عرض المشاركة وحيدة
  #23  
قديم 26/11/2009, 09:16 PM
صورة عضوية Blandozer
Blandozer Blandozer غير متصل حالياً
عضو نشيط
 
تاريخ الانضمام: 27/09/2008
الإقامة: Planet EartH
الجنس: ذكر
المشاركات: 414
افتراضي

اقتباس:
أرسل أصلا بواسطة rozana مشاهدة المشاركات




انا ما كملت قصتي وكيف انا عايشة بالمضخة
والحين مكملة 4 سنوات ونص بالمضخة
وكبنت في عمان البس عباية بما يبين
وفي البيت عادي عند اهلي وعند صديقاتي نفس الشي
بس لأني متغربة للدراسة حاليا
فالحمدلله اللباس المستر المحتشم يغطي وما يبين
والشباب عندهم الداشديش والبنطلونات بعد ما يبين فيهم
ولو حد شاف وسال وخصوصا بالمطارات عن يخافوا انه حزام ناسف ،، فاقولهم انه مضخة انسولين
وفي قسم لا بأس به صار يعرف عنه !
وهالشي الحمدلله مريحني بالشرح
فاذا بتسالني كيف عايشة بهالجهاز؟!؟
فبقولك بكل سهولة حياتي عايشة فيه وكأني مو لابسة شي
يعني مو حاسة فيه وعايشة حياتي جدا طبيعي
تقعد ،، تتكسف،، توطي ،، تتضارب ،، جدا عادي ما يضيع عليك شي ولا يسببلك وجع او اي شي ،،
لان بالبداية تدخل ابرة بس بعدين تشيلها ويبقى انبوب بلاستيكي صغير يعني نفس السقاية
وحجمها جدا صغير ،، اصغر من كثير ابر يستخدمها بالمستشفيات لاخذ عينات دم لمختلف التحاليل ،،!
بالبداية راح ييلك شعور غريب لنك مو متعود،،بس بعد كذا ،، جدا عادي والله !!
ولو انت حطيت ببالك انك ما بتتقبله،،فلو والله سويت المستحيل ما بتتقبله،
بس لان ماعندي اي حل آخر قدامي
يا اخسر حياتي او اني البسه
ولبسته وجدا عادي وهذي انا متغربة للدراسة في المملكة التحدة وعايشة حياتي

والله كلامكـ مشجع على اني اغيير الى هاذا الجهاز بس انا الحين مخير نفسي بين اثنين يا استعمل الجهاز مثل الي معكـ او استعمل الانسولين الجديد اعتقد اسمه ليميفر يقولوا انه اكثر انسولين فعاليه في تضبيط نسبة السكر في الدم بس ان شاء الله خير انتظر وصول هاذا الاصدار الجديد من الانسولين الى السلطنة يقولوا بيوصل قريب

بس تصدقي يمكن بيكون الوضع محرج اذا في المطار يشوفوا هاذا الجهاز ويسالوني ايش هاذا وليش مركبه خخخخخ لانه للاسف في ناس ما عندهم ثقافة عن مرضى السكري ولا يعرفوا شئ عن الجهاز بس انا عجبني الجهاز الاحدث اصدار من جهازك بحيث تقدر تقيسي فيه نسبة السكر في الدم بدون ما اطعن اصبعي واحط الشريط في الجهاز وسالفه .... يعني في وقت اقدر اقيس السكر عن طريق الجهاز واتحكم في زيادة الجرعات .. حلو .. بس الجهاز غالي جدا

بس فعلا ما دام جهاز مضخة الانسولين اكثر فعاليه في الحفاظ على نسبة السكر في الدم اكثر من الحقن التقليدي فالافضل اني استخدمه واحاول اتعود عليه لانه المشكله ان السكري يسبب مضاعافات والفشل الكلوي وضعف النظر وكذلك البرود الجنسي وغيره اذا لم يتم المحافظة على النسبة للجلوكوز .... حفظنا الله واياكمـ

الله يحفظكـ ويوفقك في دراستكـ يا رب .... عاد شدي حيلكـ


اقتباس:
يعني لو انعزمت على عرس ،، باخذ وياي كول بوكس؟؟
هههههههههههههههههههههههه
لا ياخوي ،،
شوف ،،
الانسولين الطبيعي بجسم الانسان عبارة عن هرمون ،،
والانسولين الي زي حالاتنا المساكين ،، الانسولين هذا عبارة عن بروتينات
هالبروتينات في الجو الحار مثل جو السلطنة ،،مستحيل تقدر تحطهن حتى بالغرفة
لانها لو تعرضت للجو الحار لفترة قصيرة بس
فان هالبروتينا تتكسر
ولو تكسرت فما تستفيد منها
ولو مو بس ضربت هالابر ،، ألا انك لو شربت هالانسولين شرب،، ماراح يفيدك ولا ينزل من السكر ولو رقم واحد !!
فهمت عليّ الحين؟؟
فالقلم لو خذته انا معي لحفلة او عزومة وما حبيت البس الجهاز وحطيته بشنطتي لمدة مو كبيرة والجو بيكون كويس بما اني بكون في مكان مغلق مثل بيت اوو قاعة ،،
فاقدر استاذن بأي لحظة لو حسيت اني بحتاج جرعة عشان اكل شي معين عجبني بالبوفيه

وعالرغم من الجو هني برد ودرجة الحرارة بالمكان الي انا فيه يتراوح بين الصفر وال6 درجات حاليا،،
بس بعدني احط الانسولين في الثلاجة!!
شكرا على المعلومات .... طيب انا طرأ لي استفسار
اذا انتي قلتي انه الانسولين يخرب في الجو الحار (خاصتا في جو السلطنة ) ) فكيف جهازكـ ؟؟ يعني جهازك فيه عبوة الانسولين في داخله وطبعا ما يبقى في الثلاجة ويبقى على الحزام الناسف على الجو الطلق وعلى حرارة الجو فكيف ما يخرب

بس اتوقع انه فيه خاصية تبريد في الجهاز تقوم بالمحافظة على تركيبات البروتينات في الانسولين داخل الجهاز
ويمكن هاذا يفسر ليش قيمة الجهاز غالي جدا


اشكركـ على المعلومات من جديد





اقتباس:
أرسل أصلا بواسطة rozana مشاهدة المشاركات
لي عودة مطولة للرد على جميع الاستفسارات وتكملة قصتي بعد محاضرتي الاخيرة الجاية بعد ربع ساعة،،
دعواتكم لي

الله يوفقكـ وشدي حيلكـ في المحاضرة
__________________

قال تعالى: (( وَإِذَا مَرِضْتُ فَهُوَ يَشْفِين)) (الشعراء، 80)