة،، ترى مرض السكر يحتاجلها ثقافة ليس الا !!
يعني ان الواحد يقرا ويتطلع مو شرط يبحث لو ما كان مريض!


الموقف صحيح مؤلم ،، بس ايش نسوي ،،
عشان كذا ان لما مريض السكر يرتاد مكان معين كثير،، مثلا مكان عمله او ربعه او انه تغرب للدراسة او لظروف معينة،،
فلازم يطلع الي حوله بانه مريض سكر ويعلمهم كيف ممكن يتعاملوا معه لو صار شي معين ،،
محد يعلم بالظروف ،،
ممكن بيوم مريض السكر روح لدوامه عادي وصادف انه عايش ظروف معينة قاسية وماله خاطر ياكل،،
فبسبب حالته النفسية وعدم رغبته بالاكل ،، راح ينزل عنده السكر ويغمى عليه ،،
فلازم يلحقونه
لان هبوط السكر خطير مليون مرة عن ارتفاع السكر ،،
صحيح ارتفاع السكر مو بزين لنه يسبب مضاعفات كبيرة كالعمى والفشل الكلوي ،،
بس الهبوط لو كان حاد،، ممكن انه يقتل بلحظتها !! او يعيش الواحد بغيبوبة طويلة !!

مع اني عمانة ،،
وبمجتمع عربي وبالتحديد خليجي
ولنا عاداتنا وتقاليدنا،،
بس دوم اتمنى شي ،،
ان الطب يخترعوا شي بحيث انهم يزرعوا كبسولة او شي بمكان معين معروف بجسم الانسان ،،
بحيث انه لو بيوم اغمى علي انا كمريضة سكر،،
وحد جاء يريد يلحقني ،، يتأكد ان هالكبسولة فيني او لا،، (مثلا بالايد تحت الجلد او ممكن تصدر صوت)
فلو شافها بيعرف اني مريضة سكر وبيعرف كيف ممكن يعالجني او على الاقل يصحيني ،،

بس ما اتوقع ان في مجتمعنا حد ممكن يتقبله،،
بس لو سووا كذا اختراع ،، انا اول وحدة بطبقه
على الاقل حفاظا على نفسي
__________________
متى وقت الرجوع ؟؟
.
.


¬Glasgow¬