عرض المشاركة وحيدة
  #26  
قديم 27/11/2009, 02:06 AM
rozana rozana غير متصل حالياً
عضو مميز
 
تاريخ الانضمام: 15/02/2009
الإقامة: MCT- Glasgow
الجنس: أنثى
المشاركات: 3,085
افتراضي

اقتباس:
2) هل تعرضتي قبل لغيبوبة السكري وانتي تستعملين جهاز مضخة الانسولين ؟؟؟

الغيبوبة ما تصير الا بانخفاض السكر !!
ايوة صار ،، ما اكذب عليكم ،،
مرة كانت عندي محاضرات وكنت متأخرة على دوامي،، ما فطرت ولا شربت شي الصبح ،،
يعني على معدة فاضية
وكنت محاضراتي متواصلة من 9 الصبح الى7 المساء ،،
وماكان عندي ولا 5 دقايق راحة ،،
رجعت السكن وصار اني طحت وفي بنت زميلتي بالشقة حست وشافت وصحتني بكم طراق اسميها ما قصرت فيني !!
وشربتني ماي وسكر والحمدلله صحيت ،،

ومن هالنقطة ،، انصح ان الواحد يقول للي حواليه بانه مريض سكر وكيف يتعامل معه ،،
سواء مغترب وعنده زمايل بالجامعة او بالسكن او غيره !!

ومرة نفس الشي صار لأني كنت صايمة وما برمجت الجهاز صح باني اخفض كمية الجرعات وهذي غلطة مني انا شخصيا (لاني اعرف ابرمج الجهاز فما انتظر الدكتور يقولي،،ولو احتجت اي مساعدة فأتصل ع الممرضة الي تتابع حالتي واستشيرها او ستفسر منها واسالها)
فأغمى علي بس انا مدربة البيت بكبره (اهلي) انه لو صار فيني شي ياخذوا ابرة معينة حاطتها في صيدلية البيت يمزجوا المحلول المائي بالبودرة الموجودة بالابرة ويضربوني اياها وهي جلوكوز عشان يرفع السكر
ولا حد يطقني طراق
بس بعدني ما اسلم
فهالمواقف تحصل طبيعيا لانها متوقعة حتى مع الي يستخدم الابر العادية !!



اقتباس:
شخصيا اكره موقف عندي عندما يهبط السكر لدي صارلي اكثر من موقف ..
فعلا تكون حاله حرجة ومزعجة وخاصة اذا كنت في مكان عام



اما الهبوط فتقدر تلحق عليه ،،
يعني يصير لو الدنيا حر وتميت برة لفترة كبيرة
لو اني صمت وما اكون قبلها متسحرة
لما ابذل مجهود كبير وما اكل شي
لان بكل الاحوال المضخة تشتغل 24 ساعة من غير انك انت تضبط الجرعات كل ما تاكل وجبة او شي !!

ومثل ما ذكرت سابقا ان هالشي طبيعي ويصير حتى مع الي يطق الابر العادية،،

فتقدر تلحق نفسك انك ترتاح وتاكل اي شي حلو وينصح البونبون يعني الحلاوة وليس الشوكولاته
ليش؟
لان الشوكولاته عبارة عن سكريات ودهون
ولما تدش الجسم فتفكك الاول وبعديييين ترفع السكر بعد ساعة او اكثر ،، ويكون عاد المريض راح فيها مسكين في غيبوبة

اما الحلاوة الي تتكسر لو مضغطها بأسنانك فتتفكك لانها مصنوعة من السكر وليس الدهون ،،
وايضا من اسرع الحلول طبعا هو الماء المضاف اليه السكر
وبعد العصير
واخر حلين هم الافضل !!

ولو حسيت ببدء الهبوط وانت لابس الجهاز،،
تقدر تشيل الجهاز بحيث انه ما تنضاف اليك اي كمية زيادة من جرعات الانسولين الي تسبب استمرار الهبوط
ووقت ما ترجع لحالتك الطبيعية،،
ركبه مرة ثانية ،،
__________________
متى وقت الرجوع ؟؟
.
.


¬Glasgow¬