التداول الإلكتروني عن طريق بنك مسقط (بيع وشراء الأسهم بالنت)
السلام عليكم اخواني ،، ناوي افتح حساب وساطة مع بنك مسقط عشان ابيع وأشتري أسهم عن طريق الانترنت وعندي بعض الأسئلة ياليت تفيدوني والأسئلة هي :
ما هي نصائحكم لي مع العلم أنني مبتدئ؟ اذا اشتركت بكم أبدأ يعني بأي مبلغ يفضل اني اشتري وأبيع أسهم؟ هل هذه التجارة مربحة ؟ ممكن حد يضرب لنا أمثلة ؟ يعني اذا اشتريت مثلا أسهم معينة بسعر معين وبعتها بسعر معين كم الفايدة اللي تحصلها؟ هل يحتاج لك جهد كبير عشان تتاجر إلكترونياً بالأسهم وتحصل فايدة ولا هي مجرد جلسه عالنت ومتابعة السوق وكيف الإجراءات؟ هل في الموضوع مخاطرة من أي ناحية كانت؟ ماهي نصائحكم العامة لي ؟ |
Uppppppppp
|
متابعيييين
|
اذا كنت مبتداء اخوي لا انصحك بالتداول الالكتروني مباشرة
حاول تتعامل مع وسيط لحد ما تتعود وتفهم اللعبة وتحفظ الاسعار والشركات وبعد شهرين او لحد ما تكون قادر تتعتمد على نفسك تطلب تداول الكتروني واسأل كم نسبة الفائدة ببنك مسقط للتداو ل الالكتروني النسبة لاغلب الشركات 4 ريال لكل الف ريال. مثال اذا اشتريت بنك صحار 10000 سهم بسعر 0.220 وتم البيع بسعر 0.226 راح يكون مبلغ الشراء 10000 * 0.220 = 2200 ريال عماني العمولة للبنك او الشركة 2200 ريال * 0.004 = 8.8 ريال فقط يعني راح تكون اشتريت 10000 سهم بسعر 2200 + 8.8 = 2208.8 ( تجمع مع مبلغ العمولة) عند البيع ونفترض تم البيع بسعر 0.226 بيع 10000 سهم * 0.226 = 2260 ريال عماني العمولة 2260 ريال * 0.004 = 9.040 ريال يعني صافي البيع بيكون 2260 - 9.040 = 2250 ريال و 0.960 بيسه ( نطرح العمولة) الصافي والربح من عملية البيع والشراء = 2250.960 - 2208.8 = 42.16 فقط 42 ريال و 0.160 بيسة وبالتوفيق اخوي |
شرح جميل اخي ، بس في أسئلة :
بكم تنصحني أبدأ؟؟ وهل يحتاج لك جهد كبير عشان تتاجر إلكترونياً بالأسهم وتحصل فايدة ولا هي مجرد جلسه عالنت ومتابعة السوق وكيف الإجراءات؟ ننتظر مزيد من التعليقات |
اخوي oma1010 شوف كـ بداية انا انصحك انك ماتشتري على طول
حدد لك هدف بخمس شركات في البداية .. وراقب تحركاتها لفترة اسبوعين وتخيل انك تمتلك مبلغ 1000 او 10000 ريال وتبيع وتشتري فيه تابع التحليلات وكتابات الاخوة المخضرمين مثل البابلي والخبيصي ولا هانوا بقية الاعضاء .. بعد هالاسبوعين شوف حساباتك "الوهمية طبعا" وشوف اذا انت رابح او خسران اذا شفت الربح وانت متأكد من انك استفدت وتثقفت في سوق الاسهم توكل على الله واذا شفت الخسارة حاول تعرف وتتعلم على غلطك وين وحاول مره ثانيه بالنسبة للتجارة الالكترونية ومن خلال الانترنت .. من عرفت سوق مسقط للاوراق المالية وانا ماتعامل الا بهذي الطريقة ^^ يعني في الاول والاخير الموضوع يعتمد على خبرتك في سوق البورصة .. سواء كنت تبيع وتشتري من الوسيط مباشرة او من الهاتف او الانترنت تعددت الاسباب والموت واحد هههه تقبل مروري واعذرني على الاطالة تحياتي لك |
جميع الأوقات بتوقيت مسقط. الساعة الآن 02:50 PM. |
Powered by: vBulletin Version 3.8.11
Copyright ©2000 - 2024, Jelsoft Enterprises Ltd.
لا تمثل المواضيع المطروحة في سبلة عُمان رأيها، إنما تحمل وجهة نظر كاتبها