المخضرب
05/09/2010, 05:30 PM
شوفي ترى زاد الغلا
وكلهم يسألوني من ياترى ؟
منهم درى ومنهم توهّم إنه درى
حدْ قال شاف وحد أكتفى بقولة إنه قرأ
وأنتِ وأنا
قصة بين السطور مافهمها من قرأ
انت تسكنين قصور بصرى
وانا صعلوك مثل عروه والشنفرى
انتِ تشمين الزهور
وانا أدمنت أشمّ عطرك وصاير شرى شمّام الغرا
أشمّ ذكرياتك لين أسَطّلْ وأهــــْـذي في الورى
مثل مجنون ليلى
أشوف صورتك في غي السرى *
ان وصل صوتك
أنتشي وأشعر كأني العبسي عنترا
وان غاب حسّك عن دنيتي
أصير مضحك كأني بهلول القرى
ولا ّشرى مسكين يرجف ...في الزمهرير ماحصّل ذرى
ليتك تحسي كيف دمعي في وحدتي فاض من عيني وجرى
وكيف قلبي يكتم اشواقه في شرايينه لين شريانه برى
أتصبّر وسوق الغلا يعرض قلوب غير قلبي وتشترى
وانا ضيّعت مالي في مزاد المشترى
كلما مرّ إسمك صحت فِلسْ**
ويظل حاسد يزايد وبس همّهْ أخسرا
وأرجع أحسب كم بقالي من سنيني
وأدرك بالحساب إني اعود القهقرى
وإنّي افقد في غيابك كل لحظه من حنانك مايوازي المشترى***
خايف أنا يضيع عمري وانتهي تحت الثرى
___________________
* السراب
** لفظة تستخدم من قبل المزايدين
** *كوكب المشترى
وكلهم يسألوني من ياترى ؟
منهم درى ومنهم توهّم إنه درى
حدْ قال شاف وحد أكتفى بقولة إنه قرأ
وأنتِ وأنا
قصة بين السطور مافهمها من قرأ
انت تسكنين قصور بصرى
وانا صعلوك مثل عروه والشنفرى
انتِ تشمين الزهور
وانا أدمنت أشمّ عطرك وصاير شرى شمّام الغرا
أشمّ ذكرياتك لين أسَطّلْ وأهــــْـذي في الورى
مثل مجنون ليلى
أشوف صورتك في غي السرى *
ان وصل صوتك
أنتشي وأشعر كأني العبسي عنترا
وان غاب حسّك عن دنيتي
أصير مضحك كأني بهلول القرى
ولا ّشرى مسكين يرجف ...في الزمهرير ماحصّل ذرى
ليتك تحسي كيف دمعي في وحدتي فاض من عيني وجرى
وكيف قلبي يكتم اشواقه في شرايينه لين شريانه برى
أتصبّر وسوق الغلا يعرض قلوب غير قلبي وتشترى
وانا ضيّعت مالي في مزاد المشترى
كلما مرّ إسمك صحت فِلسْ**
ويظل حاسد يزايد وبس همّهْ أخسرا
وأرجع أحسب كم بقالي من سنيني
وأدرك بالحساب إني اعود القهقرى
وإنّي افقد في غيابك كل لحظه من حنانك مايوازي المشترى***
خايف أنا يضيع عمري وانتهي تحت الثرى
___________________
* السراب
** لفظة تستخدم من قبل المزايدين
** *كوكب المشترى