في بنت محترمه تدخل المنتدى بعد 12 بالليل ؟؟!
الســــــــــــلام عليكم
اخبااااركم ان شااء الله تماا م أكتب اليوم موضوع نتناقش فيه لأنه يحمل قضيه قابله للنقاش .. باختصار هو موضوع ينرفز شوي لأنه فيه قسوة بالحكم المطلق عالبنات أو خلينا نقول يحمل علامات التعجب والاستفهام في نظرة الشباب للبنات اللي يدخلون المنتدى بعد الساعه 12 بالليل .. انا بكتب لكم حوار صار لوحده من البنات في احد المنتديات ..وهذا الحوار هو اللي خلاني أناقشكم فالموضوع >< للتوضيح : الحوار كان في الرسايل الخاصه بين عضو وعضوة في أحد المنتديات وطبعا مايعرفون بعض . وكان الحوار كالتالي : الولد : السلام عليكم يالغاليه .. ممكن نتعرف فديتك !! << سخاااافه البنت طااف ( يعني ما ردت على رسالته ) الولد : صووبنا يا حلووو .. ممكن اتعبرينا شوي.. والبنت بعد طاااف .. الولد : انزين ليش جايه انتي .. مافيها شي لو رديتي علي .. يعني انا أعرفك ولاأعرف أهلك .. عادي عادي ردي يالغاليه لا تكونين معقده . اعلانات .. << وقاااااااحه بجد البنت ملت من الرسايل .. عاد فوق العشر رسايل ورا بعض وبنفس الوقت .. من أول ما تدخل المنتدى وهو هالكها بالرسايل. البنت : وعليكم السلام أخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى أرسل رساله واذا ماعندك شي مهم رجاءً لااترسل لي شي .. الولد : ههههههههههههههههههههههههه هههههههههه إحلفي ؟ ترى صدقتك ..عاد تبين اتبينيلي انك وحده محترمه هههههههههههههههههههه هذي حركاتكم يالبنات .. لازم أول شي اتخلون عماركم شريفات وعقب يبين المستوووووور خخخخخخخخخ أجل داشه بهالوقت للمنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه 12 خخخخخخخخخخخخ والله انكم حااااله .. <<عقول سقيمه بجد .............. وانتهى الحوار لـ هذا الحد .. لانه البنت مصدوومه من نظرة الشباب للبنت اللي تدخل المنتدى فـي وقت متأخر من الليل !!! وقامت وأرسلت الرسايل الخاصه كلها لمديرهم .. واتصرف فالمووضوع بنفسه . طويلين العمر .. أسئلتي اللي تطرح نفسها الحيــــــــن .. هل فعلا نظرة الشباب للبنت اللي تدخل المنتديات أو الشبكه العنكبوتيه بعد الساعه 12 تعتبر بنت مو محترمه ؟؟؟ وهل فعلا هذا تفكير كل الشباب حتى لو كان دارس بأمريكا أو حتى لو جزء من تفكيرهم؟؟؟ انزين ولو كان هذا هو تفكيرهم ؟؟ ممكن ياللي انتم منهم تعطونا الأسباب والمبررات اللي تخليهم يفكرون بهالطريقه؟!! الصراحه أنا راح أصدمكم إني ما نصدمت من هالشي لأنه فعلا هالنظرة لازالت موجوده بمجتمعنا العماني حتى هذه اللحظه .. حتى وإن أنكرنا هالشي أو استحينا منه أو جاوبنا بأجوبه دبلوماسيه .. بس هل يعني هالشي إنه للاحترام وقت معين وانه بعد 12 بالليل ينتهي دوام الاحترام ؟؟ ومو المفروض إن الاحترام ينعرف أو يفرض نفسه من الاسلوب في التعامل ؟؟ أبي منكم ولاأمر عليكم إجابات ونقاشات لـ هالاسئله ..؟ وتقبـــــــــــلوا خالص أمنياااتي لكم بالتوفيــــــــق |
ما اعتقد الوقت يفرق في زياده او نقصان الاحترام
|
شو فيها؟!ليش كل شئ البنت تسويه لازم تقولوا انه غلط..
|
بس هل يعني هالشي إنه للاحترام وقت معين وانه بعد 12 بالليل ينتهي دوام الاحترام ؟؟
والله الاحتراام اي وقت والمحترم يحترم وما اظن الوقت يدخل فالاحتراام وغيره ومو المفروض إن الاحترام ينعرف أو يفرض نفسه من الاسلوب في التعامل ؟؟ اكيد اصلأ الشخص من تعامله واسلوبه مع الاخرين يفرض احترامه عليهم |
شي جميل جدآ وعادي البنت تسهر بالانترنت لانه موضه
|
اقتباس:
مدري :غاضب: يحسبوا كل البنات نمونة وحدة فيه المحترمات وفيه المايعات الله يهديهن شكرا عطر ع المرور |
اقتباس:
هذه الكلام الصائب أبو الحارث شكرا ع مرورك |
اقتباس:
فالنهاية كل واحد له رآي شكرا ع المرور |
،، |
اقتباس:
آذن تقولي لا يوجد بنت محترمة تدخل بعد الساعة 12 بالليل ..؟؟ كذا قصدك ؟؟ وهل كل البنات يغلطوآ بعد الساعة 12 ؟؟؟؟ البنت المحترمة والي حاشمة عمرها يا أكسجين الامة هي الي ف كل الاوقات محترمة مو بالنهار محترمة وبالليل لا ...! المسألة مسألة الوقت يعني؟؟ دخلت بعد 12 خلاص يعني مو محترمة للأسف يا أكسجين الامة تفكيرش محدود جدا جدا وجاهل بس طبعا وجهة نظرش وآتقبلها من دام أنا طارحة الموضوع ثآنكسس ع المرور عيوني ;) |
شي اكيد محترمات يدخلوا ببالليل
ع حسب البنت ونوعها |
اقتباس:
|
اقتباس:
ترى قلتها محترمة < تظل طول الوقت محترمة < مما يأثر يها وقت ما وقت سلمتي ع المرور سبأ |
ههه أما صرااااحة شي عجيييييييب..
سبحان الله يعني البنت الي تدخل من غبشششة هاذي وحدة محترمة وما عليها حرركات لكن وحدة داخلة بعد ال12 صارت وحدة ما فيها ادب و و و انا استغرب من بعض الناس ع أي أساس يقيموا ادب الشخص او اخلاقه؟! ف النهاية يضل الشخص المحترم محترم مهما كان الزمان والمكان والي مو محتررم رح يكون مو محترم لو كان مكبووت بمكاااان ما فيييه لا نت ولا اي شي من هالسووالف وطبعا وجهة النظر هاذي تنطبق ع البنت بس اما لو كان ولد لااا فهو محترررررم لو يدخل 4 الفجرر وف النهاية كلن يرى النااس بعيين طبعه |
اقتباس:
سبحان الله اقولش ترى البنات الي مسويات علوم ورغديات يقولن ماشي محترمات يدشن النت بعد الساعة 12 هذيلا الصيع يقولن كذا يحسبن كل البنات نفسهن والله حالة :مفتر: |
اقتباس:
صحيح كلن يرى الناس بعين طبعه ... اقتباس:
:مستغرب: |
اقتباس:
^^ شكرا ع المرور المهم |
محد له شغل كل وااااااااحد عليه بنفسه
|
اقتباس:
كلامك صحيح .. شكرا ع مروروش |
اقتباس:
:متفكر::متفكر::متفكر: شو يعني |
احم كأنهم يسبونا بطريقه غير مباشره
|
اقتباس:
صح :نطوط: |
اقتباس:
ما عطيتينا رآيش :كاشخ: |
اذا البنت واثقة من نفسها ما تبالي لمثل هالنعوعية من ناس.. كل واحد وتفكيرة ..
عن نفسي ما احكم ع البنت من جلوسها ع النت .. نحكم ع سوالفها ف النت .. |
اقتباس:
مشكور اخوي ع المرور |
ههه هذي احدث صرعات العصر ، ليش هو المنتدى سوق ولا كافيه مثلا خطأ البنت تدخله بعد 12، لو يقولون لازم نلبس عباية وشيلة واحنا فاتحين المنتدى بعد الساعة 12 ، محد يدري امكن الشاشة يطلع فيها عيون :مفتر: ، |
اقتباس:
لا ونتي الصادجة بيت دعارة :كاشخ: ثآنكس عيوني ع المرور |
الولد هذا لو جابوه عندي دواته بو عشرة بين عيونه ههههههههههههههه ويش هذي السخافة
يعني الاحترام له وقت معين تشوفه واحد واطي ما مخلي شي من الحرام ما سواه عشان كذا يشوف للبنات كذا شكله غرقاااااااااااااااااااان يعني لو دخلت الساعه 10 الصبح وغازلته بيكون عادي محترمه ؟ والبنت ردها عادي ومحترم ما غلطت بس كلن يعني على ليلاه هههههههههههههههههه |
اقتباس:
:كاشخ: هيك أبآش ؛؛ للآمـآم دآيما :متفكر: |
في بنات ما فيهم ذرة حيا و يدخلو ساعة 12 الظهر مو رايكم !!
ههههههههههههه و الله حالة |
جميع الأوقات بتوقيت مسقط. الساعة الآن 02:06 PM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها