[قاهرالظلام]

@ طراطيش كلام(18) @"آه يا عــــراق آه"و"زهــــور بلدية مسقط ؟؟" و"تعريفات الصـــدر" .. !!

السلام عليكم جميعا ..
صباح الورد والياسمين ..
لي مواقف كثيرة مع اصحاب التكاسي .. انت اول ما تركب صاحب التكسي على اطول الرجل يلعلع في الكلام تقول بالع راديو .. !!
في ذلك اليوم ركبت سيارة الاجرة قاصدا الكلية .. الرجل كان مشغل اغنية لكاظم الساهر يتغنى فيها قائلاً آه يا عرب آه يا عراق ..
مصمص الرجل شفايفه حسرة قائلاً : آه يا عرق آه يا حسرة قلبي عليك ..
بادرته بالسؤال : انت زرت العراق قبل كده .. ؟؟
السواق ( متنهداً ) : زرتها وقضيت فيها احلى سنين عمري .. العراقيين دول اجدع ناس .. والله انا مش مصدق نفسي بايللي جرى لهم ..!! مش ده اللي كنت متخيله خالص .. !! يا عيني يا عراق
قاهـــــر : واييه اللي كنت متخيله ؟؟
السواق : بصراحة كنت متخيل بأن صدام حينتصر .. رغم اني شفت الدبابات بتقتحم حصون بغداد .. وبعديها شفتهم وهم بيحطموا التمثال في ميدان الحرية ببغداد .. بس قلت في نفسي دي خطة عاملها صدام علشان يدخلوا الامريكان بغداد وبعديها يطبق عليهم كالكماشة .. مش قادر اصدق لحد دلوقتي اللي حصل ده .. ده ولا في الاحلام .. ؟؟ بس بردوا رجالة .. ؟؟ مافيش يوم يعدي الوقت ده على الامريكان الا ويموت منهم كام واحد .. لغاية ما يخلصوا عليهم واحد واحد .. !!!
قاهـــــر : بس انت مش شايف اني صدام هو سبب البلاوي دي كلها .. ؟
السواق : يا باشا دي خطة عاملينها الامريكان من زمان اوي من قبل ما تتولد انت او انا .. ؟؟ والعرب الخونة ساعدوهم في ذلك .. !! اللي حصل في العراق خيانة في قلب الامة العربية .. النهار ده العراق .. ودلوقت سوريا وإيران .. وبعديها مصر والدول والعربية لغاية ما يخلصوا علينا ..
قاهــــــر: شكلك بتحب صدام ؟
السواق : ايوه بحبه .. لانو راجل جدع .. ولان المصريين عاشوا في عهده معززين مكرمين .. احسنها عيشة ولا في الاحلام .. ؟؟ ده انا ياراجل اليوم اللي ما بشتغلش فيها بكسب عشرة دولار .. !! يعني 50 جنيه .. ده لو ما شتغلتش .. ؟؟ لو اشتغلت اقل حاجة اكسبها 40 دولار .. مش سواق تكسي في بلدي وفي النهاية نصف ما اجنيه يذهب لصاحب الاجرة .. ده غير الضرائب اللي بندفها لحكومة الزفت ده .. !! ده لو لا ولاد الكلب اللي نصبوا عليا هنا وسرقوا فلوسي كان زماني باني عمارة ومأجرها وعايش من خيرها .. ده انا يا سيد حوشت في ظرف سنة عمل واحدة في العراق 60 الف جنيه .. !! الخير هناك كتير وصدام بيحب المصريين كتير .. مش ناسي بانوا في اوائل حياته درس في جامعة القاهرة .. الله يرحم ايامك يا ابو عدي .. والله يرحم ايامك يا عراق .. تصدق بالله يا باشا بانني كلما ركب معايا عراق وعايز اوصلوا مكان لا ترضى نفسي بان اخذ منه حق الاجرة .. ؟؟ ده بس عرفانا مني على الايام الحلوة اللي عشتها في بلدهم .. شوف يا باشا بلد زي العراق محتاجة حد يحكم زي صدام بالحديد والنار وإلا كانت البلد خربت .. ؟؟ واهو الايام اثبتت ذلك .. !! حال العراق في الوقت ده متلخبط وفيه صراعات مذهبية وقتل وتدمير بين السنة والشيعة والاكراد .. ما سمعناش حاجة من دي ابداً في ايام ابو عدي ؟
والتاريخ شاهد على كده يا باشا .. ؟؟ من ايام الكلدانيين .. وايام الحجاج .. كانوا بيحكموا البلد دي بالحديد والنار .. وصدام عمل زيهم .. أي والله .. اصلي الموقع الجغرافي بتاع البلد دي مخليها محصورة بين اكراد تركيا وسوريا من جهة والشيعة بتوع ايران من جهة تانية والسنة موجودين في النص .. البلد متلخبطة فوق تحت فمن الصعب انو يكون الحاكم بتاعها هادئ .. لا زم يكون صارم وما فيش ياماما ارحميني .. اصلي ..الحكاية ..
لم يكمل الرجل كلامه فلقد قاطعته قائلا : انا حنزل هنا .. معلش وزي ما قلت حضرتك ربنا يكون في عون العراق .. والله يرحمك يا صدام .. ..
وجدت الكثيرون هنا في مصر ممن عاشوا في الماضي في العراق وتنعموا بخيرها ولا يزالون يذكرون خيرها وفضلها عليهم .. الى يومنا هذا ..
آه يا عراق .. ويسعد صباحك يا مواطن ..
ܨ ........ ܨ ܨ ........ ܨܨ ........ ܨ
ܨ ........ ܨ
..........
......
...
@ خبر غير صحيح :
بلدية مسقط تقرر إلغاء نظام زرع الزهور الموجودة في شوارع مسقط العامة وإستبدالها بالطوب الاحمر المتشابك .. ( انترلوك ) .. !!
ܨ ........ ܨ ܨ ........ ܨܨ ........ ܨ
ܨ ........ ܨ
..........
......
...
@ قالوا :
إن كثرت إنعقاد المؤتمرات والملتقيات الثقافية والادبية والعلمية والإقتصادية من شأنها ان تطور من أدوات العمل المتبعة في الجهات المنظمة والمشاركة في مثل هذه الفعاليات .. !!
أتساءل .. هل هي كذلك في بلادي .. ؟؟ ام انها لا تختلف عن اجتماعات قاداتنا العرب ..
ܨ ........ ܨ ܨ ........ ܨܨ ........ ܨ
ܨ ........ ܨ
..........
......
...
@ تعريفات الصدر:
- الصدر هو مقدمة الجسم ، وبئر النفس .. تتلوى في داخله الآهات والأحزان ..وتعج فيه سراديب الرغبات والوساويس .. قد يوجد عقل فارغ ..ولكن إستحال بان يكون الصدر فارغاً ..
- الصدر الأعظم : هو لقب كان يطلق في الماضي لمرتبة رئيس الوزراء في الدولة العثمانية ..
- أطعم الصدور الحديثة وألذها في الديك الرومي والغزال والحمام والمها ..
- صدر الصحيفة : هو موضوعها الأصلي المفروش على الصفحة الأولى ..
- صدر القران هي سورة الفاتحة .. صدر الأمة هو الجيش ..صدر الحكومة هو الجيش .. وصدر القوم هو زعيمهم وبطلهم .. صدر السفينة اقوى ما فيها..
- من الصدر تأتي المصادرة .. ومنها قول مأثور لقائد البلاد المفدى " لا لمصادرة الفكر " التي نتمنى من المعنيين الالتزام بها .. !!
- المصدر في اللغة : صيغة إسمية مشتقة من الفعل ..
- المصدر في الحياة العامة : هو الشخص الغامض الذي يشار إليه في التصريحات التي تبدو مهمة .. بقولهم : صَرح مصدر مطًلع .. علق مصدر موثوق .. او صدر مصدر رسمي ..
- من معه فليزد ..
ܨ ........ ܨ ܨ ........ ܨܨ ........ ܨ
ܨ ........ ܨ
..........
......
...
@ آخر السطور:
- أسعد أيام الموظف ( أول الشهر ) وأتعس أيامه .. باقي أيام الشهر ..
- المراهق : هو الذي لا يهمه لون الوردة او عبيرها او جمال أوراقها بقدر ما يهمه .. ساقها .. !!
- الجوع : هو ( القلم ) الذي لا يعرف من أنواع الخطوط .. سوى خط الفقر .. !!
- في بحر الحياة : كلنا يبحث عن ( القرش) .. إلا إذا كان هذا القرش .. سمكة .. !!

واخيرا اقول :
اللسان (الطويل) ... دليل على اليد (القصيرة) .. !!

وصبح صبح يا عم الحج ..