عيادة القرم (دكتورة سميتا) أرجو إفادة
السلام عليكم ورحمة الله وبركاته
بنات انا سمعت ان دكتورة سميتا في عيادة القرم واجد زينه حل تأخر الحمل؟؟؟؟؟؟ في حد راح عندها وفادته في تأخر الحمل |
اللي اعرفه خالتي راحت معها لان دورتها مش منتظمه وبعدها جابت توأم :متفكر: |
زوجة أخوي تعالجت عندهآ وهي من 5 سنوآت مآكآن عندهآ عيال
وآالحين حآمل . تقريبآ سنه أو سنتين وهي تتعآلج معآهآ والحمدلله جآبت نتيجه . ربي يرزقج بآلذريه آلصآالحه بس أهم شي لآتتكآسلي وإستمري بآالعلآج . |
أن شاء الله حبيبتي
بروح عندها ان عندي موعد يوم الأحد وان شاء الله بتواظب على علاجها دعواتكم لي بالحمل |
للامانه ...
خالاتي اغلبهم تعاملوا معاها والدوا كان اعتقد الباكيت ب20 او شي كذا .. المهم انه بالصدفه حد من الاهل سافر ووصوه .. وحصله بسعر اقل بكثير ... :) يعني لو عطتج حبوب تستخدمينهم على فتره طويله بامكانج تدوري عليهم من مكان ثاني .. لانه هي تبالغ بالسعر ! |
صح جلساتها تكلف بس فيه نتيجة في النهاية وكله بتوفيق من الله
|
أختي تعالحت عندها بسبب الأكياس بس هي نصتحها تروح الهند تسوي عملية لآنه كل الرحم في أكياس
|
وااااااااااااااااااااايد زينة ابصرااااااااااحة
وايد حريم اتعالجن عندها وحملن بسرعة ماشالله عليها مشهووورة |
حد عندها فكرة عن اسعارها؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
كيف اسعارها؟؟؟؟؟؟؟؟؟؟؟؟ |
انا رحت عندها و اغلب الأوقات لازم تعمل سكان اللي تكلفته 15 ريال للزيارة
فلما تروحين عملي حسابك يكون معاكي 30 تقريبا بكل زيادة ممكن التكلفة اقل او تزيد و بالتوفيق |
انتي رحتي عندها بخصوص تأخر الحمل؟؟؟؟؟؟؟؟؟
|
انا رحت عندها لاني كل ما أحمل أجهض
و المستشفيات الحكومية ما يعتبروا الأجهاض مرضي الا بعد 3 حمل و انا قلت ما بنتظر اكثر و اجهضت 10 مرات و سويت كل التحاليل و بعدهم ما عارفين السبب و رحت عند احسن الدكاترة سميتا و دار و سلدانا و ....الخ نفس الكلام |
حاليا مريحة
و ما صار الحمل من 7 اشهلا مريحة على الآخر و ما شايلة هم الحمل صار صار ما صار الحمد لله المال و البنون زينة الحياة الدنيا مش الآخرة و انا طمعانة بالجنة و لما أحس اني نفسيا جاهزة براجع مرة ثانية ان شاء الله |
الله يرزقج حبيبتي
ودكتورة سميتا ما عرفت ايش هي مشكلتج مع الأجهاض؟؟؟؟؟؟؟؟؟ |
بصراحة انا ما كملت معاها و سوت لي تحليل الي هي كانت شاكة فيهم و طلع الفحص سلبي يعني ما فيني شئ
و السالفة كلها بالتخمين!!!! و الشئ اللي ضايقني اكثر اني اعمل موعد و اظطر انتظر ساعتين ساعات و كل الكشوفات تقريبا من تحت يعني تتكشفين كل مرة و انا ما ارتحت لهذي السالفة فما كملت معاها و الفحوصات ينرسلو لبرا عمان ما عندهم مختبر هني فالأسعار حدث بلا حرج و عندها حبوب تيجي من الهند بغتني اخذها قبل ما تعرف ايش فيني من الأساس و انا ما تشجعت اخذ ادوية بس كذا و بعد ما عملت الفحص الشامل طلعت الفحوصات كلها سلبية الحمدلله و الله يرزقنا جميعا بالحمل السليم و بالذرية الصالحة |
انا سمعت ان اسلوبها بايخ في تعامل مع مرضى؟؟؟؟؟؟؟؟؟؟؟؟؟
صح هذا كلام؟؟؟ |
الله يرزقك يا ام على بالذرية الصالحة ويرزق كل المحرومات
في مكان بعد الكثير يمدحونة مركز الاخصاب اللي ف القرم في زوجين سافر لروسيا بس ما استفادو اجو عمان في هالمركز والله رزقهم |
اقتباس:
احسها عادية لا هي زينة و لا هي بشينه:) |
انا ما عجبني فيها شئ واحد .. قلة احترام للمرضى..يعني كاننا زبالة و نصبر غصبا عنا عشان الحاجة.. من ندخل الغرفة ننتظر على الاقل نص ساعة عشان تدخل تفحص في كمين دقيقة و بعدين تقاطعنا طول الوقت بالرد على الاتصالات .. ما حسيت اني ادمية.. ما عجبني الوضع ... :مفتر:
و الشئ الثاني..سوت لي سونار و كنت حامل و عطني كلام كله خرطي و خبرتني حجم الجنين كبير و ما ادري شو ووقفي السكر كليا الخ.. و لما رحت الحكومة طلع كلامها كله خربطيشن... اصلا كانت ما مركزة...كل دقيقة تتكلم بالتلفون ..مساكين ما مصدقين حصلوا هاتف نقال ببلاش و مرتبشين عليه.. كل مرة حد ياخذه ذاك التلفون عشان يتكلموا ما اعرف وين.. اهتلكت ..........!:لسان: هذه تجربتي انا... بس فيه زميلات ارتاحوا معها و حلت مشاكلها مع تاخر الحمل... |
هذي دكتوره قديمه وشاطره
ع حسب علمي كل اللي يروحو عندها يحملن الله الرازق جربي |
اقتباس:
هل تعرفي حد تعالج عند سميتا وحملت |
اهلين حبيبتي انا ما اعرف والله اذا حد اتعالج عندها وحملت
اذا انتوا تعرفوا خبروني |
هلا اختي
عن تجربتي عند د/سميتا ما ارتحت ابدا معهم من ناحية المعاملة السيئة والانتظار الطويل بعد موعد مسبق معهم وما استفدت من العلاج معها لمدة سنة. والله يرزقنا جميعا ان شاءالله بالذرية الصالحة |
اقتباس:
خالتي ..وكانت كذا مره تسافر برا البلاد تعالج .. يمكن مو عشان سميتا .. بس هي سوت عمليه برا ووقت الحمل سميتا كانت تتابعها :متفكر: |
خالتي تراجع ويا هالدكتوره من فوق 15 سنه .. ما كانت ب هالمكان ايامها وماشاءالله للحين مستمره .. حريم العائله كلهم من سوالفهم عرفت انهم يروحون عندها ان شاءالله ربي يرزقج بالذرية الصالحة |
ان شا ءالله يارب
الله يسمع منكم يا اخواتي ويرزق كل محرومة يارب بأذنه وكل تأخيرة فيها خيرة |
نصيحة مثل هذه العلاجات تحتاج الى الانتظام مع دكتورة وحدة لفترة طويلة حتى تختبر كل الاحتمالات وبعدين في دكتورة ممتازة في المركز الطبى الدولي في الوطية عند وكالات تويوتا وفي دكتورة في مستشفى مسقط بريتيما ممتازة لكن الافضل مال المركز الطبي الدولي
|
انا اختي كانت تعالج عندها قبل كم سنه وهي حامل ومن نزل عندها الماي شوي بأول الشهور عطتها حبوب اوين ترجع الماي ما قالت لهاروحي سوي تنظيف لان البيبي كذا بيكون ما عايش خلتها ع هذي الحالة كم يوم لين كان بيجيها تسمم الحمل لان جسمها ورم وصارت ما تقدر تتحرك
فانا بصراحة ما حبيتها ويقولوا عنها بعد بطرانة ما اعرف ع شو |
أنا ارتحتلها الحمدلله لما رحت عندها يوم الأحد
هو صح خلتنا ننتظر واجد بس عجبني اسلوبها كانت تضحك وتسألني اسئلة |
انا جارتي تعالجت عندها 5 سنوات ما حملت والحين ما شاء الله سنة ورا سنة.. امي تحايلني اروح عنده لاني تاخرت بالحمل بعد ما اجهضت بس ما تشجعت لاني ما احب الزحمة والانتظار ربي يكتب لك الذرية الصالحة يارب |
جميع الأوقات بتوقيت مسقط. الساعة الآن 07:39 PM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها