لو سمحتوا ... وين أفضل الاماكن للصيد في عمان

[حروف وحتوف]

السلام عليكم ورحمة الله وبركاته


مرحبا يا أخـــوان

أرجوا التكرم بأفادتي عن أفضل الاماكن والاوقات لممارسة الصيد في عمان وخصوصا من على الشاطي يعني يا ليت لو تعطوني اماكن محدده في مسقط او الشرقيه بس يكون فيه الصيد وفير وفي أي وقت ممكن اروحها وأفضل انواع الطعم؟؟


رجاء أفيدوني بسرعه ولا تبخلو علي بخبراتكم


والشكر لكم جميعا

[gvoman]

السلام عليكم ورحمة الله وبركاته

وعليكم السلام ورحمة الله وبركاته
مرحبا يا أخـــوان
يامرحبا وسهلا:كاشخ:
أرجوا التكرم بأفادتي عن أفضل الاماكن والاوقات لممارسة الصيد في عمان وخصوصا من على الشاطي يعني يا ليت لو تعطوني اماكن محدده في مسقط
الشباب ماشاء الله عليهم ماقصروا لو تمر على الارشيف بتلاقي مواضيع كثيره عن هالشي....
عموما في مسقط... بنبدأ من السيب... عندك مرسى السيب وعندك خلف مشروع الموج فيه مثل المرسى...
العذيبه فالمرسى القديم
القرم (راس الحمراء)
كورنيش مطرح و عند مطعم الانشراح سابقا
عندك الخيران وسيفة الشيخ والسيفه.......... هذي الاماكن الثلاثه من اجمل المناطق للصيد فمسقط...

او الشرقيه بس يكون فيه الصيد وفير وفي أي وقت ممكن اروحها
طريق قريات صور (فنس , ضباب ...الخ)
صور
راس الحد
راس الرويس
شنه
والمناطق الساحليه كلها لين صلاله


الكلام اللي بالاحمر... هني عاد ربك المسهل... يعني هذي ارزاق بيد الله بتحصل شخصين يستخدموا نفس الطعم وواقفين نفس المكان بس واحد يصيد والثاني مايصيد,,, هذا كله رزق من الله...
وأفضل انواع الطعم؟؟
الطعم...
عندك العومه او الصيمه والحبار والروبيان....
والطعم الصناعي بأنواعه,,,


رجاء أفيدوني بسرعه ولا تبخلو علي بخبراتكم

هذا اللي قدرت اتذكره عمي والسموحه عاد
والشكر لكم جميعا
وفي النهايه أتمنى اني قدرت اوصلك ولو الشي القليل,,,

[الساحر الكبير]

خلاص التقرير كامل عند gvoman ما قصر
أسمع شورة وما بتندم الأماكن الي خبرك عنها حلوة .
بس مثل ما قال الصيد الوفير أنته وحظك يا تصيب يا تخيب.
وصلنا لين رأس مدركة تصدق أنه ما صدنا شي :(
يوم ربك ما كاتب لك الي جنبك يصيد سمكة وراء سمكة وأنته جالس تشوف عليه ما محصل شي.
ومرات :نطوط: :نطوط: البحارة المخضرمين ما يحصلو الصيد الي صايدنه أنت :)
بالتوفيق لك صاحبي

[حروف وحتوف]

سبحان الله

يعني ما فيه اضافات ممكن تفيدني
لانه بصراحه يصيبك ممل انته وجالس تصيد وما تحصل شيء

[عاشق القرش]

عليك براس الشجر في قريات

[piwi]

اهلي يروحوا مصيرة يصيدوا والحمدلله يجيبوا سممك بس ياله ناس عندها خبرة
اكثر شي يجيبوا الشعري وانواع غريبة اول مرة اسمع عنها..والطعم يستعملوا الحبار
الصيد الوفير يحتاج لخبرة اذا كنت راعي خبرة روح مصيرة البدو ماشالله عليهم يصيدلك هامور كبر القاارب

[حروف وحتوف]

ما شاء الله

بروح في الايام المقبله ودعواتكم لي

واللي عنده جديد حول الموضوع يطرحه

[جمعة العامري]

أفضل مكان مصيرة قبل إسبوعين رحت وطلعنا بالقارب الساعة 7 ص ورجعنا الساعة 5 م وترسنا ثلاثة كول بكس وزيادة خلينا الباقي عند الشركة الخاصة ببيع الثلج مصيرة صيدها وفير تعرف تصيد ولا ما تعرف بتجيب الصيد إن شاء الله بتجيبه ............ يعني مقولة عق وجيب بتحصلها في مصيرة ( حصلنا مكان للشعري ومكان للكوفر ومكان للهامور

[gvoman]

أفضل مكان مصيرة قبل إسبوعين رحت وطلعنا بالقارب الساعة 7 ص ورجعنا الساعة 5 م وترسنا ثلاثة كول بكس وزيادة خلينا الباقي عند الشركة الخاصة ببيع الثلج مصيرة صيدها وفير تعرف تصيد ولا ما تعرف بتجيب الصيد إن شاء الله بتجيبه ............ يعني مقولة عق وجيب بتحصلها في مصيرة ( حصلنا مكان للشعري ومكان للكوفر ومكان للهامور


اذا مالك امر يا العامري.... زين لو ترسلنا الكوردنيت اذا مخزننه واذا مامخزن زين توصف المكااااااااان موقع الكوفر والشعري...

[مسار الضباب]

الشيخ بعد الاشخره ... مكان اسمه الجفن ..روح اول الصبح ولا تشل معك غير الزانه او السناره واستخدم قبقب كطعم .... ترا السمك يموت فيه وما يقدر يقاوم ابد . وبأذن رب الفلق راح ترجع تارسنه الكول بكس
الصيد المتوفر هناك
- ضاف "لذيذ" حدا
-رحيصه "عروس البحر فاللذه" بس قويه جدا انتبه لما تمسك معك
- بناو او صغير الاشخلي "نص نص"
-هامور

[جمعة العامري]

اذا مالك امر يا العامري.... زين لو ترسلنا الكوردنيت اذا مخزننه واذا مامخزن زين توصف المكااااااااان موقع الكوفر والشعري...

شوف القبة الموجودة على الجبل مقابلنها مباشرة وإذا تحركت على يسارك لما تكون مواجهنها يكون أفضل وليس بعيد عن الشاطئ بكثير حتى يكون على يمينك صيادي الحبار هناك..... أخي تستغرب من كثر الصيد لكن بيضايقك السمك الصغير ( الجمجامة ) حتى بعض الاحيان ما واصلة الزانة عاد صايدنه لذلك إستخدم ثقل كبير حتى توصل بسرعة للأسفل وحاول تغير من موقعك واستخدم الحبار والعومة.

[شهوووودة]

سمعت قنتب زينة ... وجبل الاخضر تصيد نمور وسعالب ...وبعد عندك البدية تصيد ضب
http://www4.0zz0.com/2009/09/09/08/265624428.gif

[gvoman]

شوف القبة الموجودة على الجبل مقابلنها مباشرة وإذا تحركت على يسارك لما تكون مواجهنها يكون أفضل وليس بعيد عن الشاطئ بكثير حتى يكون على يمينك صيادي الحبار هناك..... أخي تستغرب من كثر الصيد لكن بيضايقك السمك الصغير ( الجمجامة ) حتى بعض الاحيان ما واصلة الزانة عاد صايدنه لذلك إستخدم ثقل كبير حتى توصل بسرعة للأسفل وحاول تغير من موقعك واستخدم الحبار والعومة.


اشكرك العامري وياخي ماشي أذيان غير ذي الجمجامه واكرر شكري لك

[فداء بلدي]

أفضل مكان مصيرة قبل إسبوعين رحت وطلعنا بالقارب الساعة 7 ص ورجعنا الساعة 5 م وترسنا ثلاثة كول بكس وزيادة خلينا الباقي عند الشركة الخاصة ببيع الثلج مصيرة صيدها وفير تعرف تصيد ولا ما تعرف بتجيب الصيد إن شاء الله بتجيبه ............ يعني مقولة عق وجيب بتحصلها في مصيرة ( حصلنا مكان للشعري ومكان للكوفر ومكان للهامور

الله يبشرك بالخير،،:كاشخ:
اليوم أهلي رايحين صوب مصيرة ربي يحفظهم:مستحي:
عشان يصيدوا سمك،،،
ويارب يحصلوا......:)

[gvoman]

الله يبشرك بالخير،،:كاشخ:

اليوم أهلي رايحين صوب مصيرة ربي يحفظهم:مستحي:
عشان يصيدوا سمك،،،

ويارب يحصلوا......:)



كيف حصلوا سمك؟!!:كاشخ:

[فداء بلدي]

كيف حصلوا سمك؟!!:كاشخ:

لحد الآن محصلين،،،،:كاشخ:
وعااااد بيجلسوا لباكر عشان يجيبوا أكثر،،،،:مرتاح:

[gvoman]

لحد الآن محصلين،،،،:كاشخ:


وعااااد بيجلسوا لباكر عشان يجيبوا أكثر،،،،:مرتاح:


الله يرزقهم يارب,,,
اهم شي يبدنا شيء؟!!:كاشخ:

[فداء بلدي]

الله يرزقهم يارب,,,
اهم شي يبدنا شيء؟!!:كاشخ:

آميييييييييييين يارب،،،،:)
مايهمك هههه

[هايم الشوق]

لحد الآن محصلين،،،،:كاشخ:
وعااااد بيجلسوا لباكر عشان يجيبوا أكثر،،،،:مرتاح:

هلا فداء بلدي


لما يوصلوا من مصيرة عاد نبي صور لسمك الي بيحط في الكول بكوس

[فداء بلدي]

هلا فداء بلدي


لما يوصلوا من مصيرة عاد نبي صور لسمك الي بيحط في الكول بكوس

بإذن الله،،،،،،،:)

[حروف وحتوف]

شوقتنونا يالربع للصيد

فداء بلدي خلي الاهل ياخذو حاجتهم من الصيد وبس اخاف اروح وما احصل شيء

اشكرك يا العامري على الافادة

والشكر لك اخي مسار الضباب

بعون الله راح ازور الموقع قريبا 00الجفن بعد الاشخره خلاص سجلناها في الذاكره))

الشكر للجميع

[gvoman]

آميييييييييييين يارب،،،،:)


مايهمك هههه



ويييييييييين مانشووووووووف شي:عيار:

[فداء بلدي]

ويييييييييين مانشووووووووف شي:عيار:

رجعوا بالسلامة وجابوا سمك وقسموه وعاد في الثلاجة:عيار::كاشخ:

[gvoman]

رجعوا بالسلامة وجابوا سمك وقسموه وعاد في الثلاجة:عيار::كاشخ:



الحمد لله عسلامتهم,,
والله يوسع ارزاقهم يارب

[حروف وحتوف]

gvoman
راح أحجز عندك كورس في الصيد

[sur4us]

روح راس مدركة وبشوف كيف الصيد هناك وايد ما شاء الله

[traveler.vip]

gvoman ما قصر معاكم ونتمنى لكم رحله موفقه
وأرجو طرح مثل هالإستفسارات بقسم الإستفسارات