عرض المشاركة وحيدة
  #4  
قديم 18/04/2010, 02:09 PM
ذيب الشحوح ذيب الشحوح غير متصل حالياً
عضو نشيط
 
تاريخ الانضمام: 31/05/2009
الإقامة: خصب
الجنس: ذكر
المشاركات: 274
افتراضي

المنتجع رووعه


ومممكن تتصلي بالبدالة عشان تاخذي ارقامهم


بالنسبة لمنتجع الحواس الست يقع بدبا في الثغر الجنوبي لمسندم


طريقة الوصول لدبا :

من مسقط - خط الباطنه مرورا بصحار حتى مركز خطمة الملاحة - وتعدين الحدود وتدخلي كلبا وتكملي طريقج الساحلي ( بس حاسبوا ع الردارات المتحركة ) كملي طريقج سيدة لين توصلي الفجيرة ومن بعد الفجيرة طبعا اللوحات الأرشادية رح تساعدكم ورح تكملي لين الخور ( خور فكان ) وانتي واصلة خور فكان يمكن تمري ع ولاية مدحا تراها ع الشارع يمكن تاخذين لفه فيها ... وتكملي لين توصلي دبا الفجيرة وبعدها سيري صوب مسجد الشيخ زايد لين الدوار وبتدخلي دبا البيعه ومرحبا بج بمحافظة مسندم ...



الطريق 2 :

لو كنتي يايه من صوب دبي سيري على شارع الأمارات وانتي متجهه على صوب رأس الخيمة تقريبا رح تسيري 40 كيلوا ورح تحصلي لوحه ارشادية مكتوب عليها منتجع الحواس الست ( زغي ) واسلكي هالشارع اللي رح يكون مخرج ورح الطريق سيدة لين ما توصلي دوار الطوييين وبعدها كملي لين توصلي دبا مباشرة ...



طريقة الوصول للمنتجع :


اولا ينصيح بالسيارات الفورويل لو كنتي تبي تسيرين بسيارة ...
وثانيا : لو ما عندج فوريل عادي هم يوفروا نقل بحري من ميناء دبا لين منطقة زغي اللي فيها المنتجع ...

وبعد في طريقة ثالثه لو كنتي تعرفي تنزلي بالبارشوت هي تنزلي جوا خخخخخ







والمنتجع حلو وهالأيام اسعاره مناسبه ...


بسس احسبي احسابج انه هناك ماشيءء مطاعم غير مطعم المنتجع ....





بسسس مكان مثالي لللتكيييف والتخيييييم


تقبلوا تحياتي

ولو عندج اي استفسار تفضلي




تحياتي
__________________
روى الدارقطني قال :
(( مات الثوري ومات الورع ومات الشافعي وماتت السنه ويموت ابن حنبل وتظهر البدع))



ومن اقوال العرب قديما:

كنا شيوخ العرب واليوم خطاري وكنا نميز العرب واليوم نمتازي