|
منتجع الحواس الست بولاية دبا ......
اهلين بأعضاء سبلتنا المتميزة .......
اذا حد ممكن يفيدني كان زين .... اريد اعرف اذا زرتوا هالمنتجع بولاية دبا انا شفت صوره بالنت روعه صراحه .... بس كيف ممكن نوصل له يعني توصفولي الطريق وهل ممكن سيارة صغيره توصل والا لازم دفع رباعي .... وزين بعد لو اعرف الاسعار اذا رحتوا فيه ... واذا ما عليكم امر اريد اعرف الاماكن السياحيه الحلوه بمسندم ...... واشكركم جداً لو ساعدتوني اعزائي ............ |
معقوله ما حد عنده معلومات عن مسندم وين اهالي مسندم ..........
|
صحيح إن المنتجع المذكور جميل، وعلى حسب معلوماتي أسعار المنتجع لا تقل عن 200 ريال عماني لليوم الواحد ..
|
المنتجع رووعه
ومممكن تتصلي بالبدالة عشان تاخذي ارقامهم بالنسبة لمنتجع الحواس الست يقع بدبا في الثغر الجنوبي لمسندم طريقة الوصول لدبا : من مسقط - خط الباطنه مرورا بصحار حتى مركز خطمة الملاحة - وتعدين الحدود وتدخلي كلبا وتكملي طريقج الساحلي ( بس حاسبوا ع الردارات المتحركة ) كملي طريقج سيدة لين توصلي الفجيرة ومن بعد الفجيرة طبعا اللوحات الأرشادية رح تساعدكم ورح تكملي لين الخور ( خور فكان ) وانتي واصلة خور فكان يمكن تمري ع ولاية مدحا تراها ع الشارع يمكن تاخذين لفه فيها ... وتكملي لين توصلي دبا الفجيرة وبعدها سيري صوب مسجد الشيخ زايد لين الدوار وبتدخلي دبا البيعه ومرحبا بج بمحافظة مسندم ... الطريق 2 : لو كنتي يايه من صوب دبي سيري على شارع الأمارات وانتي متجهه على صوب رأس الخيمة تقريبا رح تسيري 40 كيلوا ورح تحصلي لوحه ارشادية مكتوب عليها منتجع الحواس الست ( زغي ) واسلكي هالشارع اللي رح يكون مخرج ورح الطريق سيدة لين ما توصلي دوار الطوييين وبعدها كملي لين توصلي دبا مباشرة ... طريقة الوصول للمنتجع : اولا ينصيح بالسيارات الفورويل لو كنتي تبي تسيرين بسيارة ... وثانيا : لو ما عندج فوريل عادي هم يوفروا نقل بحري من ميناء دبا لين منطقة زغي اللي فيها المنتجع ... وبعد في طريقة ثالثه لو كنتي تعرفي تنزلي بالبارشوت هي تنزلي جوا خخخخخ والمنتجع حلو وهالأيام اسعاره مناسبه ... بسس احسبي احسابج انه هناك ماشيءء مطاعم غير مطعم المنتجع .... بسسس مكان مثالي لللتكيييف والتخيييييم تقبلوا تحياتي ولو عندج اي استفسار تفضلي تحياتي |
صح نسيت
المناطق السياحية بمسندم دبا اكثر شيءءء منتجع الحواس ست واذا زرتي مسندم لازم تزوري خصب لأن فيها ثلاث مناطق يبالج تزوريها خور نيد ( خور نجد ) ... منطة يبلية وهي عبارة عن خور معروف ومشهور بخصب ويبالج سيارة فور ويل عسب توصلي له .. والرحلات البحريه ... طبعا بخصب الكثير من المكاتب السياحية .. من توصلي خصب والأسعار هالأيام اوكي ... وتقدروا تشوفوا خور شم والدلافين صوب منطقة مضيق هرمز.... وبعد رحلات السفاري لجبال احريم بمنطقة السي حلوة ... من المكاتب السياحية بخصب خصب للسفر والسياحية خطوط هرمز للسياحة بحر خصب للسياحه خور شم للسياحة والدولفين للسياحة ومغامرات بحر مسندم للسياحه وتحياتي الشحي |
ما قصرت الذيب
مرة عملت بحث في جوجل وحصلت ارقام المنتجع في منتدى .. بس الأخت تتصل ع البدالة وراح يعطوها اذا ما تريد بدالة جوجل . هع |
اقتباس:
مشكور يا الشحي ما قصرت ..... |
|
| جميع الأوقات بتوقيت مسقط. الساعة الآن 01:02 AM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها