الإنتداب إلى مدرسة ما شروطه ؟؟
 

السلام عليكم ورحمة الله وبركاته
تقبل الله صيامكم وقيامكم وصالح أعمالكم.
لو سمحتوا ماهي شروط إنتداب المعلم إلى مدرسة خارج منطقته؟
ومتى ينتهي ؟
ولكم جزيل الشكر

وعليكم السلام مساااعد .
الانتداب اموره سهله بس هذي السنه سمعت انه موقف بقرار من الوزير والله اعلم .
انا السنه الماضيه خذيت انتداب .
لكن لازم يكون عندك بديل حج الانتداب .
تقدم رساله للمديريه التابع لها مفادها انك تريد تنتدب للمنطقه الفلانيه بدل الاستاذ الفلاني وتكتب فيها اسباب طلبك للانتداب .
عاد هم يخاطبو المديريه الثانيه للمعلم التابع لها ........ واذا صدرت الموفقه تراه عاد يرفعوها للوزاره ويصدر القرار ان شاء الله
الموضوع شوي يطول واذا عندك احد في الوزاره يمشيلك موضوعك تراه بمره يخلص .


اما متى اخرى فتره للانتداب بصراحه ما اعرف .
انا فمثل هذي الفتره قدمت طلبي وبتاريخ 1 / 11 داومت فالمدرسه الجديده يعني تقريبا شهر ونصف .

الله يوفقك .

أشكرك أستاذ قصي على التوضيح بس هل ينفع الإنتداب مع معلم متوظف جديد ما صدر قرار تعيينه ؟

اذا هو خلاص متعين وعارف المدرسه الي بيداوم فيها عادي

الانتداب فترته تعتمد على المدرس إللي إنت منتدب بداله لحد ما يرجع وبعدين بيحسبولك عدد الحصص أللي درستها ف الفترة وعليها يحتسب أجرك حتى سنة يوصل الانتداب عادي
الصفوف سادس وتحت سعر الحصة ريالين ونص
والصفوف سابع وفوق سعر الحصة ثلاث ريال

أنت في وادي وإحنا في وادي آخر
إحنا نقصد الإنتداب بين معلمين رسميين ما نقصد واحد ما متوظف خير شر . عموما شكرا على المشاركة

احنه نقصد للمعلمين المتعيين اختي ....... انتي قصدك بالاجر اليومي .

ايوه ينفع اهم حاجه يكون موقع مباشرة عمل في المدرسه .

عسى تركب الأمور وأشكرك من أعمق نقطة في قلبي

انا رحت المديرية الاسبوع الماضي و قالوا ما ينفع انتداب

ليش ؟؟؟
وهل كان عندك بديل للانتداب او لا ؟؟

الله و اعلم
اللي رايح زوجي وقالوا له ماينفع و حتى ما سالوه ادا فيه بديل او لا؟:متفكر::غاضب::حزين::منتزق: :مستغرب::مستغرب::مستغرب::معص� �::مفتر:

تعبنا من قراراتهم كل حد يشتكي منهم ما شيء معلم راح يخلص معاملة إلا وقالوله لكن ...
حتى لو تشل البديل معك بيطلعوا قانون ما يتعايوا أهم شيء عندهم أن المعلم ينذل ويتبهدل

لا وازيدك من الشعر بيت
حتى لما نطلب نقل يحسبوها علينا و يعصبوا في وجوههنا كان نشحت منهم و لا و المصيبة يريدوا يطبقوا نظام التدوير