|
تبني بيت العمر .. أو تفكري تبني قريب .. تعالي نفيد ونستفيد
هلا فيكم موضوعي لكل وحده تبني بيت العمر .. أو ناويه تبني ..أو بنت البيت وفي شي ضروري وما أضافته شو خاطرج يكون في بيتك اللي تحلمين فيه ؟؟؟؟؟ أنا ببدي طبعا بما إني الحين أجهز خارطة البيت الأشياء الضروريه في بيتي البيت طابق واحد بس بسوي فوق صاله بسس * غرفة نوم رئيسية مع غرفة تبديل الملابس * 3 غرف نوم للأطفال * صالتين مفتوحات على بعض .. وحده للضيوف .. ووحده للعايله .. وبينهم فاصل باب سيدار سحاب للضروره عند وجود ضيوووف * مجلس للرجال مع غرفة طعام خاصه فيه * صاله ترفيهيه للعايله * مكتب لأبو الشباب * مخزن رئيسي للبيت .. غير عن مخزن المطبخ .. بيكون للأشياء اللي ما تستخدم يوميا * مطبخ .. بس ما عارفه القياس المناسب .. شو رايكم ؟؟ .. مناسب 4 في 6 * حديقه طبعااااااااا ونبدي بالصور التوضيحيه : أول شي المدخل بيكون قدامه قوس مثل الصوره بس الفتحه بخليها زجاج .. عشان اللي يدخل يقدر يروح للغرف من دون ما يشوف اللي في الصاله http://i281.photobucket.com/albums/k..._almuhands.jpg وداخل القوس طاولة طعام .. بس بيكون عن يمينها صالة الضيوف وعن يسارها صالة العايله http://i281.photobucket.com/albums/k..._almuhands.jpg وهذا الدرج بيكون في بداية البيت ويوصل للصاله الترفيهية .. بتكون فوق الصالتين اللي تحت بيكون مكان طاولة الطعام .. طاولة بلياردو .. تنس طاوله .. جهاز الرياضه .. بلاي ستيشن .. وتلفزيون طبعا .. بس فوق بيكون هذي الصاله بسس يعني مو طابقين http://i281.photobucket.com/albums/k...ah777/cpg9.jpg] وبكمل باقي الأفكار في الردود الجايه يالله بنات دوركم .. إنتوا شو خاطركم تسوون في بيت العمر خلونا نستفيد منكم ومن أفكاركم ويا ريت اللي تقدر توضح بالصور عشان توضح الفكره أكثر |
زعلتوني منكم :حزين::حزين::حزين:
يعني ولا رد ؟؟؟؟؟ ما حد يريد يشاركنا بأفكاره :حزين: |
واااااو افكارك كثير حلوه .موفقه عسى اللي يريدوا يبنوا يساعدوكي
.. وقت علينا انا وابو الشباب نبني بيت :حزين: يمكن بعد سنه او سنتين او ثلاث .... الخ :مفتر: |
انتي فنانة كملي ...شكلي بخزن هذا الموضوع في جهازي عشان استفيد لما نبني البيت في القريب العاجل ان شاء الله
|
جميل جدا .....مشكورة أختي .
أشوف إن البيت حتى لو كان صغير وبسيط بس بالتنظيم والذوق يكون تحفة ...... شوفوا بيوت الإنجليز ( صنادق) بس منظمة جدا ونظيفة . عسى أقدر أنزل بعض الصور. |
هلا أختي العزيزة افكارك واجد حلوه بس يعتمد على قياس مساحة البيت كم في كم
واحتمال اذا كان مساحة البيت صغيرة تكون اصغر مع التصميم فقبل لا تعجبنا صورة نركز على المساحه ا لبيت هل تناسبه او لا وبأمكاننا نأخذ الافكار البسيطه لكي يناسب مع المساحه الموجوده بالنسبه للمطبخ المساحه مناسبه مع المخزن وبأمكانك تعملي رفوف اضافيه في المخزن بالتوفيق أختي:) |
بنساعدك لما تسوين عزيمة يوم يخلص البيت بخبرج بعدين ليش :كاشخ:
|
http://www.swalif.com/forum/attachme...tid=3824&stc=1
هذه الفكره حلوه كثير لتستفيدي من الطوله اكثر بأضافة رفوف لها كهذه الصورة |
اقتباس:
تخطيط رائع صراحه .. اذا في المستقبل خيير كنت أفكر نفس فكرتك الي اقتبستها .. صاله كبيره بس ما ابيها فوق.. العكس عالطابق الأرضي .. يعني تنزلي كمين درج من الطابق الأول و بدون طاولة طعام، يبيلها بلازما كبر الجدار :عيار: و غيره من الي ذكرتيه و حلو لو تفتح على مكتبه كبيره من صوب واحد و اذا ممكن تسوي من هالصاله باب زجاجي كبير يطلع لبرع على بستان وااسع و حوض سباحه و طبعا الدرج الي يرجعك للمستوى الأرضي.. المنظر راح يكون روعه بس الخطه يبيلها مساحه كبيره شوي.. بشوف اذا حصلت صور متابعه معك و إن شاء الله برجع مع حركات للديكور :كاشخ: |
أختي حنين تسلمين الغاليه ع المشاركه وعقبال ما تبني البيت اللي تحلمي فيه :) أختي ووهج مشكوووووره الغاليه .. رفعتي معنوياتي ننتظر مشاركات منك شو خاطرج يكون في بيت العمر ؟ أختي امتثال مشكوره وايد وفعلا ترتيبهم لبيوتهم حلو وايد مع إنها صنادق .. جمع صندقه :ضحك: أختي غصن البان كلامك صحيح 100 % بس الحمد لله مساحتي أكثر من 1000 عشان كذا أريد بيت مريح بالدرجه الأولى وحلو أكيد المطبخ اللي نزلتيه حلو واااايد بس أعتقد مساحته أكثر عن 4 في 6 صح ؟؟ كأن العرض أكثر ؟؟muscat boy قول تو أحسن عشان أستفيد من الأفكار :لسان: perfectly imperfect الله يبارك فيج عزيزتي ومشكوره وايد ع الاطراء عجبتني فكرتك بعد .. أنا ما ناويه أحط طاولة طعام فهمتيني غلط .. لا بالعكس بتكون كلها ترفيهيه وأكيد أهم شي تلفزيون بلازما بس أنا وااايد خاطري ف مسبح .. بس للأسف ما أقدر أسويه .. دايما أوسوس من المسابح ... أخاف على عيالي واايد الله يخليهم ويحفظهم .. حديقتي بتكون كبيره شويه .. بس ما أقدر أخاف عليهم وايد بانتظار أفكارك الديكوريه |
نكمل باقي الأفكار ... على جانب المدخل خاطري أسوي هاذي الفتحة الجدارية مع هذا اللوك والاضاءه http://i281.photobucket.com/albums/k...b2a107a08d.jpg هذا المطبخ عجبني واااااااايد لوحده من الأخوات في واحد من المنتديات شو رايكم في لون البلاط ؟؟ تشوفونه أحلى ولا البني الشوكليت ؟؟وكم تعتقدون مساحته ؟؟ http://i281.photobucket.com/albums/k...ntitledwww.jpg http://i281.photobucket.com/albums/k...ntitledrrr.jpg وهذي الصوره خاطري أسوي مثلها للصاله رقم واحد اللي بتكون للعايله اخترتها أرضيه عشان نرتاح فيها أكثر لأن جلستنا طول اليوم فيها http://i281.photobucket.com/albums/k...1153783970.jpg وراح نكمل الأفكار الباقيه في الردود الجايه .. بانتظار أفكاركم :) |
ما شاء الله عليج الغاليه
حلوة افكاري والله يساعدج عالتنفيذ يباله وقفه على الهنود :ضحك: :نطوط: بتابع ان شاء الله |
أكيد الغاليه دمعة شوق
الله يعينا على التنفيذ ومنتظرين مشاركتك |
افكار رائعة جدا
ومنكم نستفيد |
اقتباس:
بالبركه انتي حطي الخريطه وبعدها نحط نحنا الافكار والديكور:كاشخ: |
ما شاء الله على ذوقج وايييد حلو تسلمين على افكارك الحلو و منج نستفيد ننتظر تكملة غرفة النوم و المجلس و الحمامات.....ز
|
الحلوة عدنا
مابا احبطج بس انا اتكلم عن واقع مكان الصاله اللي فوق عيبني وحركه الزجاج عيبتني بس لازم يكون المنظر اللي برع حلو او تعتني بالحديقه الخارجيه للبيت :عيار: ان من رايي فالمطبخ اللون الشوكليت حلو وفيه وايد مثل هالمطبخ واحلى فالمطابخ الجاهزه المعروضه عندهم فالمحلات وبالنسبه للمدخل الرسم اظن موجود فالخوير وعند جوتن بعد ومثل ما وعدتج بكون متابعه وبفيدج باي شي اعرفه وبسالج ان شاء الله |
عزيزتي تسلمي ع هالموضوع المتميز بس ;) خلينا نتكلم اشوي عن هالصور شوفي انا مجال عملي الهندسه وقابلت ناس وناس مصممين بيوتهم من صور عجبتهم او حتى من خيالهم وهذا غلط تعرفي ليش لان احنا لازم نحسب حساب انه هالبيت ما راح يكون لشخصين فقط راح تجي فيه عايله يعني لازم يكون مناسب لبكره الصور هذي ما ننكر جمالها بس ننكر القيمه اللي راح تتحمليها ترا كل شي بحسبه حاليا اشتغل ع مشروع وفكره هالبيت جدا روعه فكري ع نمط حياتك قبل الصور :) |
ألماسة السبله ( اليمامه) مشكوره اختي وااايد ونريد نستفيد منكم بعد غصن اللبان الغاليه المساحه للأرض 1200 أنا اللحين أصمم الخريطه وإن شاء الله نستفيد من بعض بنت ناس تسلمين الغاليه راح أكمل في الردود الجايه بس نبى تفاعلكم وأفكاركم دمعة شوق الغاليه لا تحبطيني ولا شي .. أنا حاطه هالنقطه في بالي :عيار: أنا بيتي بيكون في مزرعه يعني الخضره محيطه في من كل صوب والحمد لله ومشكوووووووره وايد ع رايك في المطبخ .. شو أفكارك للمطبخ من حيث المساحه ؟؟ وبالنسبه للرسم لا تخافي أنا عندي رسام يرسملي على كيف كيفي ومنكم نستفيد في الباقي .. ننتظر أفكارك نبع الوفاء هلا بمهندستنا والله .. إنتي وينج ؟؟ .. أنا من زمان أدور مهندسه عشان أستشيرها .. خذي عاد على نفسك .. بطفربك من الأسئله .. وشوفي الغاليه بالنسبه لكلامك : قابلت ناس وناس مصممين بيوتهم من صور عجبتهم او حتى من خيالهم وهذا غلط أخالفك الرأي عزيزتي .. أكيد بيكون الواحد منا يتخيل تصور معين لبيت العمر ولا ما صار التميز .. وكل واحد على حسب ابداعه يتميز بيته وأكيد هاذي الصور لبيوت انبنت وإحنا ناخذ افكار منها وبالنسبه لقولك : احنا لازم نحسب حساب انه هالبيت ما راح يكون لشخصين فقط راح تجي فيه عايله يعني لازم يكون مناسب لبكره أختي هالوقت اللي تتكلمين عنه بيكون تقريبا بعد 15 سنه لأن أولادي 3 صغار .. ولدين وبنت وأنا عملتلهم 3 غرف .. وخلي ببالك إن الأولاد دايما يحبوا يشتركوا الأثنين بغرفه وبالنسبه للمستقبل .. لا تخافي أنا فكرت فيه زييين .. مساحة الأرض عندي 1200 وأنا راح أبني في 800 م بس وال 400 راح تكون ع جبن البيت يمين غرف الأولاد يعني في المستقبل ممكن أزيد غرف على كيفي .. ولا تقوليلي سويها من الحين مره وحده .. لأني ما مقتنعه أسوي غرف وأقفلها 10 سنين .. حتى الثلاث غرف اعرف حاليا إني بستخدم غرفتين بس .. يعني غرفه احتيااااط وبالنسبه للصور .. أنا خليتهم عشان أستفيد من آرائكم .. ويا ريت نستفيد منك .. يهمني رايك بكل صوره حطيتها ؟؟؟؟؟؟؟؟؟ وياريت تفيدينا بصور من عندك يا مهندستنا حاليا اشتغل ع مشروع وفكره هالبيت جدا روعه تسلمين الغاليه وهذي شهاده أعتز فيها:) |
واااااااااااااااااااااااا ااااااااااو
حلوووووووووووو |
هلا اختي افكارك وايد تجنن بس للأسف انا خلاص ما بتنفعني كثير لانة خلاص جهزنا الحين الخريطة والحين بس باقي نشوف مقاول لكن ما يمنع اني استفيد من بعض افكارك الحلوة مثل باب فاصل سيدار بين الصالات.وعلى فكرة فية تشابة وايد بين تصميمنا وتصميم بيتك
احنا البيت عبارة عن طابق واحد بس فوق بيكون الغرفة الرئيسية مع غرفة ملابس .اما الطابق الأول بيكون عبارة عن مجلس رجال وثلاث صالات مفتوحة وكل صالة تنزلها بدرجة واحدة وتكون صالة وحدة للنساء (الضيوف) وغرفتين نوم للاطفال ومطبخ ومخزن. والمدخل يكون قدامة قوس وعلى جانب المدخل يكون فية فتحة مثل الصورة اللي انتي نزلتيها وبعدين تنزلي درجة وحدة للصالة الاولى وعلى ايدك اليسار الصالة الثانية(صالة للضيوف) وتنزلي درجة ثانية وتجي الصالة الثالثة اللي بتكون للعائلة واسوي فيها تلفزيون بلازما كأنها سينما وفية قوس قدام الغرفتين .وبالخارج بيكون فية حوض سباحة وحديقة للاطفال + جلسة للكبار. شو رأيك |
ماشالله تبارك الله افكاااااااااااارج تجنــن ,,
ان شا لله لــي عودة مع شويــة افكــار ,, وموضوعج بيفيدني اكيــد لانـنا بنسوي صيانة للبيت فييها توسيــع وتصغير وتكسير وتقليــع ,, عالعموم ,, اي استشاارة ديكوريــة في انواع الستاير او الالوان او الفرش وطريقة التنسيق اختكــم سينيوريتا تحــت امركــــــــــم وان شا لله يكون بيت عامر بذكر الله يا قلبي |
1 مرفق/مرفقات
احنا بعدنا في مرحلة البناء.. بانزل كمين صورة و محتاجة اراءكن الجميلة و بعض الافكار..
اول شئ ما زلت افكر فيه هو افضل لون لسور الدرج مع تصميم مميز .. الى الان محتارة في اللون هل اعمل لون ذهبي ام فضي ام ملون .... ? حاليا افكر نضبخ الجدران بلون ابيض مزخرف بلمعه او اصفر فاتح مزخرف لنقوش لامعه ... هذا داخل المنزل..خارج المنزل نفس الشئ.. ما عارفة باي لون راح اضبغ اسوار المنزل في البلكونات ?افكر الضبغ الخراجي بيكون تدرجات البني مع الرمادي.. هذي صورة درج المنزل .. دائري شوي.. ملف مرفق 192106 |
الحين نكمل باقي الأفكار : نجي لواجهة البيت عجبتني الواجهه نفس هالصوره طبعا التصميم الأوربي ممنوع معنا في عمان فانا ما بسوي اللي فوق بسوي نفس الحركه قدام المدخل الرئيسي وحركة الأقواس قدام المجلس بعد حلوه على فكره أنا مفكره أسوي المجلس نفس هالصوره ع جنب البيت .. http://i281.photobucket.com/albums/k...villa50-vi.jpg وهالواجهه رووووووووووعه من سنتين ظامتنها لبيت العمر بس طبعا وااايد مكلفه وصعبه نسويها:حزين: شو راي المهندسات ؟؟؟؟؟؟؟ http://i281.photobucket.com/albums/k...R-PH-CO-LG.jpg بالنسبه لغرفة النوم الرئيسيه .. عجبتني هالألوان اللي في الصوره وايد .. بس أبو الشباب ما مقنع يقول ما حلو الأخضر :حزين: http://i281.photobucket.com/albums/k...ah777/8738.jpg وهذي الغرفه للمكتب .. بس ما وايد عاجبني .. يا ريت اللي عندها صور حلوه تفيدنا .. http://i281.photobucket.com/albums/k...f9fac00e52.jpg |
لمعة الماسه تسلمين الغاليه وألف شكر ع المرور شهرازد تصميمك رائع جدا كان خاطري أسوي 3 صالات ووحده أخصصها للضيوف بس الامكانيه تكفي صالتين حبيبتي أنصحج تكبرين الفتحه اللي لصالة الضيوف اللي بتركبين فيها الباب وتسوين فيها باب سيدار تصكريه لما يكون فيها ضيوف والأوقات الثانيه تكون مفتوحه بحيث تعطي اتساع للبيت وبعد تستفيدين في المناسبات منهم وفكرتك فوق نفس فكرتي بس غيرت تحت عشان ما في للطلعه والنزله وبالنسبه لغرف الطفال لو تزيديهم لثلاثه أفضل عشان تكفي أولادك في الوقت الحالي يا ريت تنزلي صوره من الخريطه ع العام أو الخاص عشان نستفيد منها ولي عوده للرد على باقي الردود .. الحين مشغوووله |
بحط بعض الافكار
نفكر نبني توين فيلا يعني فيلا طابقين للسكن والباقي شقتين للمستقبل عيالنا ان شاء الله اذا كبروا بالنسبة للفيلا الطابق الارضي مجلس وحمام وغرفة نوم بحمام وصالة جانبية مع مطبخ ومخزن وغرفة شغالة بتكون صغيرة بحمام لان الشغالة ما اتطمن اخليها خارج البيت بروحها تعرفن سوالفهن الطابق الاول غرف نوم غرفتي الرئيسية طبعا اريدها غير والصورة اللي حطيتيها يالجمانة قريبة من فكرتي شوي انا افكر غرفتي اول ما تدخلي من الباب صالة طويلة وفيها جلسة وتلفزيون وجانب اليسار مدخل يوصل للحمام وعلى يمينك اول ما تفتحي الباب في باب لغرفة تبديل الملابس المهم مقابل الباب اول ما تدخلي الغرفة قوس وفيه درجتين يوصلك لباقي الغرفة ما اعرف كيف اشرحها بس ان شاء الله تفهموا المهم بعد القوس يمين في سرير ومقابله التسريحه ويسار الكبت وفي جلسة بسيطة نفس الجلسة اللي فالصورة اللي حطتها الجمانة ويكون في زجاج مثل الصورة احيانا افكر يكون عليه رسم للطبيعة يعني كأنها حديقة بس مش حقيقية صورة فقط أما خارج البيت غرفة فيها حوض سباحة وحديقة اطفال طبعا اللي عندها افكار احلى تضيفهن |
موضوع راااائــع ولي عودة باذن الله..
|
SeNoR!Ta تسلمين عزيزتي ويا ريت إذا عندج صور لستاير فخمه للمجالس والصالات تنزليهم بس ما ودي بالستاير اللي يجي فوقهم جبس .. أتمنى فهمتيني أنا بنزل صورتين .. والباقي عليج BSSB شو تقصدي بلون السور ؟؟ قصدج الحديد المشغول ؟؟ أنا عندي بعض الصور بنزلهم لج إن شاء الله وبالنسبه للأصباغ فضيييعه الصبغه اللي تقولين عنها أنا مخططه أسوي صبغات الصالات والمجالس بيج مزخرف عشان ممكن تنسقي عليها أي لون للأثاث .. يا ريت لو عندج صور للصبغات تنزليهم وبالنسبه لصورة الدرج ما فتحت .. يا ريت تنزليها مره ثانيه بالنسبه للجدار خارج البيت .. أنا ناويه أسويه رخام أردني أو صبغ بيج فاتح والبلكونات بني شوكليت ..شفت هالصبغه على واحد من البيوت فظييييييعه وبانتظار الصور ألماسة السبله ( اليمامة) عزيزتي فهمت قصدج يعني غرفتك بتون عباره عن صاله مقابلها قوس بعده أرضيه نازله فيها غرفة النوم بس ليش تسوي جلسه صغيره ما دام بتسوي صاله في الغرفه ؟؟ حلوه فكرة الزجاج وايد يا ريت ترسمي رسمه بالقلم الحبر لغرفتج وتنزليها لنا في المرفقات ؟؟ أم سليماني بانتظار عودتج |
جميل جدا بس للاسف بيتي جهز فيه صالتين مفتوحات ع بعض وادور عل ديكور جبس الي عنده يفيدني ع الخاص بلييييييييييييييييييييييز لان صالتي عباره عن اعمده واقواس صاله جلوس العائله وفي الوسط درجة للصاله الضيوف نساء اريد ديكور جبس للي تعرف وتفيدني بسرعه ع الخاص
|
يا خسارة بيتي جاهز ما باقي الا الاصباغ
بصراحة افكارج بقمة الروعة |
| جميع الأوقات بتوقيت مسقط. الساعة الآن 12:25 AM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها