أحذروا من سيارات نيسان !!
 

أنا زبون سابق لدى وكالة نيسان ......


حبيت أشارك مع إخواني في السبلة عن تجربتي مع هذه الوكالة علشان الجميع يستفيد ويعرف ايش اللي جالس يسويه قبل ما يتورط ويشتري سيارة من هذي الوكالة .....

أول شي نتكلم عن الخدمة ..... هذي الخدمة وحدها نقدر نتكلم فيها سنة كاملة ..... لنها بصراحة صايرة قصة ألف ليلة وليله .....

التأخير طبعا ببيسة .... لما تروح تسلم ولا تستلم سيارتك كأنك رايح تشحت منهم فلوس .......

النقطة الثانية .... تكسير السيارات ..... ( أنا بنفسي كنت رايح أستلم سيارتي من وكالة نيسان ... وأنا داخل المواقف مال سيارات الصيانة مالهم ...... إلا وأشوف هندي بلباس النيسان يرجع لورا بسيارة زبون ألتيما جديدة ...... ويحكها على الرصيف لدرجة انه صبغ السيارة طاح !!! :منتزق: وأنا هنالك منتزق ......!!! والرجال بعدها وقف السيارة وراح كنه العيد !!! يعني اذا تعاملهم مع سيارات الزباين بهذي الطريقة ... ايش تتوقع من هالناس ؟؟ :مستغرب:

حتى في مرة أنا كنت مودي سيارتي السرفس ... ولا رحت أستلمها ..... ألاقي المقبض مال الباب الخلفي مكسور ومحطوط تحت السجادة ّ:مستغرب: حتى أنا ما لاحظت الا يوم رجعت البيت ..!!!

يوم رجعتلهم قالولي ما يقدروا يسووا شي لنه السيارة طلعت من الوكالة ومافي دليل انه هي الشي صاير معهم ّ!! :منتزق:

وعلى فكرة لو تقرون الأخبار شركة نيسان العالمية بدات تستدعي ألاف السيارات علشان تصليح أعطال فنية في السيارة ..... ولكن لا تتوقعوا انه بيكون في استدعاة في عمان ..... لنه حتى لو تكسرت السيارة لقطع صغيرة في الشارع بيقولوا انه العمانيين ما يعرفوا يسوقوا :حزين: !! ما بيعتلروفا انه سياراتهم تعبانه !!

أنا بصراحة ندمت أشد الندم ليش اشتريت السيارة من هذي الوكالة التعبانة .... وحبيت أشارك بوجهة نظري علشان الناس تعرف ..

وشكرا

معنا سيارة 2009 وفيها مشكله وصارلنا اشهر نضاربهم اوين الضمان ما يشمل القطعه اللي لازم يغيروها
والغم ما متاكدين يريدوا يجربوا

صراحه مذله هم وال20 ولا ال30 الف مل الصيانه مالهم

احسن سيارات نيسان لو ماكانت نيسان ماشي جير ون ماشي زد ماشي فور ويل ما شي صناعه يابانية اصيله ماشي ذوق عندك
اسف اخوي بس هذي الحقيقة

صبغ يطيح نكته العصر اضن ان الصبغ يزيل الانه سائل مش جماد

الحمدلله أنا ما تعامل مع هذي الوكالة


تويوتا وبس

الياباني كله اصيل حتى التيوتا

يعني ما تريدونا نشتري تيوتا ولا نيسان ولا ولا ولا
احسن شي اشتري سيكل واسوي صيانه مال عشر دقايق

هاهاها اشتري على كيفك اخي ماحد مانعك حتى النسان

بصراحة النسيان وتويوتا وهوندا من احسن السيارات اخوي بس شويه النسيان بصراحه الكهربه فيها تعبانه بس ما كل السيارات النيسان بعضها ما توصل كهربه زين وانا استعملت سيارات نيسان بس بصراحه ما فيهن اي مشاكل يمكن موظف او عامل ما يشتغل زين بس ما يصير نعق الؤم على شخص او فرد والخلاصه سيارات اليابانيه من احسن السيارات من ناحية الجوده والصنع وهذه وجهة نظري

يعني خلا ص ما راح يصنعو النيسان تعاملنا مع النيسان من زمان ولا اشتكينا من شي وفيه قسم خاص اشتكي فيه اذا ما عاجبك الوضع

لا تعليـــــــــق

عمبر اخو بلال تويوتا ولا نيسان ولا هوندا
كلهن نفس الشي
حتى انا مجرب

لا تعليق

حلوة الكلمة اللي باللون الاحمر:ضحك:

انان عندي التيماا
وصراحه خدمه حلوووه
ومافيها اي شي وقبل ما يستلموا السياره يجي هندي وياخذ لفه ويسجل وانت توقع وتطلع وتسلمها ويقولون لك كذا كذا كذا وتوكل ع الله وسياراتهم ممتازه ....... وانا اقول الحمدلله ان خذيت التيما

ماشي غير الامريكي
تسوي له صيانه قي بيتكم

رد
 

نفس الشيء واجهت عدة مشاكل في وكالة نيسان
موديل2010
والسيارة فيها أعطال ولم تتعدا 1000كم
وتبهدلت من سوء المعاملة
والأعطال تتمثل
1-تفاجئة بأن اليوم الثاني السيارة ماتشتغل أبدا
2-صوت الجانمبينات
2-صوت في المحرك

للأسف خدمات نيسان ماراضيه تتفهم الوضع أبدا

وانصح جميع الأخوة بعدم الإقتراب من سيارات نيسان أبدا

شكرا اخوي لطرح الموضوع

بس بامانه انا واخواني عندنا سيارات كلها من نيسان من2006 الى 2010
وما شفت معاملة افضل من معاملة نيسان

بالرغم اني تعاملت مع مجموعة OTE وتويوتا ولكن شفت المذله بعيني من اسلوبهم ومعاملتهم وتخبطهم فالنظام

ولكن مع نيسان شفت الاحترام والانضباط فالوقت والامانه فالتعامل وما أشتكينا باي شي فالسيارات

وللعلم انه نيسان عندهم خدمة الزبون الخاص راح تحصل من عندهم معاملة خاصة جدا جدا وخصومات فكل حاجة

ولو تشوف الفرق بين نيسان لما كانت للحشار والحين لما ضمن مجموعة سهيل بهوان راح تحس بأن فيه فرق كبير صاير

ف اخوي اذا كان شفت من فرع معين مشكلة ف تقدر تقدم شكوى ضدهم بس ما تعمم ع الشركة بشكل عام لانه راي الاغلبية انه نيسان ما عليها اي كلام

إذا كان هذا حال وكالة النسيان فما بالك بوكالة الزبير (مستوبيشي البيحو الكراسيلر والدودج وغيره من أنواع السيارات) تخيل المعاناة معهم ... حدث ولا حرج

اخرى الوكالات فالتعامل الزبير والOTE كل احد يعرف والله النيسان جنه مقارنه بهذول الثنتين جرب وبتشوف ولا اقولك ارضى بمجنونك لا يجيك اجن منه

عاد تعالو المازدا صار لي موقف هالايام _ _ طلعت مازدا 6 وقالو لا تسأل عن شي ل40 الف بالاضافه م ضمان 5 سنوات تو وصلت 40 الف ولما شليتها قالو تدفع لبعض القطع لانها عليك ?? تخيل عاد كم ? وبيغيرو من السيرفس 10 آلاف الى 5 آلاف ولان انا بدفع ومع العلم نفس الزيت _ يضخكو علينا والوكاله تصلح جميع انواع السيارات ما كنها وكاله مازدا والمعامله زفته زفته لا تنظيم ولا تنسيق _ بالمقارنه تعالو شوفو الكزز الترحيب والاستقبال والحجز لسيرفس وسياره بديله و و و _ احسن من اي وكاله اتحدا اي شخص وهذا واقع*

انزين أخوي لا تعصب..........:نطوط::نطوط::نطوط:

عندي مكسيما 2002 والكل يشتكي من الكهرباء وانا الحمدلله ماشتكيت منها مادري ليش يقولوا كهرباء !!

انا اسوووق من10سنوات مكسيما ما صارلي شي

ماشي منه:معصب:

أنا تجربتي مع فرع العذيبة ,,,,, وشفت هنالك أنواع من المذلة ..... بصراحة خلتني ألعن اليوم اللي قررت فيه أشتري سيارة نيسان .... تعامل زفت ودائما سيارة ما تطلع من عندهم صاحية ... لازم فيها عوق ...