أسمع بف باف وحناء وأدوية
حبيبتي سمعي من المجربه ...: أنا جن جنوني يوم شفت القمل ف شعر بنتي من يقبضني عن سوق مطرح ادهديه عن يسكر السوق أسير ركض واشتريتلي مشط بو القملان أسنانه مرتصه الصغير الصغير
وأقوم أفر النت وبديت أخمس تخميسات من ذا المنتدى لذا المنتدى إلا واطيحلش ع كنز الطبيعة فعلاً فعال بس 3 أيام واللهم لك الحمد والشكر عودة بلا رجعة من يوم يومها تقريباً كملت السنتين وزيادة ولا شفته بعيني.. عساه ما يرجع ولا يحيد درب شعر بنتي فديتها..
الغالية ما عليش إلا بالخيار... نعم الخيار
غسلي شعر البنت ونشفيه وفرقيلها إياه
قصي خيارتين زينااااات وخلطيهم بالخلاط عشان تكون عندش خليط سائل
بعدها كأنش تحني شعرها بخليط الخيار ولفيه زين ما زين بألمنيوم شفاف الخاص باللأكل لمدة ساعتين
بعد الساعتين غسليه بالماي ومشطيه بالمشط بتشوفي العجب
القمل وحدة يطيح في الماي مع المشط
وسلامتها الحلوة ما تشوف شر... وأي خدمة حاضرين طال عمرش