اقتباس:
أرسل أصلا بواسطة عاشق الكامارو
صاحب الموضوع .. لك كل الشكر على المجهود ..
ثانيا .. أخونا مازاراتي كان طارح موضوع كامل عن التلميع .. وللأمانة كان مجهود أيضا رائع وعطانا الكثير من النصائح المفيدة ... من تجربة شخصية وأنا أشهد عليها.
عزيزي .. إلى الأن ما شفت حد يعرف يلمع في عمان مثل بروتك ..!! شغل عدل فعلا.
أما زيبارت أسمح لي .. أي كلام .. و 3M أنا ساكن جوارهم .. يوم فاتحين وشهر مبندين .. وما شفت شئ من الخبراء عندهم غير (بابو وربعه).. ...مخفي وبخار وضرب غوازي وبس.
المنتجات موجودة في السوق .. والأفضل نحن كشباب نتبادل خبراتنا ونساعد بعضنا البعض .. بدل ما كل واحد طايح ينقل عن فلان وعلان .. وكله كلام .. نحن نريد واقع !!
وأقولكم من ناحيني .. جربت ترتيل وبلاك ماجيك .. وأشوف الأفضل حاليا سونكس .. سهل الإستخدام ومفعوله يبقى فترة أطول ..
وخلونا نستفيد من بعض شباب .. ما ناقصة فلسفة هي !!  |
خخخخ اول شي عزيزي اشكرك على المرور الجميل
وبعدين انا ومزراتي مافي فرق بينا كلنا واحد ..
اما بخصوص محلات التنظيف في عمان فـ انا ضد فكرة اني اعطي سيارتي لمحل يلمعها ..
دائما افضل وانصح كل شخص انه يلمع ويهتم في سيارته بنفسه ..
وصدقني بتحصل نتائج افضل من الي يسويها اي محل .. خصوصا ان طرق التنظيف سهله ولكن تحتاج وقت
انا عن نفسي ما اخبي عليك عندي جميع الماركات الي تتوقعها مش اني استخدم ماركة وحده نفس سونكس فقط او 3 ام فقط او اي شركة اخرى لوحدها منوع من الكل ..
واشتريت نفس المكائن الي يستخدموها المحلات ..
مكينة ضغط هوا + مكينة تلميع + مكينة شفط الهوا + مكينة غسيل
وبين فتره وفتره المع سيارتي بنفسي وصدقني مافي حد يلمعلك سيارتك بالمستوى المطلوب غير صاحب السياره بنفسه لانه انته لما تلمعها تكون اكثر اهتمام وحرص ودقه .. اما المحلات ف سيارتك حالها من حاله الي بعدها ويمكن يخلصلك بسرعه عشان يلحق الي بعدك ..
وللعلم ياجماعة الخير فيه شركات ماتتوقعو كيف انها زباله وتضر السيارات ولكن ليست موجوده في عمان تجدونها في الامارات والبلدان الاوربية وامريكي لانها اساس التصنيع
لكن اغلب الماركات الي في عمان هيه ممتازه حته الفورملا 1 تعتبر من الدرجه الممتازه ولا ماكنتو بتحصلوها من سنوات في عمان والسبب التسويق المميز لهاذي الشركة وخصوصا تسويقها الكبير في الهند..
وانا جاهز حال اي استفسار وخبراتنا مانخبيها بل نوصلها لغيرنا حتا تعم الفائده للجميع
ومثل ماقلت مامحتاجه فلسفه زايده هـــع