افيدوني بنتي ما تأكل لقمه

[جلهنار]

بنتي عمرها سنة وشهر
كان صحتها مثالي تتغذى زين والحمدلله بس من كملت 8 اشهر لحد الحين وهي ما ترضى حتى تفتح فمها وما زاد وزنها ابدا والعكس كانت وزنها 10 كيلو والحين 9 يعني البنت صار لها 5 اشهر وهي ترفض تأكل والحليب بضرابة وتشرب 2 اونز وخلاص جربت كل شي اعطيها وديتها المستشفى عطوها فيتامينات بس ما ترضى تشرب بس اشربها تزوع :حزين:

افيدوني الله يخليكم

[THe Pride]

حبيبتي حصنيها البنت واقراي عليها دوم..
وديها عياده يمكن يعطونها فاتح للشهيه
لما تعطينها الوجبات غيري لها الاماكن..

[الساهر الشاعر]

عادي اغلب الاطفال يمروا بهالمرحلة
اهم شيء لا توسوي
مرحلة وتعدي

[Ruby]

بنت آختي الصغيره صآر لها كذآ

عرفنآ آنه اسنآنهآ تطلع ومآتآكل كلش

[مهندسة مدنية]

انا ولدي نفس الحالة بس رحت الصيدلية وشريت (مالتي فيتامين) وبدا يتحسن حالته شوي وياكل على الاقل لقمتين في اليوم

[جلهنار]

بس انا بنتي ماتفتح فمها ابدا بضرابة والحين بتكمل 6 شهور على هلحالة وعطيتها ملتي فيتامين وتزوع

[أم إيلاف]

نفس حالة بنتي ونفس عمرها ما ترضى تأكل وحاولت معها وغيرت لها الاكل من دون فائدة
صايرة ضعيفة مرررررررررررة-

[قرموصة]

عجب ماشي حل غير انكم ترقعوهم عشان يصيحوا ويفكوا حلهم وتدخلولهم اللقمة خهعخهعخهعخهعخهعخهع


الله يحفظها إن شاء الله
ومثل ما قالوا الاخوان والاخوات
حصنيها ويمكن اسنانها هن المشكلة :)

موفقة أختي

[دموع اليأس]

يمكن صايبتنها حفله (عين) والعالم الله

هاتي ماي فغرشتها واقري عليه الفاتحه سبع مرات والاخلاص واية الكرسي والفلق
ثلاث ايام على نفس الحاله وشربيها ياه عين ماصلت على النبي وصدجيني تصير

او يمكن يكون تريد تطلع اسنان وفمها يعورها
هاتي رنز وطبخيه وخلي داخله 4 حبات تمر بعد ماتخوزي النواه وخليهن يفوحن لحد ماينضجن ويكون الماي فيهن زايد شويه بعدين ضربيهن فالخلاط وصبيهن فغرشتها
وبالهنا وصدجيني هالوصفه انا مجربتنها على ابني اقسم بالله ابني اعطيه رنز وهو ولد شهرين لنه كان بس عظم عليه جلد فيه الصفرا من يوم ولادته من كمل شهرين عطيته (رغيده )اللي هيه رنز وتمر مطبوخات
الحين ابني ولد شهرين ونص ووزنه 7 كيلو ماشالله عليه

[الجموحيه]

بنتي عمرها سنة وشهر
كان صحتها مثالي تتغذى زين والحمدلله بس من كملت 8 اشهر لحد الحين وهي ما ترضى حتى تفتح فمها وما زاد وزنها ابدا والعكس كانت وزنها 10 كيلو والحين 9 يعني البنت صار لها 5 اشهر وهي ترفض تأكل والحليب بضرابة وتشرب 2 اونز وخلاص جربت كل شي اعطيها وديتها المستشفى عطوها فيتامينات بس ما ترضى تشرب بس اشربها تزوع :حزين:

افيدوني الله يخليكم


بسم الله عليهااا..
ربي يشفيها ان شاءالله.. بس ما عليكِ غير تعطيها الفيتامين

[معاني المعالي]

أنا مش أم بس شفت أولاد أخواتي وأخواني،كلهم مروا بهالمرحلة،يعني هذا وضع طبيعي وما يدعو للقلق

أولا لأن الاطفال غالبا ما نحصل شهيتهم غير مفتوحة للأكل،ونلاقي بعض الامهات دائما قلقة على طفلها،وممكن يهزلون بسبب النشاط الزائد لديهم وكثرة الحركة مع قلة الاكل وذلك لأنهم في مرحلة النمو ولا أنكر بحاجتهم للغذاء إلا أن الله خير حافظ،،،

وطبعا اللي على الام تسويه أنها ما تفقد الامل،واتذكر وحده من خواتي كانت عندها بنتها رضيعة فطمت نفسها من أول يوم ولادتها ولكن أختي ما فقدت الامل بالعكس كانت تحاول ترضعها حتى لو ما تبي،وللعلم بأن بنتها كانت تشرب الصناعي ولا ترضى بالحليب الطبيعي إلا أن أمها ما كانت تتهاون في الوجبات الاخرى والطفلة تبكي وما ترضر تاكل إلا أول لقمة وع طول تفرغه ،،

بس أهم حاجة الإصرار وعدم فقدان الامل لأنه بنتك مصيرها تجوع وتشتهي تاكل

[ام طيور الجنة]

هذا شي طبيعي للاطفال في هذا السن
تحسيهم ملوا من الاكل العادي ويزيد عنادهم
حاولي تنوعي في أكلها -واكليها في اماكن مختلفه في البيت وهي تلعب في نفس الوقت
او جيبي حد يلاعبها وفي نفس الوقت تأكليها
يعني الهيها بأي شى وفي نفس الوقت انتي تأكليها
وحاولي الام دايما بطبيعتها تبتكر اشياء لصالح ولدها