عرض المشاركة وحيدة
  #6  
قديم 07/12/2009, 02:49 PM
صورة عضوية مجداف
مجداف مجداف غير متصل حالياً
عضو نشيط
 
تاريخ الانضمام: 28/04/2008
الإقامة: مسقط
الجنس: ذكر
المشاركات: 500
افتراضي

اقتباس:
أرسل أصلا بواسطة S.A NODE مشاهدة المشاركات

وين ممكن أحصل خريطه الطريق من مسقط لمكه
باغي أروح العمرة
الطريق بسيط وما فيه اي اشكاليه.

تطلع من البريمي على أبوظبي وقبل لا توصل أبوظبي فيه مفرق مكتوب عليه الغويفات ( هنا راح شويه تتلخبط لانه عندهم تصليحات) لو ضيعت اوقف ولا تعمل نفسك فهلوه وأسال ولا راح ادوخ من اللف.

من توصل حدود الغويفات راح تجيك الحدود السعودية وبعدها راح تجيك محطة بترول اتركها ولما توصل المحطة الثانية اتوقع بعد 200 متر من المحطة الاولى ( محطة سحاب ).

عبي بترول وبعد المحطة عندك طريقان تسلك واحد منهم:

1- طريق الهفوف الرياض واهوه الأفضل من وجهة نظري، ( محطات بترول طول الطريق وايضا طريق مزدوج وبدون مطبات ).

تسلك الطرق على طول إلى الهفوف ثم الرياض بعدها مكة والطريق باللوائح ما يضيع.

2- طريق حرض الرياض، طريق يختصر المسافة ب 200 كم على التقريب. بعد محطة سحاب ب 100متر راح تجيك لفة شمال، تسلك الطريق إلى الرياض بعدها مكة. ( الطريق غير مزدوج فيه مطبات قرب حرض وتكثر فيه الشاحنات والكثبان الرملية، محطات البترول متباعدة).

نصيحتي لك:

* لا تسرررررع.
* خذ الطريق الأول الهفوف.
* عبي بترول من البريمي ولا تسرع لين توصل حدود السعودية وعبي من هناك.
* طريق العين أبوظبي ملغم بالرادارات.

والسموحة إذا كان فيه تقصير أو نسيان ويمكن الشباب يفيدوك أكثر


وأخيرا عمره مقبلوه بإذن الله.